滙豐信用卡獨家飲食優惠：2026美食大巡禮—— 15間必食餐廳懶人包｜米芝蓮星級點心 + 東京人氣抹茶 + 天台海景酒吧
滙豐信用卡除咗識搵好嘢食，最緊要係仲識幫你慳！由即日起至2026年6月30日，只要用滙豐信用卡喺以下指定餐廳埋單，即享低至8折優惠，仲有各種免費美食同贈飲。想食得招積又要慳得精明，呢份美食全攻略就絕對要Save低！仲唔快啲睇吓邊間啱心水，即刻試試佢！
（點擊以快速前往各系列餐廳）
Chill住歎！驚喜西式滋味
1. 全港首間木化石主題 荃灣隱世大自然餐室 – PARKSIDE@NINA
想搵個地方遠離都會煩囂？坐落喺荃灣如心園嘅 PARKSIDE@NINA 就係一個結合大自然與藝術嘅「城市綠洲」。呢度係全港首間以木化石為主題嘅餐廳，最令人震撼嘅絕對係嗰個極高樓底嘅圓拱形天花，光影隨住時間交織出唔同線條感，打卡真係一流！餐廳環境靜謐優雅，仲擺放咗珍貴嘅木化石展品，讓食客喺享用美食嘅同時仲可以感受一份自然氣息，絕對係同屋企人或朋友聚會嘅Perfect Choice！
美食方面，餐廳特別為滙豐信用卡持卡人度身訂造咗限定套餐，款款都極具心思。前菜「煙三文魚藜麥包」配上羽衣甘藍同青蘋果，加埋柚子汁嘅酸甜，味道清新開胃，瞬間喚醒味蕾；主菜推介必試「虎蝦粗管意粉」，大隻虎蝦彈牙爽口，配上鮮味爆發嘅三文魚籽同羅勒忌廉汁，每條意粉都吸滿醬汁，層次感爆棚！肉食控就唔好錯過「烤西冷牛扒」，肉質嫩滑嘅牛扒配埋特製青胡椒汁，非常惹味。最後食埋個凍熱交融嘅「麵包布甸配雲呢拿雪糕」，為呢餐畫上完美句號。食飽之後，仲可以去埋戶外露台欣賞壯麗嘅日落，氣氛浪漫至極。於餐廳旁邊嘅如心園每晚7至9點，仲有集視覺、音樂、燈光及特效於一體嘅「聲光匯演」睇添！一於約埋家人朋友，喺呢個都市綠洲一邊歎美酒佳餚，一邊欣賞夢幻匯演！
PARKSIDE@NINA
地址：荃灣楊屋道8號如心廣場一期2樓201號舖
訂座電話：2117 4681
滙豐信用卡專享優惠
- 指定專屬晚市套餐（每位/港幣358元）（星期一至四）
– 優惠只適用於星期一至四，公眾假期除外。
– 優惠不適用於2026年4月6日至7日及5月25日。
– 優惠另收加一服務費。
– 此優惠不可與其他優惠、餐廳推廣或折扣同時使用。
– 如有任何爭議，PARKSIDE@NINA 保留最終決定權。
2. 羅馬街頭風味 手切薄餅計重收費 – Alice Pizza
唔使飛意大利，喺香港都食到最正宗嘅羅馬長方形手切薄餅！Alice Pizza 擁有超過30年歷史，更曾被意大利權威評鑑《Gambero Rosso》評為「Top Pizzerias in Italy 2023」。同平時見到嘅圓形Pizza唔同，呢度主打薄脆輕盈嘅餅底，秘訣在於沿用多年嘅麵糰配方，大幅減少酵母用量，令餅底充滿空氣感且唔油膩。最正係呢度係「即點即切」，想食幾多切幾多，一次過試十幾款唔同口味都得，啱晒「選擇困難症」！
Alice Pizza 提供超過30款口味，由經典滋味到創意風味一應俱全。人氣口味首推「Carbonara」，將經典意粉變身薄餅，鋪滿意式風乾豬面頰肉、芝士同黑胡椒，蛋香極濃；另一款「Mortadella」則有鹹香意式肉腸、水牛芝士同開心果碎，口感豐富。鹹食之外，當然要留肚食甜品！而家持滙豐信用卡消費滿港幣128元，仲送你一份甜絲絲嘅「Nutella 榛子朱古力脆批」，熱辣辣嘅薄餅夾滿香濃榛子可可醬，外酥內軟，香甜療癒，絕對係最完美嘅羅馬街頭美食Endnote！
Alice Pizza
銅鑼灣分店：銅鑼灣寶明大廈地下G及H號舖
電話：6318 4714
灣仔分店：灣仔皇后大道東92號地舖
電話：6408 7874
中環分店：中環閣麟街18號地舖
電話：6685 9642
尖沙咀分店：尖沙咀棉登徑1號地舖
電話：6905 9415
旺角分店：旺角朗豪坊4樓8號舖
電話：9842 4177
沙田分店：沙田新城市廣場三期3樓A304號舖
電話：5973 1649
滙豐信用卡專享優惠
- 惠顧滿港幣128元或以上即可免費獲贈Nutella榛子朱古力脆批（價值港幣35元）
– 優惠不適用於網上訂購。
– 優惠不可兌換現金，亦不可與其他折扣或推廣優惠同時使用。
– 贈品數量有限，送完即止。
– Alice Pizza Hong Kong Limited 保留隨時更改、增加或刪除本條款及細則之權利，而毋須另行通知。
– 如有任何爭議，Alice Pizza Hong Kong Limited 保留最終決定權。
3. 經典美式風情 古法慢烤煙燻肉 – Smokehouse Bar & Grill
一出行朗豪坊13樓電梯，陣陣強烈嘅燻木香已經話你知 Smokehouse Bar & Grill 到喇！呢度行復古木系 Bar Feel，感覺好似去咗美國南方小鎮咁，氣氛一流。餐廳主打19世紀古法慢烤煙燻技術，由專業廚師團隊用優質木頭花足幾個鐘燻製上乘肉類，將最正宗、惹味嘅美國南方風味帶到香港。聚會慶生想搵地方「大啖食肉」？揀呢度就啱！
肉食獸必點招牌「肉類盛宴」，一盤有齊煙燻牛胸肉、燒豬肋骨、手撕豬肉同兩款惹味香腸，啖啖肉汁噴發，煙燻味極濃郁！仲有必試超搶Fo嘅「烤牛骨髓」，油潤骨髓配埋紅酒燴和牛、洋蔥醬及無花果，口感極致邪惡，配埋多士食，層次勁豐富！驚喜之選仲有「非洲雞」，火候控制得啱啱好，肉嫩Juicy，帶點異國微辣香料風情，非常惹味。甜品一定要嗌「煙燻拖肥香蕉」，香蕉加入焦糖烹煮形成脆皮，再以木頭同薰衣草進行燻製，香氣層次十足，配埋拖肥醬同雪糕，冰火交融令人一試愛上！
而家滙豐信用卡持卡人喺 Smokehouse Bar & Grill 簽賬滿港幣800元，仲送意大利氣泡酒一支。快啲約埋朋友嚟大啖食肉、大口飲酒，感受呢場充滿視覺與味覺驚喜嘅美式煙燻盛宴啦！
Smokehouse Bar & Grill
地址：旺角亞皆老街8號朗豪坊13樓05號舖
訂座電話：2972 0078
滙豐信用卡專享優惠
- 堂食惠顧主餐牌消費滿港幣800元或以上（加一服務費前計算），即可獲贈精選意大利氣泡酒一瓶（價值港幣398元）
– 優惠不適用於2026年4月3日至7日、5月1日、10日、24日至25日、6月19日及21日。
– 另收加一服務費並以原價計算。
– 優惠不可與其他折扣或優惠同時使用。
– 如有任何爭議，Smokehouse Bar & Grill 保留最終決定權。
4. 中環碼頭頂層Hidden Gem 浪漫海景天台酒吧 – Pier 7 Café & Bar
中環天星碼頭頂層原來收埋咗一個可以盡情望海放空嘅秘密基地—— Pier 7 Café & Bar。呢度擁有舒適嘅露天平台，可以將維港海景同中環璀璨夜景盡收眼底。入夜後露台會點亮一串串小燈泡，一邊吹住海風，一邊欣賞萬家燈火，浪漫又寫意。無論係同另一半約會，定係三五知己輕談淺酌都十分合適。
呢度主打地中海風情美食，每道菜都充滿驚喜。首推色彩繽紛嘅「地中海小食拼盤」，一盤有齊鷹嘴豆泥、中東茄子、紅菜頭等抹醬，同埋菲達羊奶芝士，點埋烤薄餅食非常開胃。鍾意Fusion菜嘅必點「和牛他他」，特別加入布格麥增加咬口，配埋香脆手工薯餅，層次感極強。仲有鹹香嘅「精選西班牙伊比利亞火腿芝士拼盤」或者嫩滑多汁嘅「烤土耳其沙威瑪雞肉串」都係人氣之選，啱晒同朋友Share餸酒。美食當前又點少得美酒相伴？招牌Cocktail「Rooftop Garden」—— 紫色同黃色嘅夢幻漸層好似將「夕陽」裝入酒杯咁，入口酸甜清爽，打卡度爆燈！而Mocktail就推薦採用紅肉火龍果同檸檬汁結合而成，清爽嘅「Red Star」。
埋單記得拎返張滙豐信用卡出嚟，用埋專屬85折優惠嚟獎勵吓自己。趁住放工或者週末，快啲約埋三五知己嚟呢間天台酒吧，感受吓呢份遠離繁囂嘅海邊悠閒啦！
Pier 7 Café & Bar
地址：香港中環7號天星碼頭R層M號舖
訂座電話：2167 8153
滙豐信用卡專享優惠
- 堂食惠顧滿港幣400元或以上（加一服務費前計算）可享全單85折（下午5時後）
– 另收加一服務費，並以原價計算。
– 優惠不適用於2026年4月3日至7日、5月1日、10日、24日至25日、6月19日及21日。
– 優惠不能與任何其他優惠、特別推廣或折扣同時使用。
– 如有任何爭議，Cafe Deco Group 保留最終決定權。
大滿足！亞洲風味巡禮
1. 京都吉列牛名店 60秒極致快炸 – 京都勝牛
掛住日本嘅吉列牛？源自京都嘅元祖級名店京都勝牛絕對滿足到你！呢度最傳奇嘅係「高溫短時間」炸法，用190℃油溫快炸60秒，令外層麵衣金黃酥脆，入面仲保持住最誘人嘅3分熟粉嫩色澤，完美鎖住肉汁。餐廳裝修充滿日式木系氛圍，簡約得嚟又打卡able，坐低嗰陣真係有種飛到京都嘅感覺。
嚟到一定要試招牌「四品牛魔御膳」，一個Set就可以試到幾款牛，包括菲力牛、穀飼西冷等精選。最正係餐廳會附上一個迷你石板爐，等你可以隨意煎到鍾意嘅熟度，邊燒邊食，肉香四溢之餘更有層次！配埋滑溜溫泉蛋液、芥末和風醬或者京咖哩蘸醬，每口牛味都即刻昇華。最抵讚係御膳嘅白飯、味噌湯同椰菜絲都係無限追加，大食怪都一定可以飽住走！最後記得留肚食甜品，如「沖繩黑糖雞蛋布丁」就帶有濃郁蛋香，口感十分軟滑；「草莓小豆雪糕三文治」就外脆內冷，口感同樣精彩。
而家喺京都勝牛用滙豐信用卡埋單，仲可以享有平日限定主餐牌9折優惠，等你可以用最荀價錢感受京都元祖級吉列滋味！
京都勝牛
地址：九龍啟德協調道2號AIRSIDE B129號舖
電話：2117 1310
滙豐信用卡專享優惠
- 堂食主餐牌9折（星期一至五）
– 優惠不適用於公眾假期。
– 優惠不適用於2026年4月17日。
– 另按原價收加一服務費。
– 優惠不可與其他優惠、特別促銷或折扣同時使用（包括CDG Privilege 會員優惠）。
– 如有任何爭議，Cafe Deco Group 保留最終決定權。
2. 九龍城高級日料地標 炭火焦香 vs 頂級壽司刺身 – 三和敘 (焔．爐端燒) / 三和敘 (凝．壽司刺身)
邊個話去九龍城淨係可以食泰國菜？呢間三層高嘅獨立建築「三和敘」就絕對係區內嘅隱世高質之選。餐廳將唔同嘅日料工藝分層處理，裝修雅緻且私隱度高，好適合情侶約會或者同家人老友食餐好嘅。
如果你鍾意重口味少少，一定要去地下嘅「焔」試下佢哋嘅爐端燒。一踏入去就會聞到陣陣好治癒嘅木炭香氣，師傅利用炭火熱力鎖住食材精華，每一啖都帶有獨特嘅焦香。必試極致奢華嘅「割烹．珍」晚市套餐，入面有齊炭燒長腳蟹蟹腳、蝦夷鮑魚，同埋霸氣十足、大隻到震撼視覺嘅炭燒活龍蝦。肉食控仲可以品嚐到入口即溶嘅日本A5熊本牛柳。最令人驚喜嘅係壓軸嗰碗汁燒法國鵝肝香蔥飯，油脂香配埋惹味醬汁，真係邪惡得嚟又令人欲罷不能！
想食清雅啲嘅話，上2樓嘅「凝」就可以體驗到極致鮮味嘅壽司刺身。師傅會根據當造季節揀選最鮮美嘅魚材，配上特製嘅壽司醋飯，入口鮮甜回甘。尤其係午市嘅「特上奢華十色刺身丼」，一碗有齊吞拿魚腩、牡丹蝦、海膽同六款時令刺身，極致奢華！
而家嚟三和敘，滙豐信用卡持卡人更加可享獨家優惠，用更抵嘅價錢去感受呢份罕有嘅尊尚日式體驗。下次去九龍城，不妨嚟呢度感受吓炭火同刺身嘅雙重魅力啦！
三和敘 (焔．爐端燒)
地址：九龍城福佬村道46號地下B號舖
訂座電話：5169 7945
滙豐信用卡專享優惠
- 指定晚市套餐85折
– 必須於焰．爐端燒(地下)堂食，不適用於鐵板及壽司食品項目。
– 優惠不適用母親節(5月10日)及父親節(6月21日)。
– 須收原價加一服務費。
– 優惠不能與其他優惠同時使用。
– 如有任何爭議，焰爐端燒(三和敘)保留最終決定權。
三和敘 (凝．壽司刺身)
地址：九龍城福佬村道46號2樓
訂座電話：9542 2678
滙豐信用卡專享優惠
- 惠顧港幣300元以上的午市套餐可享9折 (星期一至五)
– 優惠只適用於港幣300元或以上的午膳套餐。
– 必須於凝．壽司刺身(2樓)堂食，不適用於鐵板及爐端食品項目。
– 優惠只適用於星期一至五(公眾假期除外)。
– 須收原價加一服務費。
– 優惠不能與其他優惠同時使用。
– 如有任何爭議，凝、壽司刺身(三和敘)保留最終決定權。
3. 經典台味飽腹盛宴 必試惹味三杯雞及番茄牛肉麵 – 春水堂
想同朋友搵個地方坐低，舒舒服服食餐正宗台式晚餐？春水堂除咗係手搖茶飲嘅先驅，佢哋嘅台式料理亦一直深得食客心，務求將最純粹嘅台灣味道帶嚟香港。
如果想一次過試晒佢哋嘅招牌作，就一定要試吓佢哋專為滙豐信用卡持卡人設計嘅「滙豐晚市二人套餐」！主食選擇非常豐富，首推全新上市嘅「台式三杯雞便當」，以麻油、醬油同米酒嘅黃金比例調製，雞肉入味濃郁，惹味醬香真係餸飯一流。鍾意麵食嘅話，「半筋半肉番茄牛肉麵」亦係人氣之選，酸甜清爽嘅番茄湯底配上富含滿滿膠質嘅滑嫩牛筋同軟嫩入味嘅牛肉塊，濃郁又唔會膩；或者揀份量十足嘅「御品三寶牛肉麵」，有齊牛肉、牛筋同牛肚，食落絕對滿足。套餐仲包自選小食，必試外皮金黃酥脆嘅「黃金香酥雞」，肉質鮮嫩多汁，灑上白芝麻提味更加香氣爆燈。當然，套餐亦附上兩杯經典台式茶飲，由清新嘅原味茶到經典嘅醇奶茶系列一應俱全。
春水堂
旺角分店：旺角彌敦道639號雅蘭中心1樓101-102號舖
電話：2320 3339
觀塘分店：觀塘觀塘道418號創紀之城5期APM L1層1號舖
電話：3619 4335
太古分店：太古城道18號太古城中心1樓102號舖
電話：2321 8388
葵芳分店：葵芳興芳路223號新都會廣場4樓410-412號舖
電話：2666 9200
沙田分店：沙田沙田正街18號新城市廣場三期3樓A332 & A363A號舖
電話：2610 0801
東涌分店：東涌達東路20號東薈城286號舖
電話：2871 9828
滙豐信用卡專享優惠
- 指定滙豐晚市二人套餐85折（星期一至五）（正價:港幣354元， 優惠價:港幣299元）
– 晚市時段為下午六時後供應。
– 優惠不適用於星期六、日、公眾假期。
– 優惠不適用於2026年4月3日至4月7日、5月1日、5月25日、6月19日。
– 優惠不適用於西九龍店。
– 優惠適用於堂食及外賣。
– 優惠不可與其它推廣優惠及現金券同時使用，並不設退換。
– 另收以一般零售價計算之加一服務費。
– 如有爭議，Global Link Retail Management 保留最終決定權。
– 食物款式會因應貨源或季節而調整，恕不另行通知，一切以商品之最新公佈為準。
– 每張合資格信用卡只可使用優惠一次。
4. 最親民米芝蓮星級點心 必食靈魂酥皮焗叉燒包 – 添好運點心專門店
講起點心，絕對會提起「添好運」。由2009年旺角店寫下「最快摘星」神話開始，佢哋一直堅持「即叫即蒸」嘅初心。佢哋嘅宗旨好簡單：等大家可以用平價，歎到星級手藝。呢份執著，令佢哋連續多年榮獲米芝蓮肯定，CP值簡直爆燈 ！
嚟到添好運，無理由唔嗌佢哋嘅靈魂之作「酥皮焗叉燒包」。外皮層層起酥，咬落去嗰吓「咔嚓」聲真係超級療癒，鹹甜適中嘅特製叉燒內餡瞬間湧出，熱辣辣嘅口感令人著迷。除咗招牌包點，傳統點心亦見真章：「晶瑩鮮蝦餃」皮薄得嚟又有彈性，蝦肉鮮甜爽口；「香煎蘿蔔糕」則用料十足，每一啖都食到蘿蔔絲嘅清香。想試啲新意？「洛神花米網紅米蝦腸」選用洛神花煮成酸甜醬汁，果香平衡鮮味，入口酥脆又鮮嫩，絕對係驚喜之作。
而家用滙豐信用卡喺添好運惠顧滿港幣200元或以上，仲有88折優惠！無論係一家人聚餐定係同老友慢慢嘆茶吹水，都可以用最荀價錢食到星級點心，絕對係回味無窮嘅體驗。
添好運點心專門店
旺角分店：九龍旺角海庭道18號奧海城2期地下G72A-C舖
電話：2332 2896
西九龍分店：尖沙咀柯士甸道西3號高鐵香港西九龍站B1M夾層1號鋪
電話：2744 5722
尖沙咀分店：九龍尖沙咀河內道18號K11購物藝術館1樓119號舖
電話：2489 8918
深水埗分店：九龍深水埗福榮街9-11號嘉匯大廈地下及閣樓
電話：2788 1226
新蒲崗分店：九龍新蒲崗太子道東638號MIKIKI地下G11號舖
電話：2366 2802
中環分店：中環香港機鐵總站Level 1 12A & 12B舖
電話：2332 3078
太古分店：香港太古城太古城道26號金殿台漢宮閣地下G410-411鋪
電話：2252 3908
沙田分店：新界沙田沙田正街18-19號新城市廣場一期4樓455號舖
電話：2385 0955
將軍澳分店：將軍澳寶林欣景路8號新都城中心二期商場地下
電話：2789 2803
元朗分店：新界元朗朗日路9號形點I第二層2023-2027號舖
電話：2332 2003
滙豐信用卡專享優惠
- 惠顧港幣200元或以上可享88折
– 優惠適用於香港添好運分店，只適用堂食。
– 優惠只適用於單點產品，不可與其他優惠同時使用。
– 優惠有效期至2026年6月30日。
– 如有任何爭議，添好運香港保留最終決定權。
– 圖片只供參考。
5. 都市中嘅泰式竹林 視覺系「火山排骨」及新派泰式滋味 – Bamboo Thai
想感受東南亞嘅悠閒感？以木系同竹林裝飾為主調嘅 Bamboo Thai，成功將泰國嘅自然氣息帶入鬧市。呢度嘅廚師團隊擅長以新派手法重新演繹傳統泰國菜，令每一道經典菜式都換上令人眼前一亮嘅時尚面貌。
呢度最震撼視覺嘅招牌菜絕對係「火山排骨」。堆疊如山嘅豬頸骨肉質腍滑，淋上滿滿嘅青辣椒同埋酸甜開胃嘅特製檸蒜汁，味道層次分明且唔油膩，絕對係肉食獸嘅打卡首選 。另一道令人驚喜嘅菜式係「泰式蛋咖喱炒皇帝大虎蝦」，大隻虎蝦肉質彈牙，配上滑溜嘅蛋咖喱醬汁，香氣撲鼻。建議配埋外脆內軟嘅蒜蓉包一齊食，簡直係完美組合。「泰式火車頭和牛炒飯」亦係誠意之作，炒飯鑊氣十足且粒粒分明，每一啖都充滿和牛脂香。飲品方面，充滿熱帶風情嘅「椰林飄香」或者清新消暑嘅「龍眼特飲」都係解膩良伴 。
一餐完美嘅飯局點少得甜品作結。強烈推介呢度嘅人氣甜品「芒果糯米飯」，軟糯暖和嘅糯米飯淋上濃郁椰漿，配上熟透香甜嘅芒果，冷熱交融嘅口感非常治癒。而家只要憑滙豐信用卡喺 Bamboo Thai 堂食消費滿港幣 800 元，即可享全單9折兼免費獲贈「芒果糯米飯」一份；如果消費滿港幣 1,500 元，仲可以選擇獲贈氣泡酒一枝（二選其一）。一於約埋親朋好友去試吓呢份充滿新派創意嘅地道滋味，一齊用最荀價錢「泰」Chill吓啦！
Bamboo Thai
旺角分店：旺角亞皆老街8號朗豪坊8樓02-03 號舖
訂座電話：2111 9948
黃竹坑分店：黃竹坑香葉道11號 THE SOUTHSIDE 2樓204號舖
訂座電話：2117 0636
荃灣分店：荃灣楊屋道8號如心廣場1期1樓105-106 號舖
訂座電話：2662 0062
屯門分店：屯門屯盛街1號屯門市廣場1期3樓3226號舖
訂座電話：2155 4291
滙豐信用卡專享優惠
- 堂食惠顧淨滿港幣800元或以上（加一服務費前計算），即可享全單9折及免費獲贈芒果糯米飯一客（價值港幣78元）或
- 堂食惠顧淨滿港幣1，500元或以上（加一服務費前計算），即免費獲贈氣泡酒一瓶（價值港幣368-388元）
– 另收加一服務費，並以原價計算。
– 優惠不適用於2026年4月3日至7日、5月1日、10日、24日及25日、6月19日及21日。
– 優惠不能與任何其他優惠、特別推廣或折扣同時使用。
– 如有任何爭議，Cafe Deco Group 保留最終決定權。
超治癒！精緻甜點與慢活輕食
1. 濟州風小清新 Cafe 柑橘樹下歎窩夫 – Terrace in seaside
源自韓國仁川嘅Terrace in seaside，將濟州島嘅慵懶氣息帶到香港，啱晒閒時嚟放鬆吓。餐廳以簡約木系裝潢為主，為顧客打造舒適環境。最吸睛嘅莫過於店內嘅柑橘樹佈置，令人好似置身喺溫暖嘅果園中，隨便一個角落都係打卡位。呢度主打韓式料理，將傳統韓國食材融入西式煮法，每道菜都賣相精緻 。
鹹食方面，首推熱辣辣鐵板類別嘅「鐵板芝士辣五花肉八爪魚」！鐵板燒到滋滋聲，辣香五花肉非常惹味，配埋彈牙八爪魚同濃濃芝士，超級邪惡！呢度仲有令人回味嘅「思考人生的甜辣無骨炸雞」，外皮香脆且沾滿甜辣醬汁，食完真係會滿足到想放空一下 。
不過，呢度嘅靈魂絕對係一系列柑橘產品！招牌「清甜柑橘窩夫」即叫即製，窩夫底外脆內軟，而且蛋味濃郁，再配上鮮甜爆汁嘅柑橘果肉同幼滑忌廉，酸甜清爽，完全係解膩神器。飲品方面，打卡必叫「濟州柑橘乳酪」，杯頂放咗原個柑橘，賣相100分；或者試吓「柑橘湯力咖啡」，微苦咖啡帶點柑橘清香，勁有層次感。
既然要同朋友去Chill吓，埋單記得用滙豐信用卡拎返個8折優惠，用最荀價錢感受呢份清新治癒嘅韓式時光！
Terrace in seaside
尖沙咀分店：九龍尖沙咀廣東道3-27號海港城海運大廈2樓OT233號舖
電話：2463 3100
旺角分店：九龍旺角太子道西193號MOKO新世紀廣場3樓346&347號舖
電話：2328 0636
九龍塘分店：九龍九龍塘達之路80號又一城LG2樓LG2-26號舖
電話：2320 0389
九龍灣分店：九龍九龍灣偉業街33號德福廣場1期1樓F11號舖
電話：2338 6887
啟德分店：九龍九龍城啟德協調道2號AIRSIDE 6樓L604號舖
電話：2330 1398
長沙灣分店：九龍長沙灣荔盈街10號SOHO West 1樓101號舖
電話：2330 1203
沙田分店：新界沙田沙田正街18-19號新城市廣場一期L6樓609號舖
電話：2606 6836
銅鑼灣分店：香港銅鑼灣勿地臣街1號時代廣場9樓922-923號舖
電話：2326 8728
太古分店：香港太古太古城道18號太古城中心2樓222A號舖
電話：2217 3268
黃竹坑分店：香港黃竹坑香葉道11號THE SOUTHSIDE 2樓203號舖
電話：2818 8113
元朗分店：新界元朗朗日路9號形點 I L2樓2056號舖
電話：3188 9238
屯門分店：新界屯門屯順街1號屯門市廣場1期UG樓UGK9號舖
電話：2366 3299
滙豐信用卡專享優惠
- 堂食惠顧滿港幣300元或以上可享8折
– 優惠不適用於公眾假期。
– 優惠另設加一服務費並以原價計算。
– 優惠不可與其他推廣優惠、禮券或其他優惠同時使用。
– 如有任何爭議，Terrace in seaside 將保留最終決定權。
2. 昭和風情洋食屋 必試流心蛋包飯 – 喫茶ちょうぼ
「ちょうぼ」喺日語中有「朝暮」之意，代表無論日夜，都可以喺「喫茶ちょうぼ」盡情享受精緻和洋料理。呢度行日式懷舊昭和風格，木色設計加上柔和燈光，令人好似去咗日本街角嘅喫茶店咁放鬆。
嚟得日式Café，蛋包飯絕對係主角之一︰店員會喺你枱前剖開鮮嫩嘅奄列蛋，睇住半熟流心嘅蛋汁湧出嚟包裹住番茄飯底，畫面超療癒！推薦「壽喜燒牛肉蛋包飯」，配埋濃郁嘅壽喜燒牛肉，啖啖都滑嫩入味。仲有特別造型嘅「茄子君躺平の蛋包飯」，將飯砌成茄子形狀，超級可愛啱晒打卡！除咗蛋包飯，其他選擇亦十分豐富。「炸酥脆軟殼蟹意粉」分量十足，原隻軟殼蟹炸得挺身香脆。肉食控就要試試「極 • 厚切吉列豬扒飯」，豬扒悉心切好並疊成塔型，外皮酥脆且肉質紮實；或者嗌個「鰻魚玉子蓋飯」，長過手掌嘅肥美鰻魚塗上香甜蒲燒汁，中間夾住厚實嘅玉子，啖啖油香焦香交織，幸福感十足。除咗主菜，「春風小料理盛合」有齊胡麻醬雞胸肉、炸雞、芝士奶油粟米條、芝士年糕同涼拌菠菜，啱晒同朋友share。最後記得飲埋杯充滿夏日感嘅「瑠璃蝶豆花梳打」或者質感獨特嘅「極濃花生咖啡」，為呢餐和洋盛宴畫上完美句號。
喫茶ちょうぼ
尖沙咀分店：尖沙咀河內道18號K11購物藝術館1樓117-118號舖
電話：2310 2863
銅鑼灣分店：銅鑼灣告士打道280號世貿中心4樓8號舖
電話：2608 1833
大埔分店：大埔安邦路8&10號大埔超級城B區2樓276號舖
電話：2564 1888
滙豐信用卡專享優惠
- 堂食惠顧滿港幣300元或以上可享8折
– 優惠不適用於公眾假期。
– 優惠另設加一服務費並以原價計算。
– 優惠不可與其他推廣優惠、禮券或其他優惠同時使用。
– 如有任何爭議，Choubo Kissaten 將保留最終決定權。
3. 90年日式職人精神 必飲UCC招牌咖啡 – UCC Coffee Shop/ Mellow Brown Coffee by UCC/ UCC Cafe Mercado
UCC 自1933年來，一直秉持住將香醇美味咖啡送到每個人手上嘅精神。品牌對咖啡豆嘅品質控制極為嚴謹，甚至喺牙買加藍山及美國夏威夷經營自營農園，確保由生豆階段開始就達到最高標準。
嚟到UCC，就當然要細味其靈魂之作「招牌咖啡」—— 咖啡味醇厚且口感紮實，咖啡清香撲鼻。若加入鮮奶，會變得更滑順並帶有甘甜微苦嘅層次。想換換口味嘅話，高顏值嘅水果茶亦係人氣之選，透明玻璃盛器內裝住豐富水果，茶底甘澀適中，果香天然濃郁。
除咗飲品，呢度嘅甜品同輕食亦非常有水準。牛角酥窩夫絕對係必點，選用法國直送嘅牛角酥麵糰新鮮烘製，窩夫散發出濃郁牛油味，口感厚實酥脆，幸福感爆燈。最推薦提拉米蘇口味，將咖啡香氣融入奶油，層次豐富又唔會過甜。仲有意粉都相當唔錯，例如「蒜蓉海鮮意粉」就結合咗香濃蒜味同鮮甜海鮮。想試試日西合璧嘅輕盈口味，則可以選擇「煙肉忌廉意粉」，口感滑順又唔油膩。
店內環境明亮舒適，無論係想一個人靜靜工作，定係同親友聚餐都同樣合適。雖然各分店供應嘅菜式略有不同，但豐富選擇定能滿足你。埋單記得用滙豐信用卡，以更抵價錢感受呢份跨越九十載嘅職人咖啡情懷！
UCC Coffee Shop
觀塘分店：觀塘創紀之城5期APM LG樓層 LG-1 & LG-3號鋪 KT-002 單位
電話：3428 5211
啟德分店：九龍啟德協調道12號雙子匯1期崇光百貨4樓06號舖
電話：2432 4818
黃埔分店：紅磡黃埔花園第5及6期AEON黃埔店地庫一層B03號舖
電話：2838 6705
銅鑼灣分店1：香港銅鑼灣軒尼詩道489號銅鑼灣廣場一期二樓212號舖
電話：2891 7340
銅鑼灣分店2：香港銅鑼灣軒尼詩道545號祟光百貨4樓
電話：2891 0343
鰂魚涌分店：香港鰂魚涌康山道2號AEON康怡店2樓L201號鋪
電話：2276 5099
北角分店：香港北角渣華道123號北角匯2期B1層一田超市NO-13-001號鋪
電話：3613 0753
屯門分店：新界屯門屯順街一號屯門市廣場一期AEON百貨地下G03號舖
電話：3579 2480
Mellow Brown Coffee by UCC
銅鑼灣分店：香港銅鑼灣軒尼詩道555號崇光百貨B2層01舖
電話：2832 8801
太古分店：太古城道 18 號太古城中心（二期）一樓123號舖
電話：2811 3116
元朗分店：元朗朗樂路1號元點1樓B109號舖
電話：9019 7003
UCC Cafe Mercado
沙田分店：新界沙田正街2-8號新城市廣場3期一田百貨公司一樓ST-01-011號舖
電話：2633 3711
滙豐信用卡專享優惠
- 堂食惠顧滿港幣200元或以上（不包括加一服務費）可享全單9折
– 優惠只適用於星期一至五（公眾假期除外）。
– 優惠不可與其他優惠同時使用。
4. 東京人氣茶室 抹茶控天堂 – nana’s green tea
源自東京嘅人氣茶室 nana’s green tea，承傳咗日本茶道嘅款待哲學，將精緻嘅和式茶文化帶入現代輕食之中。雖然係茶室，但佢哋嘅主食絕對唔只係陪襯，每一道都糅合咗和洋特色。明太子愛好者必試「明太子大葉豆乳芝士意大利飯」，豆乳芝士醬汁掛滿飯粒，口感Creamy，加埋鹹香明太子同清新嘅紫蘇葉，驚喜十足。「海老蕃茄豆乳烏冬」 都係人氣之選，蕃茄豆乳醬汁濃郁，蝦仁爽彈。想食得清新啲，仲有「鮭魚昆布絲柚子胡椒茶漬飯」，清香嘅鰹魚湯加埋柚子胡椒嘅微辣，絕對係你嘅輕食之選 。
甜品方面，呢度簡直係抹茶同焙茶控嘅天堂！必點「抹茶白玉芭菲」或者更邪惡嘅「抹茶生朱古力芭菲」，入面有特濃抹茶雪糕、紅豆蓉同玄米片等，層次感爆燈。「黑芝麻蕨餅芭菲」亦相當出色，芝麻味濃郁到好似食緊芝麻糊咁，配埋QQ彈牙嘅蕨餅，口感超豐富。飲品方面，「抹茶牛奶白玉綠茶雪糕」嘅抹茶苦甜比例近乎完美，係真材實料嘅茶香，香濃回甘 。如果想試吓焙茶，推薦「焙茶牛奶黑蜜果凍」，焙茶香氣突出，配埋黑蜜果凍非常有咬口。
趁而家平日用滙豐信用卡喺 nana’s green tea堂食主餐牌有9折，快啲約埋班姊妹放工嚟呢度 打卡吹水，享受吓充滿幸福感嘅和風時光啦！
nana’s green tea
啟德分店：九龍啟德協調道2號AIRSIDE B128號舖
電話：2117 1309
黃竹坑分店：黃竹坑香葉道11號 THE SOUTHSIDE 2樓206-207號舖
電話：2117 0639
滙豐信用卡專享優惠
- 堂食主餐牌9折（星期一至五）
– 優惠不適用於公眾假期。
– 優惠不適用於2026年4月17日，只限 AIRSIDE 分店。
– 另按原價收加一服務費。
– 優惠不可與其他優惠、特別促銷或折扣同時使用（包括CDG Privilege 會員優惠）。
– 如有任何爭議，Cafe Deco Group 保留最終決定權。
5. 少女心爆發 健康無麩質西瓜蛋糕 – LIFETASTIC
講到 LIFETASTIC，大家第一時間一定會諗起嗰款靚到好似藝術品咁嘅「草莓西瓜蛋糕」。呢款招牌蛋糕最驚喜嘅地方，係將清爽嘅西瓜肉直接夾喺蛋糕層入面，配上玫瑰味忌廉、杏仁粉製成嘅海綿蛋糕、士多啤梨、開心果碎同埋玫瑰花瓣。一啖落去，除咗有玫瑰同杏仁嘅幽香，仲會感受到西瓜帶嚟嘅清脆口感，層次分明之餘又唔會太甜膩，非常啱夏日消暑。
除咗元祖士多啤梨味，佢哋仲不斷推出多款口味，好似同樣清新嘅「荔枝西瓜蛋糕」—— 香甜荔枝肉配上淡淡玫瑰香，味道非常清爽可口。品牌最貼心嘅地方係照顧到唔同健康需求，提供無麩質、純素同埋生酮選擇。好多款式都係用杏仁粉同糯米代替麵粉做餅底，等大家喺享受甜品嘅同時，亦可以食得更輕盈、無負擔，唔使怕肥！
而家憑滙豐信用卡惠顧Petite Cake即享買四送一優惠；如果去THE ONE分店，買一件Petite Cake就可免費獲贈指定飲品一杯，啱晒同朋友傾計聚會，或者獎勵吓自己！
LIFETASTIC
旺角分店：九龍旺角朗豪坊B2樓35A號舖
電話：2557 7261
尖沙咀分店：九龍尖沙咀彌敦道100號The ONE 4樓L406號舖
電話：3689 6355
九龍塘分店：九龍九龍塘達之路80號又一城LG2層Kiosk C號舖
電話：2154 1278
觀塘分店：九龍觀塘觀塘道418號創紀之城5期1樓L1-5舖
電話：3568 1352
銅鑼灣分店：香港銅鑼灣記利佐治街11-19號名店坊1樓Kiosk 1B號舖
電話：2564 8283
中環分店：香港中環金融街8號國際金融中心商場2樓2096B號舖
電話：3488 5621
金鐘分店：香港金鐘港鐵站ADM 30B號舖
電話：3709 6364
太古分店：香港太古城中心2期1樓Area 115號舖
電話：2395 3368
黃竹坑分店：香港黃竹坑香葉道11號THE SOUTHSIDE地下G47號舖
電話：2538 6990
沙田分店：新界沙田沙田正街2號新城市廣場3期3樓A304A號舖
電話：2117 0708
荃灣分店：新界荃灣大壩街4-30號荃灣廣場1樓126號舖
電話：3709 6045
元朗分店：新界元朗朗日路9號形點I期2樓2065號舖
電話：3998 4262
屯門分店：新界屯門屯順街1號1號屯門市廣場1期1樓1158舖
電話：2695 4677
將軍澳分店：新界將軍澳唐賢街9號PopCorn 2 1樓F82號舖（將於2026年4月下旬開幕）
滙豐信用卡專享優惠
- Petite Cake買四送一
- 惠顧Petite Cake一件即免費獲贈指定飲品一杯（THE ONE分店CAFÉ限定）
優惠1
– 免費之 Petite Cake 將以同一交易內價格最低者計算。
– 優惠只適用於 Petite Cake 分店。
– 每單交易只可享此優惠一次。
– 優惠不可與其他優惠同時使用。
– 數量有限，送完即止。
– 優惠不適用於銀聯卡。
優惠2
– 優惠只限於THE ONE 分店 Café 堂食使用。
– 免費飲品只適用於指定款式。
– 每件 Petite Cake 只可獲贈一杯飲品。
– 如需升級至其他飲品，需補回差額。
– 優惠另設加一服務費。
– 優惠不可與其他優惠同時使用。
– 優惠不適用於銀聯卡。
6. 創意茶飲實驗室 必試手作茶凍精品手搖 – 壺 Potion House
「壺 Potion House」嘅出現源於創辦人喺台灣便利店一場無心插柳嘅實驗，當時佢嘗試將豆花倒入奶茶，發現嗰種「滑、嫩、Q」嘅層次感簡直驚為天人。呢個驚喜成就咗呢間以手工凍為基底嘅茶飲店，堅持用台灣直送原料確保天然純淨。五款招牌手工凍包括桃花紅茶凍、茉莉綠茶凍、豆漿凍、杏仁凍及嫩仙草，特別推介豆漿凍，口感滑溜如豆腐花且豆味極濃。
推介必試「熟成紅茶豆漿凍」，甘醇茶味配上滑嫩豆香，層次分明。鍾意奶蓋就揀「玉蘭香綠芝芝奶蓋」，清新花茶配鹹甜奶蓋。如果想清爽啲，可以揀「柑橘蜂蜜金萱」配茉莉綠茶凍，酸甜回甘又解暑；「白桃香綠」配桃花紅茶凍亦係人氣之選，白桃嘅自然甜香配上晶瑩剔透嘅紅茶凍，茶香淡雅。
佢哋仲最新推出咗全新嘅「冷萃茶拿鐵系列」，低溫長時間萃取令茶味更加細膩芬芳，同手作茶凍簡直係絕配。呢度仲提供天然零卡糖選擇，等大家享受手搖嘅同時亦無負擔。記得叫埋朋友同事一齊飲，用埋滙豐信用卡限定嘅85折優惠，一於喺繁忙都市入面用呢杯有心機嘅創意茶飲獎勵吓自己！
優惠受條款及細則約束。
借定唔借？還得到先好借！
（Presented by HSBC）
