滙豐信用卡獨家飲食優惠：精選17間聚會/ 拍拖必食餐廳｜四季酒店米芝連二星廚師發辦 + 270度超闊維港海景中菜館 + 首創室內智能農場

滙豐信用卡仲幫大家爭取到勁多超荀折扣優惠！由即日起至2025年9月30日，用滙豐信用卡去以下指定餐廳埋單，可享高達56折優惠！咁抵仲唔快啲把握機會，約埋家人老友去試試佢！

拍拖浪漫之選

1. 頂級江戶前壽司體驗 – 鮨．齋藤 – 香港四季酒店

想食到正宗嘅江戶前壽司？鮨．齋藤絕對係你嘅首選！呢間由世界知名壽司大師齋藤孝司主理嘅餐廳，依家唔使去日本，喺香港四季酒店就可以食到！

餐廳嘅裝修採用日本長野檜木，一入去就聞到陣陣木香，沉實典雅，真係好似置身日本咁。最緊要係佢哋嘅食材每日都係由日本直送，仲要係由齋藤師傅親自喺豊洲市場挑選嘅，再直送到香港，等我哋都可以食到同東京一樣新鮮嘅壽司。

而香港鮨．齋藤嘅新任行政總廚縄田亮輔擁有超過27年經驗，曾經喺日本總店同齋藤總廚一齊工作，又曾負責泰國分店。佢而家嚟到香港分店掌舵，承傳齋藤主廚嘅藝術傳統，同埋東京總店對質素嘅執著，為我哋呈獻正宗嘅江戶前壽司饗宴。鮨．齋藤嘅廚師發辦套餐包括多款先付同壽司，仲有卷物、湯品同玉子，最後以時令水果作結。縄田師傅手藝一流，對品質嘅要求極高。每件壽司都精心調校過溫度同味道，等你可以品嚐到最完美嘅口感，絕對係一場無與倫比嘅用餐體驗。

鮨．齋藤唔止喺香港有名，喺國際上都備受推崇：曾經獲得米芝蓮二星嘅殊榮，仲登上亞洲50大最佳餐廳同南華早報100強榜，連世紀名廚Joël Robuchon都盛讚係「世界上最好嘅壽司餐廳」。如果你想體驗一下世界級嘅壽司，咁一定要去鮨．齋藤。不過記住要提早訂位，因為呢度真係好受歡迎！

鮨．齋藤 – 香港四季酒店

地址：中環金融街8號香港四季酒店45樓部份A號舖

訂座電話：2527 0811

滙豐信用卡專享優惠

• 滙豐卓越理財信用卡及環球私人銀行卡持卡人可享廚師發辦套餐8折優惠（酒水及飲品除外）

– 優惠不適用於公眾假期。

– 午市優惠適用於星期一至日，晚市優惠只適用於星期二。

– 優惠不可與其它推廣優惠同時使用。

– 優惠不適用於私人活動包場、酒水飲品、開瓶費及切餅費。

– 如有爭議，Global Link Retail Management 保留最終決定權。

– 菜單項目可能會根據季節和供應情況而變化，並需收取加一服務費。

– 須預先訂座，並於訂座時說明享用此優惠。

2. 精緻鐵板燒與天婦羅的完美結合 – 鉄板焼．天ぷら旬 – 香港四季酒店

鉄板焼．天ぷら旬融合精緻鐵板燒同埋日本江戶前天婦羅嘅概念，並由兩位日籍總廚主理，分別係有30年經驗嘅鐵板燒主廚神子伸康同天婦羅匠人本鄉雅志，為大家帶嚟一場獨一無二嘅高級日式盛宴。餐廳位於香港四季酒店，環境優雅舒適。客人可以喺仿園林景色中，欣賞主廚即席烹製嘅鐵板燒同天婦羅料理，細味嚟自日本同世界各地嘅新鮮食材，寧靜地享受高級嘅廚師發辦菜單。

旬嘅鐵板燒嚴選日本新鮮直送海鮮同高級食材，搭配神子主廚特別調製嘅各式沾醬，富有獨特韻味。神子師傅擅長烹調各式各樣嘅時令菜式，當中「日本伊勢龍蝦」絕對係必試之選── 龍蝦搭配特調美式醬汁，入口鮮味無比，肉質纖細，口感爽彈，加埋別具風味嘅擺盤，絕對係視覺與味蕾嘅雙重享受。另外，神子師傅最出名嘅靈魂菜式必定係「鐵板燒和牛」── 嚴選日本宮崎和牛，以精湛嘅技藝精準掌握火候。細味之下，和牛帶有細膩油花，肉質柔軟無比，香濃多汁，再配埋鐵板炒過嘅脆蒜片，令味道瞬間昇華。除此之外，帆立貝都係鐵板燒中不可缺少嘅食材，選用來自函館嘅帆立貝，粒粒都十分飽滿豐厚。「鐵板燒帆立貝」嘅外層炙得微焦，呈半熟狀態，入口鮮甜嫩滑，配以有「田園中嘅魚子醬」美譽嘅Tonburi（とんぶり）點綴，酸甜有致，更添日本風味。

而天婦羅方面，本鄉師傅由挑選食材、調配天婦羅麵糊至控制油溫等均一絲不苟，力求將高質嘅江戶前風味天婦羅帶畀食客。旬嘅天婦羅以海鮮為主，選取多款來自日本嘅當造食材，當中海膽、當季車海老以及甘鯛，都係本鄉師傅嘅招牌菜，清爽不油膩，蘸鹽享用已經美味非常。如果你係饕客，或者想同另一半享受美食，嚟個精緻約會，鉄板焼．天ぷら旬絕對係你嘅最佳選擇！

鉄板焼．天ぷら旬 – 香港四季酒店

地址：中環金融街8號香港四季酒店45樓部份B號舖

訂座電話：2307 6281

滙豐信用卡專享優惠

• 滙豐卓越理財信用卡及環球私人銀行卡持卡人可享鐵板燒 ‧ 天婦羅廚師發辦套餐8折優惠（酒水及飲品除外）

– 優惠不適用於公眾假期。

– 優惠不可與其它推廣優惠同時使用。

– 優惠不適用於私人活動包場、酒水飲品、開瓶費及切餅費。

– 優惠只適用於滙豐卓越理財信用卡及環球私人銀行卡。

– 如有爭議，Global Link Retail Management 保留最終決定權。

– 菜單項目可能會根據季節和供應情況而變化，並需收取加一服務費。

– 須預先訂座，並於訂座時說明享用此優惠。

3. 非一般日意饗宴 – ANIMA by Al ché-cciano

想食高級日意料理？不如去中環嘅ANIMA by Al ché-cciano試吓啦！呢間餐廳係日本山形縣知名餐廳Al ché-cciano嘅香港分店，由日籍廚師主理，主打廚師發辦，嚴選日本新鮮食材，為大家帶嚟非一般嘅特色饗宴。

餐廳嘅行政總廚高橋研二嚴選日本各地嘅新鮮食材入饌，每個月都會根據時令轉換菜單。佢哋嘅招牌菜包括「Bagna Càuda沙律」，用咗超過20種日本新鮮蔬果，配上特製醬汁同埋風乾帕馬火腿。仲有獨特嘅意粉，例如「新鮮紅花蟹意粉」同埋「秋刀魚意粉」，口味創新又夠特別。

另外必須一提，餐廳特別引入咗全港獨家、價值一百萬港元嘅日本遠紅外線烤爐，用嚟烤製宮崎縣黑毛和牛牛柳芯，令肉質更鮮嫩多汁，配上赤麵豉醬汁更添日式風味。另一樣招牌菜係烤雞，用新鮮三黃雞同平原雞製作，皮脆肉嫩，非常惹味。想同伴侶邊享受美食邊甜蜜約會，或者同家人嚟頓不一樣嘅大餐，ANIMA by Al ché-cciano絕對值得一試！

ANIMA by Al ché-cciano

地址：中環德輔道中 60-68號萬宜大廈3樓302A號舖

訂座電話：6762 6341

滙豐信用卡專享優惠

• 惠顧指定廚師發辦晚市套餐即可享「第2客半價」優惠（原價每位港幣1,780元）

– 優惠不適用於公眾假期。

– 優惠不可與其它推廣優惠同時使用。

– 優惠不適用於私人活動包場、酒水飲品、開瓶費及切餅費。

– 如有爭議，Global Link Retail Management 保留最終決定權。

– 菜單項目可能會根據季節和供應情況而變化，並需收取加一服務費。

– 須預先訂座，並於訂座時說明享用此優惠。

– 每張合資格信用卡最多可享半價晚市套餐1份。

4. 法式藝術美食 – Tirpse

Tirpse係一間嚟自東京嘅米芝蓮一星法國餐廳，力求將法式料理嘅浪漫熱情同日本細緻講究嘅匠人精神完美結合。呢度主打新派法國菜，融合亞洲各地元素，仲用到好多唔同國家嘅高級食材。Tirpse嘅出品注重平衡同交流，每一道菜都係大廚嘅心血結晶，仲堅持用全天然、最優質嘅時令食材，帶你踏上美食之旅。

其中一道招牌菜係「鵝肝竹笙」，鵝肝的奶油風味與木目味噌相得益彰，搭配酸橙竹笙同燻大根醃菜，醬汁增添風味。另外仲有「炭烤伊比利亞黑毛豬」，配以高山蒜泥同埋甜脆豆，香口惹味。如果想食牛嘅話，Tirpse都有提供「炭烤A4日本近江和牛」，配搭蘑菇、馬鈴薯同埋細葉香芹，肉質軟嫩多汁，香氣四溢，真係諗到都流晒口水！最後甜品方面，大家可以試下佢哋嘅「帕夫洛娃」，係用蛋白酥撻搭配番石榴雪葩及香草，清新又甜美。

而餐廳嘅環境都好有特色，坐喺度可以欣賞到維多利亞港嘅靚景。室內設計以典雅嘅綠色同青銅金色為主，營造出精緻優雅嘅氛圍。如果想搵個浪漫地方同另一半拍拖、慶祝，或者同朋友聚會嘆吓好嘢，Tirpse絕對係個好選擇！

Tirpse

九龍尖沙咀分店：梳士巴利道18號Victoria Dockside K11 MUSEA 2樓219號舖

訂座電話：2333 0031

滙豐信用卡專享優惠

• 單點餐牌8折

– 優惠不適用於2025年7月1日。

– 優惠只適用於堂食。

– 另收加一服務費，加一以原價計算。

– 須以滙豐信用卡結賬以享優惠。

– 每檯每次消費只可享用優惠一次，恕不接受分單或拆賬。

– 優惠不可與其他折扣、優惠劵、推廣優惠同時使用。

– 產品如有售罄，恕不另行通知。

– 如有任何爭議，Tirpse 保留最終決定權。

5. 浪漫海景餐廳 – Pier 1929

想搵個靚景餐廳食飯？不如去灣仔碼頭上蓋嘅Pier 1929啦！呢度可以睇到成270度超闊維港無敵大海景，無論喺室內定係露台都可以飽覽美景！

呢度嘅菜式以中西fusion為主，由前菜到主菜都有好多特色選擇，有唔少招牌菜都值得一試。譬如清新開胃嘅「意大利布拉塔水牛芝士配醋漬番茄同鮮羅勒汁」、香濃惹味嘅「黑松露牛肝菌寬條意粉」，又或者充滿新鮮海洋風味嘅「香煎白鱈魚配青豆拌海鮮忌廉汁」都係餐廳嘅人氣之選。如果想食肉類，「法式燴澳洲黑毛牛臉頰」同「香草烤紐西蘭羊架」都係唔錯嘅選擇。而甜品方面，「提拉米蘇」同「火焰奶凍」都係招牌，一定唔好錯過！

Pier 1929唔單止適合情侶約會，仲可以同朋友聚會或者舉行私人宴會。唔少人都會選擇喺度舉行婚禮㗎！成萬呎嘅場地加埋優雅浪漫嘅設計，絕對係打卡影相嘅好地方！

Pier 1929

地址：灣仔灣仔碼頭2樓

訂座電話：3188 9677

滙豐信用卡專享優惠

• 中西式午市三道菜套餐第二份半價
• 單點餐牌8折
• 晚市二人同行送餐酒一支（價值港幣398元）
• 正價飲品買一送一
• 於午市及下午茶時段消費滿港幣200元或以上，兒童可享免費一份兒童餐（星期六及日）

– 優惠不可與其他優惠同時使用。

6. 頂級生蠔海鮮盛宴 – The Oyster House

The Oyster House係一間以頂級生蠔為主打嘅海鮮餐廳。每日都會精選來自法國、愛爾蘭、日本等地嘅新鮮直送生蠔，提供多達10款以上嘅季節性選擇。隻隻都新鮮飽滿，肉質彈牙，真係生蠔控嘅天堂！

除咗招牌嘅生蠔之外，呢度仲有好多其他海鮮美食。例如佢哋嘅海鮮拼盤，有法國黃金螺、北海道帶子、紐西蘭青口同日式磯煮飽魚等，份量十足又抵食。仲有「原條龍蝦尾扁意粉」，龍蝦肉質爽口又鮮味，搭配埋軟硬適中嘅扁意粉，非常惹味。如果想食肉類，不妨考慮吓「炭燒紐西蘭羊鞍扒」。羊鞍扒經過炭火熏烤，香氣濃郁，肉質鮮嫩多汁，配埋新鮮嘅香草醬，平衡咗羊肉嘅油脂，食落一啲都唔覺得漏！仲有「炭燒360日穀飼美國頂級牛肉眼」都真心推薦！牛肉眼嫩滑多汁，肉香濃郁，口感豐富。最後千祈唔好錯過呢度嘅甜品，特別推介心太軟，外脆內軟，朱古力醬甜而不膩，配埋雪糕食簡直完美。

環境方面，餐廳內部打造出典型嘅工業風格，燈光柔和，氣氛浪漫，極富情調。仲要嘢食咁高質抵食，真係勁適合約會談心，或者同班姊姊嚟chill吓吹水！

The Oyster House

地址：灣仔皇后大道東202號QRE Plaza 25樓

訂座電話：2511 1212

滙豐信用卡專享優惠

• 新鮮空運生蠔買一送一

– 贈送生蠔為同款生蠔。

– 優惠上限為10隻。

家族聚會必吃之選

1. 正宗川粵菜與精緻點心 – 三希樓

三希樓嘅名字源自清朝乾隆皇帝嘅御書房「三希堂」，寓意承傳傳統、正宗同對品質嘅追求。呢度集合咗川菜、粵菜同點心三大中國飲食文化，以頂級食材同正宗手法炮製傳統中式佳餚。

三希樓以正宗川菜聞名，招牌菜水煮魚絕對係必試之選。佢哋用四川直送嘅辣椒香料製作，風味十足，保證令你食過返尋味。除咗水煮魚，仲有「極品龍蝦麻婆豆腐」、「霸王辣子雞」同「川麻豆腦滑牛肉」等傳統名菜，款款都係川菜嘅代表作。

如果你鍾意打邊爐，三希樓嘅正宗四川麻辣火鍋都係一個好選擇，湯底濃郁惹味。至於點心方面，三希樓喺午市期間供應多款精緻點心，包括「金湯小籠包」、「招牌雪影叉燒包」同「極品流沙包」等。每款點心都係即叫即製，保證新鮮滋味。

無論你係想食正宗川菜、家鄉粵菜定係精緻點心，三希樓都實可以滿足到你。絕對係家族聚會唔知食咩嘅好選擇！

三希樓

銅鑼灣分店：銅鑼灣波斯富街99號利舞臺廣場17樓B號舖

訂座電話：3795 8522/ 5428 4499

荃灣分店：荃灣大壩街4-30號荃灣廣場B1樓120-122號舖

訂座電話：2667 7208/ 9816 7923

滙豐信用卡專享優惠

• 惠顧每港幣1,000元可享港幣200元折扣優惠

2. 京川融合美饌 – 稻成

稻成融合北京同四川兩大菜系特色，將中國北部同東部嘅美食重新演繹，等你可以喺香港都品嚐到獨特嘅中式美饌。

餐廳嘅拿手菜式甚多，例如「稻成松子魚」——將鮮甜嘅海鱸魚炸至金黃，再淋上酸甜醬汁，香脆可口；又如「稻成片皮鴨」，皮脆肉嫩，配埋特製醬汁，絕對係一流享受。如果想食辣嘢，一定要試吓「招牌酸菜鮮鱸魚」。鮮甜嘅鱸魚配上酸辣開胃嘅酸菜，層次豐富。仲有「老成都夫妻肺片」，麻辣鮮香，啱晒重口味嘅你。

呢度嘅環境都好有特色，以平靜微妙嘅色調為主，等你可以喺繁忙嘅香港生活中，搵到一個寧靜嘅角落，一家大細慢慢相處，慢慢享受美食。

稻成

尖沙咀分店：Victoria Dockside K11 MUSEA B1地層B111號舖

訂座電話：2327 2218

柯士甸分店：圓方1樓1047號舖

訂座電話：2196 8699

沙田分店：新城市廣場第1期第1層112號舖

訂座電話：2621 3233

葵涌分店：新都會廣場第4層413-416號舖

訂座電話：2330 8322/ 2330 8366

屯門分店：屯門市廣場一期2樓2162號舖

訂座電話：2528 2618

東涌分店：東薈城4樓402號舖

訂座電話：2881 0081/ 2881 0600

滙豐信用卡專享優惠

• 惠顧滙豐專屬四人套餐，可享75折優惠 (原價港幣1,706元，售價港幣1,288元)

– 優惠不適用於2025年7月1日。

– 優惠只適用於堂食。

– 另收茗茶、餐前小食及加一服務費，加一以推廣價計算。

– 須以滙豐信用卡結賬以享優惠。

– 優惠不可與其他折扣、優惠劵、推廣優惠同時使用。

– 產品如有售罄，恕不另行通知。

– 如有任何爭議，稻成保留最終決定權。

3. 老上海滬菜與香辣湘菜 – 十里/ 十里湘薈

十里主打老上海嘅滬菜同埋香辣嘅湖南湘菜，將經典菜式以現代擺盤重新演繹，等你可以品嚐到傳統同創新嘅完美結合。出品團隊憑住對美食嘅熱情，打造出一系列令人回味嘅菜式。無論係滬菜定係湘菜，佢哋都好講究選料、重視鮮活、刀工精細，仲要火候拿捏得啱啱好。

佢哋最近仲推出咗滙豐信用卡專屬：「象拔蚌·龍蝦套餐」，包括「花開涼拌象拔蚌手撕雞」、「櫻桃鴨肝」、「古法鮑魚配黑毛豬紅燒肉」、「金華火腿蒸馬友」等招牌菜式。每一款都係廚師精心炮製，味道層次豐富，將傳統嘅味道同現代人鍾意嘅口味完美融合。

餐廳嘅裝潢復古中帶點時尚，氣氛相當浪漫。透過親切又有格調嘅設計，你可以感受到當中嘅低調奢華。絕對適合一家大細老幼，同埋各方親戚好友嘅家族聚會，坐得舒適，食得開心。

十里

地址：香港銅鑼灣勿地臣街1號時代廣場11樓1103號鋪

訂座電話：2321 6833

十里湘薈

地址：九龍尖沙咀柯士甸道西1號圓方1樓1008號舖

訂座電話：2337 2883

滙豐信用卡專享優惠

十里

• 惠顧滙豐專屬象拔蚌·龍蝦套餐（位），可享56折優惠（原價港幣1,064元，售價港幣598元）

十里湘薈

• 惠顧滙豐專屬象拔蚌·龍蝦套餐（位），可享6折優惠（原價港幣1,064元，售價港幣638元）

– 優惠不適用於2025年7月1日。

– 優惠只適用於堂食。

– 另收茗茶、餐前小食及加一服務費，加一以推廣價計算。

– 此套餐需2位起享用。

– 須以滙豐信用卡結賬以享優惠。

– 優惠不可與其他折扣、優惠劵、推廣優惠同時使用。

– 產品如有售罄，恕不另行通知。

– 如有任何爭議，十里/ 十里湘薈保留最終決定權。

4. 270度維港美景 – 八十里

八十里由總廚劉永元帶領嘅廚師團隊主理，將滬菜濃油赤醬、糖重色豐同川菜七滋八味、取材廣泛嘅特色融會貫通，再加入現代元素，將傳統川滬經典同現代風味完美融合。不單只保留傳統口味，仲滿足埋現代人喜好，為你呈現獨特精緻嘅美食盛宴。

餐廳嘅裝潢精心設計，營造出優雅時尚嘅用餐環境。另外，八十里仲坐擁270度勁開闊維港美景，又設有舒適嘅露天雅座，等你可以一邊欣賞壯麗嘅海港景觀同迷人晚霞，一邊細味品嘗各式川滬佳餚。

另外，最近推出嘅滙豐信用卡專屬套餐，採用高級食材炮製諸如「上湯龍蝦手打年糕配法國夏季松露」、「魚子醬藤椒金皮蛋」、「堂弄象拔蚌鮮百合雞湯」等名貴菜式。啱晒帶埋家人親戚嚟食餐好嘅，有嘢食又有靚景，擔保冇人奄尖聲氣，三叔公二姑媽個個食到舔舔脷！

八十里

地址：九龍尖沙咀海港城海運大廈二階OTE 201號鋪

訂座電話：3468 5005

滙豐信用卡專享優惠

• 惠顧匯豐專屬象拔蚌·龍蝦套餐(位)，可享61折優惠 (原價港幣1,288元，售價港幣788元)

– 優惠不適用於2025年7月1日。

– 優惠只適用於堂食。

– 另收茗茶、餐前小食及加一服務費，加一以推廣價計算。

– 此套餐需2位起享用。

– 須以滙豐信用卡結賬以享優惠。

– 優惠不可與其他折扣、優惠劵、推廣優惠同時使用。

– 產品如有售罄，恕不另行通知。

– 如有任何爭議，八十里保留最終決定權。

親子共聚天倫之選

1. 懷舊溫馨熊啤啤主題Café – 熊小館

熊小館係一間以可愛嘅熊仔裝飾為主題嘅西式親子餐廳。呢度嘅環境舒適溫馨，設計仲非常貼心，有專門嘅兒童遊玩區，俾小朋友玩耍睇書，令小朋友可以安全咁走動放電，家長都可以放心食飯，絕對係一家大細嘅好去處。

呢度嘅餐牌相當豐富，有意粉、焗飯同扒類等選擇，仲有專為小朋友設計嘅兒童餐。招牌菜包括「烤美國安格斯漢堡伴炸薯」——漢堡用上優質嘅安格斯牛肉，配搭酸瓜同番茄，味道層次豐富。另一款人氣菜式係「紅酒燴牛肉伴闊麵條」：牛肉經過紅酒慢燉，肉質腍身入味，醬汁香濃，配搭闊麵條非常惹味。仲有「蜂蜜BBQ燒豬仔骨」嘅豬肋骨大大塊，入面仲要好juicy！配搭白飯同炒蔬菜，加上少少蒜蓉汁，十分香口。

除咗呢啲招牌菜之外，熊小館仲有好多西式料理，例如「百里香燒雞扒意粉」嘅雞扒大大塊又嫩滑，醃料有香草，食起嚟格外芬香。最後又點少得甜品，佢哋嘅雪糕涼粉整成熊仔沖涼咁嘅樣，唔止外表cute，仲好好食，夏天消暑一流。

熊小館唔單止適合親子，情侶或者朋友聚會都啱。特別係tea time嗰陣，人少啲，好適合同姊妹慢慢傾偈。總之無論你係想一家大細享受天倫之樂，定想同另一半放閃，抑或同姊妹吹水，熊小館都啱哂你！

熊小館

地址：九龍灣宏照道38號企業廣場5期MegaBox 11樓8室

訂座電話：3421 2213

滙豐信用卡專享優惠

• 星期一至五晚市正價主餐牌及飲品8折

– 優惠只適用於星期一至五， 公眾假期除外。

2. 室內智能農場體驗 – SEED by Farmacy

想食到最新鮮嘅蔬菜？不如去SEED by Farmacy試下佢哋嘅「種子直送餐桌」體驗啦！呢間餐廳係全港首個擁有室內智能農場嘅餐廳，佢哋嘅智能農場實驗室，可以即時採摘最新鮮嘅香草，將尖端嘅農業技術同卓越嘅餐飲體驗完美融合。呢度嘅菜式以新鮮嘅農場食材為核心，每一道菜都充滿創意同靈感，並且符合可持續發展嘅理念。

餐廳嘅招牌菜如「炭烤日本佐賀豚肉叉燒」經過24小時慢煮，再用炭火燒製，肉質軟嫩又帶有煙燻香氣，絕對係一道令人難忘嘅菜式。想食得更健康可以試另一招牌菜：「FARMACY 花環沙律」── 選用自家室內農場新鮮採摘嘅香草同蔬菜，秘制蒜蜜油醋汁清爽健康，為你帶嚟輕盈嘅味覺享受。

意粉類嘅選擇都好豐富，特別值得一提嘅係佢哋嘅「香蒜大蜆意粉」係用本地新鮮大蜆，配以香草同白酒烹調，將傳統意大利菜式注入咗香港獨有嘅海洋鮮味。另外仲有「SEED青醬長通粉」── 彈牙嘅長通粉搭配自家製SEED意大利青醬，採用新鮮自家種植意大利羅勒，將意色風味帶進你口中。披薩方面，餐廳用正宗拿坡里窯壚烤製，配合經過48小時發酵嘅酸種餅底，口感輕盈又富有嚼勁。最後甜品方面，「SEEDnature木糠小盆栽」富有心意同創意。外表就好似真正嘅盆栽咁，非常可愛；食落層層細膩奶油與餅乾碎互相交疊，搭配薄荷，口感清爽。

另外，餐廳仲提供手工披薩製作工作坊同智能水耕農場導覽，勁吸引！你可以同另一半，仲有仔仔囡囡一齊學習用手工拉伸嘅酸種麵團、優質番茄、新鮮種植嘅羅勒同意大利迷你水牛芝士，親手整一個屬於自己嘅原創披薩，甚至可以直接喺農場採摘新鮮羅勒葉放喺你整嘅披薩上面！仲可以參加智能水耕農場導覽，深入了解水耕農場嘅運作，探索現代農業嘅奧秘。總括而言，SEED by Farmacy嘅菜式極具特色，背後嘅經營理念更加飽含教育意義，十分推薦大家帶埋另一半同子女一齊嚟食個飯、參加工作坊，感受獨一無二嘅精彩體驗。

SEED by Farmacy

地址：數碼港道100號數碼港商場2樓207號舖

訂座電話：6504 1467

滙豐信用卡專享優惠

• 正價單點菜單食品及飲品85折（全日星期一至五及晚市星期六）

– 優惠不適用於星期六上午、星期日及公眾假期。

– 優惠不適用於特別菜單推介、午市套餐、筵席、會議、到會餐飲服務、婚宴會，詳情請向酒店查詢。

– 優惠不可與其他折扣、推廣、現金及餐飲禮券、SEED會員積分兌換或任何其他會員禮遇同時使用。

– SEED會員可以消費賺取積分（以折扣後計算）。

– 優惠適用於堂食及外賣。

– 優惠另設加一服務費並以原價計算。

– 優惠不能兌換現金、其他商品或折扣。

– 有關優惠期限、條款及細則如有更改，將不會另行通知。

– 如有任何爭議，滙豐及有關商戶保留最終決定權。

3. 火車主題美食之旅 – The Platter

想食餐好嘅，但帶住個化骨龍唔知食咩？又或者想同朋友家人嚟個輕鬆嘅美食之旅？不如試吓The Platter啦！呢度以火車為設計主題，提供來自世界各地嘅精品菜式，等你仿如置身車廂中，展開一場遊歷各國嘅美食之旅。仲有酒店自家設計嘅可愛小企鵝喺酒店唔同角落出現，啱晒一家大細帶同小朋友嚟食飯。等小企鵝帶小朋友食盡世界各地美食，絕對係一個難忘嘅用餐體驗。

另外，提提各位Daddy Mommy，悦品度假酒店‧屯門 – The Platter 逢星期一至四仲有兒童餐提供，更有小小探險家升級套餐，記得帶埋各位小小冒險家一同分享滋味！

最後，最緊要最緊要記得，而家用滙豐信用卡喺星期一二去The Platter，可以享有半自助午餐及晚餐65折優惠。佢哋嘅半自助餐內容豐富，包括自助沙律吧、是日餐湯同埋一道主菜，仲有自助甜品同飲品添！而且餐牌每星期轉換，肯定唔會悶！仲可以一去再去，唔使成日糾結食咩啦！

悦品酒店‧荃灣 – The Platter

地址：葵涌青山公路 – 葵涌段443號悦品酒店‧荃灣LG樓

訂座電話：3891 1928

悦品度假酒店‧屯門 – The Platter

地址：屯門建豐街4號悦品度假酒店‧屯門2樓

訂座電話：3899 9222

滙豐信用卡專享優惠

• 「輕鬆星期一二」半自助午餐及晚餐65折

– 優惠只適用於星期一及二（公眾假期及特別菜單除外）。

老友聚會之選

1. 日式一人一鍋放題 – 良い日涮涮鍋

約咗幾個老友ReU但又心大心細唔知食咩好？不如試吓良い日涮涮鍋！呢間由日本人主理嘅日式火鍋放題店主打一人一鍋，用心為大家帶嚟優質嘅日式火鍋體驗。等你同家人朋友可以慢慢品嚐美食，慢慢吹水，享受相聚嘅保貴時光。

呢度嘅湯底選擇豐富，每種都有獨特嘅風味。啱晒幾個老友一人揀一款試勻晒佢！極力推介夏日限定嘅「海鮮冬陰功湯」同「番茄壽喜燒湯」——「海鮮冬陰功湯」酸辣開胃，清爽不膩，最適合夏天享用；唔食得辣，可以點「番茄壽喜燒湯」，酸甜交織，一樣咁開胃。

講到食材，良い日涮涮鍋嘅質素絕對冇得輸。佢哋嘅霜降日本黑毛和牛油脂分布均勻，入口即化，牛味濃郁。仲有豬肩肉同雞腿肉等多款肉類選擇。呢度嘅牛丸都係隱藏嘅黑馬，超級彈牙爆汁，一定要試吓！除咗肉類，仲有豐富嘅蔬菜鍋物自助吧，同埋多款甜品同飲品任你揀，等你想食幾多就食幾多。絕對適合各種聚餐，無論鍾意食咩，都一定食得滿足！

良い日涮涮鍋

旺角分店：九龍旺角亞皆老街8號朗豪坊13樓06號舖

訂座電話：3108 4718

鑽石山分店：九龍鑽石山荷里活廣場3樓311B

訂座電話：2328 0900

新蒲崗分店：九龍新蒲崗太子道東638號Mikiki 1樓111號舖

訂座電話：3579 0259

將軍澳分店：新界西貢將軍澳重華路8號東港城1樓197A號舖

訂座電話：3468 1998

杏花邨分店：香港島東區杏花邨盛泰道100號杏花新城2樓209號舖

訂座電話：3579 0269

滙豐信用卡專享優惠

• 惠顧晚市特選或嚴選放題套餐可享8折優惠（星期一至四，下午5時後）
• 惠顧晚市特選或嚴選套餐可享9折優惠（星期五至日，下午5時後）

– 同枱客人需點相同放題級別。

– 必須於指定時間內入座，用餐時間由入座起計90分鐘。

– 優惠只適用於以匯豐信用卡作電子消費。

– 優惠不能與其他優惠同時使用。

– 優惠另設加一服務費並以原價計算。

– 其他追加項目需收取原價費用。

– 賬單不可合併或分開計算。

– 最後點餐時間為關門前半小時。

– 食品如有售罄，恕不另行通知。

– 圖片只供參考。

– 如有爭議，良日涮涮鍋保留最終決定權。

2. 任食涮涮鍋及壽喜燒 – 牛気

牛気主打任飲任食涮涮鍋同壽喜燒，湯底選擇多達數十款，絕對啱晒鍾意食火鍋嘅你！呢度嘅任食配菜款式非常多，仲有各類新鮮蔬菜、熟食同自助甜品區。由頭食到尾都咁豐富，實食得盡興！

牛気嘅食材質素相當高，佢哋搜羅世界各地嘅優質食材，等你可以享受到國際化嘅涮涮鍋體驗。最吸引嘅係佢哋嘅「日本九州產黑毛和牛及海鮮放題套餐」，除咗有日本九州產黑毛和牛，仲有澳洲極上和牛、SRF美國極黑牛等，選擇多不勝數！海鮮方面都不得了：有松葉蟹腳、原隻鮑魚、日本帆立貝、挪威三文魚刺身等等，樣樣都係高級食材。仲有花膠、青口、大海蝦等海鮮，等你食到停唔到口！最後仲有自助甜品區添，一定要試吓佢哋嘅乳酪雪糕，竟然係有部軟雪糕機可以畀客人自己試吓手動擠雪糕，想食幾多就擠幾多，真係超得意！

除咗食物之外，牛気嘅裝修都相當有特色，充滿日式風情嘅設計令你完全沉浸喺用餐體驗度。最啱同朋友家人一齊嚟吹水食好嘢。大家可以揀自己鍾意嘅食材，加埋調味料同醬汁，每一啖都係獨特嘅風味。

牛気

旺角分店：雅蘭中心地下(部份)及1樓118號舖

訂座電話：2866 8876

尖沙咀分店：The ONE第4層L404-405號舖

訂座電話：2295 1833

九龍灣分店：淘大花園一期淘大商場地下G143-162號舖

訂座電話：2361 1833

銅鑼灣分店：希慎廣場14樓1403及1404-1405號鋪及相連座位間

訂座電話：2652 0008

東涌分店：東薈城1樓119號舖

訂座電話：2818 8028

大圍分店：圍方4樓432舖

訂座電話：2336 7233

荃灣分店：如心廣場二期1樓104號舖

訂座電話：2662 6610

將軍澳分店：將軍澳中心1樓140&141號舖

訂座電話：2330 0050

將軍澳康城分店：The LOHAS康城3樓305號舖

訂座電話：2663 2863

屯門分店：屯門市廣場1期3樓3235, 3236, 3237 & 3239號舖

訂座電話：2363 3181

滙豐信用卡專享優惠

• 惠顧Lv6日本九州產黑毛和牛及海鮮放題套餐，可享8折優惠

– 優惠不適用於大埔店。

– 優惠只適用於堂食。

– 另收加一服務費，加一以原價計算。

– 須以滙豐信用卡結賬以享優惠。

– 優惠不可與其他折扣、優惠劵、推廣優惠同時使用。

– 產品如有售罄，恕不另行通知。

– 如有任何爭議，牛気保留最終決定權。

3. 首創泰式火鍋放題 + 夾蝦體驗 – 泰金鍋

食厭咗港式日式邊爐，唔想再食常見嘅椰子雞湯、壽喜燒湯底，想試吓新嘢？咁一定要嚟試吓泰金鍋！泰金鍋係全港首創嘅泰國火鍋任食專門店，由資深泰籍廚師主理，主打多款泰式湯底同新鮮頂級食材。呢度最特別嘅係有兩個大型海鮮池，放滿每日新鮮運到嘅本地養殖海蝦，等你可以親身體驗活捉海蝦嘅樂趣，感受捕蝦嘅刺激！

除咗海蝦，泰金鍋仲有扇貝、鮑魚等活海鮮，仲有超過90款食材同飲品任你揀，選擇真係超豐富！湯底方面主打嘅當然係泰式口味，仲可以揀一人一鍋，等你可以試多啲唔同味道。青檸椰奶雞湯鍋係其中一個人氣之選，味道酸酸甜甜，充滿泰式風味。另一款馬來娘惹叻沙鍋都好受歡迎，味道極濃郁！

而肉類方面，泰金鍋都十分講究。佢哋精選各地優質肉類，有澳洲M5和牛、美國產下肩胛肉眼、特級牛胸腹、巴西牛舌等，肉質軟嫩多汁，勁高質素。最近仲新推出咗潮汕牛肉套餐，有吊龍、匙仁、黑柏葉同匙胸口朥等特色食材，啱晒牛肉愛好者，等你可以用超值嘅價錢食到高級嘅美食。除咗火鍋食材，泰金鍋仲有好多泰式小食同甜品。泰式沙嗲串燒、自家製韭菜餅都係必試之選。甜品方面有綿綿冰機畀你自製綿綿冰，好玩又好食。仲有各式糖水同雪糕等，同埋必食嘅特色泰國椰汁西米布甸，真係應有盡有！

泰金鍋嘅環境寬敞開揚，燈光明亮舒適，連裝修都充滿泰式風情。仲唔快啲嗌埋家人朋友一齊嚟大快朵頤，享受一餐豐富嘅泰式火鍋放題，好好放鬆吓！

泰金鍋

旺角分店：旺角創興廣場6樓

訂座電話：8118 2228

觀塘分店：觀塘觀塘道414號1亞太中心10樓

訂座電話：8118 3338

荃灣分店：荃灣大河道100號海之戀商場1樓1010號舖

訂座電話：3168 7068

滙豐信用卡專享優惠

• 指定火鍋放題套餐8折

優惠受條款及細則約束。

滙豐信用卡其他飲食優惠: https://www.redhotoffers.hsbc.com.hk/tc/latest-offers/red-hot-dining-special/summer-dinning/western-cuisine/

滙豐信用卡酒店美饌優惠:https://www.redhotoffers.hsbc.com.hk/tc/latest-offers/red-hot-dining-special/q3-offers/hong-kong-island/

借定唔借？還得到先好借！

（Presented by HSBC）