低至半價！米芝蓮星級粵菜 + 高級自助餐 + 全球最高室外頂層酒吧！精選6間酒店餐飲優惠推介

1. 香港JW萬豪酒店 – 優惠低至6折

想嘆返個高級自助餐？不妨考慮吓香港JW萬豪酒店！呢間五星級酒店嘅自助餐一向都以高質見稱，無論係食材定係環境都係頂級水準。而家仲可以用埋指定滙豐信用卡嘅限時優惠，等你可以用低至6折嘅價錢就可以享受到高級美食！

如果平日想食好嘢慰勞吓自己，由即日起至2025年8月31日，只要經指定網上平台預訂，即可享有The Lounge平日下午茶自助餐兩位6折，或者星期一至四自助晚餐兩位6折優惠。The Lounge唔單止擁有寬敞落地玻璃窗，環境優美，嘢食更係豐盛精彩。刺身壽司、冷盤當然唔使講，仲有引人入勝嘅鐵板燒同切肉專區，同埋勁吸引嘅亞洲特色美食，例如晚餐限定嘅北京烤鴨、紅燒乳鴿等，樣樣俱全琳琅滿目，一次過滿足晒所有美食愛好者嘅需求！尚餘少量名額，先到先得，想預訂要就快喇！

除咗以上嘅限時優惠之外，酒店仲有全年優惠額外5%折扣，即係JW咖啡室同The Lounge嘅自助餐，仲有Flint嘅食品都有85折優惠。如果你鍾意食甜品，Dolce 88嘅磅裝蛋糕都有85折優惠，啱晒想買蛋糕同屋企人開心share嘅你！

香港JW萬豪酒店

地址：金鐘道 88 號太古廣場

指定滙豐信用卡專享優惠

網上預訂優惠（訂座連結：https://bit.ly/JWMHKxHSBC_2025_TC）

適用於即日至2025年8月31日：
- The Lounge – 下午茶自助餐兩位6折（適用於星期一至五）
- The Lounge – 自助晚餐兩位6折（適用於星期一至四）

其他優惠

現有全年優惠額外5%折扣，詳情如下：
- JW咖啡室 – 自助餐85折（2至10位）（適用於2025年6月）
- The Lounge – 自助餐85折（2至10位）
- Flint – 食品85折（2至10位）
- Dolce 88 – 磅裝蛋糕85折

所有優惠：

– 所有優惠只適用於指定滙豐信用卡。

– 所有優惠只限堂食。

– 須另收以正價計算之加一服務費。

– 預訂確認視乎供應情況而定。

– 除特別註明外，優惠不可與其他推廣優惠、推廣優惠券或任何類型之優惠，包括但不限於萬豪禮品卡及電子禮品卡同時使用。

網上預訂優惠：

– 優惠適用於2025年8月31日或之前的指定日期惠顧。

– 須於指定網上平台預訂及繳付全費方可享有關優惠。名額有限，先到先得，額滿即止，並須視乎預訂時的名額供應情況而定。

– 每位持卡人最多只可享其中一項網上預訂優惠一次，而每檯最多4位惠顧。

– 預訂確認後不可取消或更改。

– 須於用餐當日出示附有二維碼之確認電郵以享優惠。

其他優惠：

– 所有優惠適用於2025年6月1日至8月31日。

– 每檯或每個團體只可使用一張合資格信用卡進行單次交易，安排在多於一張檯的團體將被視為同一檯，並只可享用優惠一次。

– JW咖啡室及The Lounge的優惠不適用於煙花匯演夜。

– 所有優惠不適用於酒店網上商店之任何消費。

– 所有優惠受全年餐飲優惠條款及細則規限。

2. 香港文華東方酒店 – 優惠低至75折

香港文華東方酒店嘅餐廳一向係高級美食嘅代表。首當其衝大推嘅當然係以高質素食材同多元化菜式聞名嘅快船廊自助晚餐，當中最出名嘅就梗係海南雞飯同1963文華芝士蛋糕啦！快船廊嘅專業烹飪團隊將呢啲經典美食發揮得淋漓盡致，深受本地人同國際遊客歡迎。而家用滙豐信用卡竟然有75折優惠，真係抵食到爆！而除咗自助晚餐之外，快船廊仲有平日雙人下午茶套餐，同埋星期六午餐8折優惠。星期日仲有早午餐買三送一優惠，同朋友一齊去就最fit！

如果想食返啲正宗嘅中菜，享負盛名、連續12年攞到米芝蓮星級殊榮嘅文華廳就啱晒你！餐廳位於酒店25樓，可以飽覽維港無敵景觀，望住香港嘅城市天際線享用珍饈美饌。而家用滙豐信用卡，晚膳食品仲有85折優惠！若然想食西餐，文華扒房 + 酒吧嘅週末午市套餐同週日烤肉套餐都有85折優惠，等你可以以優惠價享受高質素嘅西式料理。Cafe Causette同樣有多重優惠，有晚膳三道菜套餐買三送一，仲有平日雙人下午茶8折優惠，就連外賣自取都有75折！

最後，唔可以唔提埋The Aubrey嘅自助早午餐。星期六日都有8折優惠，等你可以輕鬆享受一個豐富嘅週末早午餐。無論你鍾意邊種菜式，香港文華東方酒店都一定有啱你嘅選擇！用埋滙豐信用卡專享優惠等你可以用平啲嘅價錢，食到酒店級數嘅美食，絕對係抵食之選！

香港文華東方酒店

地址：金鐘道88號太古廣場

滙豐信用卡專享優惠

快船廊

自助晚餐75折（4至8位；適用於星期一至日）
雙人下午茶8折（2至8位；適用於星期一至五）
星期六午餐8折（每位賓客需最少惠顧一道主菜；2至8位；只限星期六）
自助早午餐買3送1（4至8位；只限星期日）

Cafe Causette

外賣自取75折（每位賓客需最少惠顧一道主菜；適用於星期一至日）
雙人下午茶8折（2至8位；適用於星期一至五）
晚膳三道菜套餐買3送1（4至8位；適用於星期一至日）

文華廳

晚膳食品85折（每位賓客需最少惠顧一道主菜；2至6位；適用於星期日至四；2小時用餐體驗）

文華扒房 + 酒吧

週末午市套餐85折（4至8位；只限星期六）
週日烤肉套餐85折（4至8位；只限星期日）

The Aubrey

自助早午餐8折（4至8位；只限星期六及日）

– 須預先最少1天前訂座，並視乎供應情況而定。

– 所有於文華廳、文華扒房 + 酒吧及The Aubrey的訂座均需信用卡擔保。

– 如賓客逾時超過15分鐘，餐廳保留不提供用餐服務的權利。

– 如於推廣期間遇上特別活動，以上餐廳將不提供任何折扣優惠。

– 所有餐廳保留因應季節或食材供應情況更改菜單項目的權利，恕不另行通知。

– 所有優惠不可與其他推廣菜單、優惠或折扣同時使用。

– 所有餐廳恕不容許分桌和╱或分開賬單。

3. 九龍香格里拉 – 優惠低至7折

想食盡環球美食？九龍香格里拉絕對係你嘅首選！呢度有多間特色餐廳，由中西美食到日本料理，應有盡有，包你大飽口福！

Café Kool咖啡廳嘅自助餐向來深受歡迎，其中最吸引嘅一定係即切烤肉，香噴噴嘅味道令人垂涎三尺。如果你鍾意食辣嘢，一定唔好錯過佢哋嘅風味喇沙，麵條配上自家秘方嘅濃稠香辣湯底，帶有椰奶同亞參味，香辣惹味。而家用滙豐信用卡仲專享低至7折優惠！

又或者帶埋長輩一齊，想食返正宗粵菜？咁香宮嘅出品一定唔會令你失望。招牌菜香宮炸子雞伴鹽燒脆藕片，用秘製醬汁醃雞風乾約五小時，再準確控制油溫炸製，令到皮脆肉嫩，味道一流！仲有必食嘅生拆蟹皇燴官燕羹，新鮮手拆嘅蟹粉配搭矜貴嘅官燕，經過細膩嘅燴煮，口感滑溜，香濃味美。最緊要記得用埋滙豐信用卡平日8折優惠啊！

選擇又點止咁少？用滙豐信用卡，除咗香宮，仲有3間餐廳都做緊8折優惠啊！如果你鍾意意大利菜，Angelini嘅主廚以新鮮時令食材精心炮製道地意式美饌，絕對係一個品嚐正宗意大利菜嘅好選擇。至於日本料理愛好者，於日本擁有超過190年悠久歷史嘅灘萬日本料理絕對係你嘅天堂！如果想嘆下午茶，大堂酒廊嘅下午茶套餐都十分值得一試。仲設有現場音樂表演，等你可以一邊聽住悅耳音樂，一邊品嚐精緻美食，享受愜意時光。無論你鍾意乜嘢口味，九龍香格里拉都一定有啱你嘅餐廳！

九龍香格里拉

地址：九龍尖沙咀東麼地道64號

滙豐信用卡專享優惠

Café Kool咖啡廳（2至12位）

自助午餐星期一至五7折；星期六、日及公眾假期8折
自助晚餐星期日至四7折；星期五、六、公眾假期及其前夕8折

Angelini（4至12位）

午膳食品8折（適用於星期六、日及公眾假期）
晚膳食品8折（適用於星期一至日及公眾假期）

香宮（4至12位）

午膳及晚膳食品8折（適用於星期一至五；公眾假期除外）

灘萬日本料理（4至12位）

午膳及晚膳自選餐牌食品8折（適用於星期一至日及公眾假期）

大堂酒廊（2至12位）

下午茶套餐8折（適用於星期一至日及公眾假期）

– 優惠不適用於2025年6月15日。

– 優惠只適用於堂食，必須預先訂座。

– 優惠不適用於外賣、美酒活動、煙花活動、餐飲券活動、客座主廚活動、客房服務、宴會、餐廳私人包廂、特別餐牌或價格以及於餐廳購買的非食品項目。

– 香格里拉會會員可在扣除所有適用折扣後的淨消費金額賺取香格里拉會積分。

– 優惠不可與其他推廣優惠、其他信用卡推廣優惠、折扣、禮券、優惠券或會員特權及香格里拉會積分兌換同時使用。

– 須另收以正價計算之加一服務費。

– 優惠不可兌換現金、其他產品或折扣，且不可轉讓。

– 九龍香格里拉保留隨時更改及取消任何條款及細則或停止供應此優惠而不須作預先公佈之權利。

4. 香港麗思卡爾頓酒店 – 優惠85折

想嘆高級嘢食又想欣賞香港靚景？咁一定要嚟香港麗思卡爾頓酒店嘅OZONE！呢間餐廳位於環球貿易廣場118樓，係全球最高嘅室外頂層酒吧，俯瞰嘅維港景色認真一流！而家用滙豐信用卡去OZONE食週日早午餐有85折優惠，包括海鮮拼盤、前菜、主菜同甜品。

海鮮拼盤有吉拉多生蠔、波士頓龍蝦、雪蟹腿等等，新鮮又豐富，絕對係海鮮控嘅最愛！前菜方面有多款選擇，例如48個月伊比利亞貝洛塔火腿、安格斯韃靼牛肉等等，每款都好有特色。主菜就更加多選擇，有威靈頓牛柳、香煎黑鱈魚、韓式烤雞同埋香草義大利麵，無論你鍾意食肉定魚都有得揀，樣樣都勁吸引，真係令人眼花繚亂！

最後嘅甜品都唔少得，多款創意特色甜品同水果拼盤等，甜品控一定唔可以錯過！OZONE嘅週日早午餐真係豐富又有水準，加上靚景相伴，用滙豐信用卡仲有85折優惠，絕對值得一試！想喺週日享受一頓豐富嘅早午餐嘅你，即刻預訂，搶先享受呢個高空餐飲體驗啦！

香港麗思卡爾頓酒店

地址：柯士甸道西 1 號環球貿易廣場

滙豐信用卡專享優惠

OZONE

週日早午餐85折

– OZONE週日早午餐於星期日中午12時至下午3時供應。

– 優惠只適用於食品。

– 須預先訂座，請電郵至[email protected]或致電2263 2270訂座。

– 須另收以正價計算之加一服務費。

– 如有任何爭議，香港麗思卡爾頓酒店保留最終決定權。

5. 香港港麗酒店 – 優惠8折兼無限暢飲香檳及指定飲品

想嚐盡歐洲美食，唔使周圍飛！香港港麗酒店嘅懷歐敘呈獻「味遊歐陸」周日早午餐，等你喺香港都可以盡享歐陸風情。而家用滙豐信用卡仲可以享有8折優惠，等你可以用更相宜嘅價錢品嚐到高質素美食。

此外，懷歐敘嘅早午餐菜單非常豐富，囊括歐洲各地特色美食。中央長桌擺放逾20款前菜，包括24個月西班牙風乾火腿配哈蜜瓜、精選凍肉、法國凍批、水牛芝士、來自意大利、法國及德國等地嘅優質軟硬芝士同歐陸式前菜，款款滋味可口。開胃小點、龍蝦龍蒿奄列、牛油果水煮蛋農夫包、三文魚蛋餅等菜式則由專人奉上。海鮮專區嘅波士頓龍蝦、鱈場蟹腳、蟹鉗同虎蝦係必食之選，海鮮料理專櫃有地中海風味嘅柑橘劍魚、希靈魚、阿拉斯加蟹肉配熱情果等。如果你鍾意食肉，澳洲牛肋排同燒春雞都係人氣之選，肉質鮮嫩多汁。

即煮美食亦係另一亮點，芝士迷不容錯過瑞士傳統料理「烤芝士」，廚師將拉可雷特芝士(Raclette)熱熔後，用刀刮下覆蓋喺煮熟嘅薯仔上，散發令人難以抵擋嘅誘人「芝」味；仲有鮮味滿載嘅白酒煮青口同甘香可口嘅鵝肝／三文魚小圓餅。地中海美食專區嘅瑞典肉丸、希臘羊肉千層茄子帶嚟正宗異國風味。而即切烤肉區則提供肉眼扒、燒春雞等，皮脆肉嫩，肉汁豐腴惹人垂涎。

每位客人可挑選一款主菜，包括法式寶雲酥羊架、德國炸豬扒、海鮮燴飯、燴牛仔肉配薯餅、紙包比目魚等，多元化嘅菜式必有一款合您心意。

記得千祈唔好錯過手工意粉站。廚師會即場為你烹調長通粉、意大利雲吞等，香氣四溢。佢哋嘅野菌忌廉粗管麵香濃滑溜，松露香氣撲鼻，絕對係意粉控嘅心頭好。最後，主廚精選三款精緻味美嘅甜品以拼盤方式上桌，仲有香軟綿密嘅招牌法式梳乎厘，定能滿足你嘅嗜甜慾望，為曼妙午後畫上甜蜜句點。

飲品除咗無酒精雞尾酒、果汁同汽水之外，仲可以無限暢飲巴黎之花特級香檳、指定紅白餐酒、甜酒、砵酒、雞尾酒同生啤。仲唔即刻用滙豐信用卡享受超值嘅歐陸味蕾饗宴！

香港港麗酒店 — 懷歐敘

地址：金鐘道88號太古廣場香港港麗酒店8樓

滙豐信用卡專享優惠

懷歐敘

「味遊歐陸」早午餐8折（只限星期日）

– 須預先訂座，並於訂座時說明使用有關優惠。

– 須另收以正價計算之加一服務費。

– 優惠適用於2至12位用膳，包括持卡人。

– 優惠不可與Hilton Honors、Conrad VIP卡、禮券／優惠券、現金券及任何其他優惠／折扣同時使用。

– 如有任何爭議，香港港麗酒店保留最終決定權。

6. 帝苑酒店 – 優惠低至半價

提起酒店餐飲，又點可以唔提起帝苑酒店啊？帝苑酒店嘅餐廳超級多元化，由日本菜到意大利菜，再到越南菜都有得揀！而家用滙豐信用卡，更尊享低至半價優惠，認真抵食！

帝苑酒店嘅餐飲選擇太多唔知揀咩好？不妨考慮試吓正宗意大利菜！帝苑酒店旗下嘅Sabatini意大利餐廳由1958年喺羅馬開業，到而家足足65年歷史，一直都係意大利菜嘅代表。而家唔使去意大利，喺帝苑酒店就可以食到！近期仲喺中環新設分店，務求將意大利最正宗地道嘅飲食文化帶畀香港嘅食客。Sabatini嘅意粉款式多樣化，一定要試吓佢哋嘅海鮮意粉！

而除咗意粉，Sabatini仲有多款主菜可以選擇。例如佢哋嘅烤羊架就係其中一道人氣菜式——肉質嫩滑多汁，配上香草醬汁，味道豐富。想食海鮮嘅話，佢哋嘅香煎鱸魚配意大利青瓜醬都係一個好選擇——魚肉鮮嫩，搭配清新嘅青瓜醬，口感一絕，充滿層次。

作為饕客，曾榮獲米芝蓮一星嘅東來順同樣必須一試！佢哋嘅招牌涮羊肉，用嘅係內蒙古黑頭山羊嘅羊肉片，薄到好似紙咁，一煮就食得。但唔使擔心，就算唔小心煮耐咗，佢哋嘅羊肉片都一樣唔會老，依舊嫩滑。除咗肉質，涮羊肉嘅靈魂當然在於醬汁。東來順嘅醬汁係用古法秘方調製而成，惹味香濃，同羊肉真係絕配！另外，東來順仲推出咗全新上海菜系列。佢哋將經典滬菜融入現代烹飪技藝，以「濃油赤醬、糖重色豐」嘅本幫特色為基底，結合埋時令食材同傳統手法，打造出精緻佳餚，又係同北京菜唔一樣嘅獨特風味。除咗北京菜同上海菜之外，東來順仲有淮揚菜，等你可以一次過試勻晒唔同菜系，真係勁滿足！

除咗意大利菜同京滬菜，仲想再試吓其他風味？Le Soleil越南餐廳嘅越南菜就啱晒你，香濃嘅越南牛肉河粉同埋香脆嘅越南春卷相當值得一試。另外帝苑軒嘅點心都係唔少人嘅心頭好。仲有點少得嘅日本菜——四季菊日本餐廳無論天婦羅定係鐵板燒，都係用上等食材製作，口感同味道都係一流！至於壽司同刺身，新鮮程度更加係冇得頂：魚生肉質爽滑，入口即化。如果咁多特色餐廳都仲未滿足到你，咁就要睇埋雅苑座嘅自助餐，多款美食任你揀。咁就唔使再心大心細選擇困難啦！

帝苑酒店

地址：九龍尖沙咀東部麽地道69號

Sabatini意大利餐廳 (中環)

地址：香港中環金融街8號國際金融中心商場4樓4008號

四季菊日本餐廳 (中環)

地址：香港中環金融街8號國際金融中心商場4樓

滙豐信用卡專享優惠

Sabatini意大利餐廳（香港國際金融中心商場）