松本清必買
松本清必買

香港松本清必買推介|15大藥妝好物:自家產品+獨家品牌/清潔品/日用品

購物優惠

香港松本清必買推介|日本人氣藥妝店松本清首店喺觀塘APM已經開幕喇!相信大家都期待已久要報復式shopping,今次記者為大家精選15大必買人氣商品,包括其自家品牌「matsukiyo」及另外多個獨家新興日本品牌,只有松本清先至買到,即睇推介!

松本清觀塘APM店直擊


自家+獨家品牌
其他日本品牌
藥劑部

香港松本清必買推介|盤點15大藥妝好物:自家+獨家品牌/藥妝/日用品

全日本最大藥妝店之一嘅松本清,超過1,700店分店遍佈當地,主要售賣彩妝、美容用品及藥物等日常用品,APM店獨家引入多種受港人歡迎嘅熱門產品,包括自家品牌「matsukiyo」,及「RECiPEO」、「ARGELAN」等獨家日本新興品牌,更設註冊藥劑部出售市面上少見嘅藥品!

自家+獨家品牌

1.MK多用途清潔濕紙巾

疫情下大家都更為著重家居清潔,多用途清潔濕紙巾可以輕鬆解決客廳、餐桌、微波爐、雪櫃及媒氣爐等家居污糟問題,方便又實用!

松本清必買 MK多用途清潔濕紙巾
MK多用途清潔濕紙巾(圖片來源:新假期編輯部)

2.MK口罩抗菌香氣噴霧

戴口罩已成日常,外出經常除完又再重新戴上,唔想異味殘留可以使用口罩抗菌香氣噴霧,輕輕一噴就會散出發令人放鬆香氣!

松本清必買 MK口罩抗菌香氣噴霧
MK口罩抗菌香氣噴霧(圖片來源:新假期編輯部)

3.MK足部舒緩清涼貼

打工仔經常要久坐,時間耐會對雙腿造成負擔!呢款足部舒緩清涼貼片含有啤酒花精華,以及留蘭香葉油等多重植物萃取嘅成分,舒緩足部肌肉酸痛之餘更可緊緻肌膚,更附有薄荷成分,涼浸浸好舒服啊!

松本清必買 MK足部舒緩清涼貼
MK足部舒緩清涼貼(圖片來源:新假期編輯部)

4.MK口罩

日本製造嘅口罩一向係信心之選,松本清自家品牌亦有推出不同尺寸嘅白色口罩,以三層結構設計,阻隔細菌之餘亦相當透氣,更加可以避免因長期佩戴導致嘅耳仔痛。

松本清必買 MK口罩
MK口罩(圖片來源:新假期編輯部)

5.MK LAB營養補充品

自家品牌MK LAB推出多款日常營養補充品,喺日本當地人氣大賣,由松本清營養管理師研發處方,可以補充維他命B12、維他命C、鐵質、礦物質、葉酸等人體所需營養,有內涵之餘包裝都相當精美,帶出街都好方便!

松本清必買 MK LAB營養補充品
MK LAB營養補充品(圖片來源:新假期編輯部)

6.ARGELAN草本深層保濕護膚油

ARGELAN主打天然植萃成份保養品,敏感肌人士都啱用!草本深層保濕護膚油走柑橘甜香調,有杏仁油等保濕成分,滋潤皮膚改善乾燥,維持彈性水分健康肌膚!

松本清必買 ARGELAN草本深層保濕護膚油
ARGELAN草本深層保濕護膚油(圖片來源:新假期編輯部)

7.ARGELAN草本保濕植萃潤唇膏

ARGELAN草本保濕植萃潤唇膏日本一開售已銷量驚人,以可食用嘅天然原物料製造,滋潤效果相當唔錯,提供無色及潤色版本,後者可以為素唇添上淡淡粉嫩色彩,3款色號更會帶出唔同妝感,絕對係女生包色之選!

松本清必買 ARGELAN草本保濕植萃潤唇膏
ARGELAN草本保濕植萃潤唇膏(圖片來源:新假期編輯部)

8.Replica衣物抗菌噴霧

Replica衣物抗菌噴霧融合高級香調及衣物芳香,提供4款香味選擇,可以持續超過48小時!噴霧兼具抗菌及消臭效果,平時出完街返到屋企都可以即刻噴一噴身上衣物,除菌之餘即時可以令衣物清香,日常生活必備!

松本清必買 Replica衣物抗菌噴霧
Replica衣物抗菌噴霧(圖片來源:新假期編輯部)

9.WOMAN METHOD AAA 高濃度保濕精華

松本清旗下品牌WOMAN METHOD AAA主打平價高效護膚品,高濃度保濕精華添加「雙重LIPIDURE」&「PRIMESOM」,從肌膚深透至角質層帶來保濕及滋潤,不含矽、Paraben、合成色素及礦物油等,成份相當天然!

松本清必買 WOMAN METHOD AAA高濃度保濕精華
WOMAN METHOD AAA高濃度保濕精華(圖片來源:新假期編輯部)

回到目錄

其他日本品牌

10.衣物污漬急救劑

平時出街食飯好容易整污漬衣物,尤其係喺著白色衫嘅時候!呢款TOP衣物污漬急救劑雖然體積小巧,但用途就非常把炮,一抹即清走衣物上嘅污漬,包括豉油漬及唇膏漬等,對於「論盡」人士嚟講相當方便!

松本清必買 TOP衣物污漬急救劑
TOP衣物污漬急救劑(圖片來源:新假期編輯部)

11.卡通人物浴球

呢款卡通人物浴球有多個人氣公仔款式,包括Sanrio、蠟筆小新、角落生物及寵物小精靈等,浸浴之餘更可獲得浴球內嘅小玩具,可愛感滿滿!

松本清必買 卡通人物浴球
卡通人物浴球(圖片來源:新假期編輯部)

12.日牌美妝福袋

相信識化妝嘅朋友都一定聽過CANMAKE呢個日本開價品牌,松本清店內除咗都呢個牌子嘅專櫃外,更有CP值極高嘅美妝福袋,另外$100唔使就可以入手總值超過$500嘅化妝品,接近1折發售,慳妹必買!

松本清必買 日牌美妝福袋
日牌美妝福袋(圖片來源:新假期編輯部)

回到目錄

藥劑部

13.MK乳酸菌整腸丸

平時食得「立雜嘢」多好傷腸胃,便秘更加係都市人常見疾病之一!呢款整腸丸含有3種乳酸菌,可以好好平衡身體所需嘅益菌。

松本清必買 MK乳酸菌整腸丸
MK乳酸菌整腸丸(圖片來源:新假期編輯部)

14.MK疲勞痛症藥品

呢款疲勞痛症藥品可以舒緩身體多種不適,包括眼精疲勞、肩頸痛及腰痛等,用途相當廣泛!

松本清必買 MK疲勞痛症藥品
MK疲勞痛症藥品(圖片來源:新假期編輯部)

15.MK高精煉凡士林

呢款高精煉凡士林可用於乾燥龜裂嘅手腳肌膚,濕疹肌都啱用!

松本清必買 MK高精煉凡士林
MK高精煉凡士林(圖片來源:新假期編輯部)

常見問題

松本清有甚麼必買藥品?

松本清自家品牌MK有推出乳酸菌整腸丸及…即睇詳情

松本清引入了哪些獨家品牌?

松本清引入了新興品牌「RECiPEO」、「ARGELAN」及…即睇詳情

撰文:Icy圖片來源:新假期編輯部

最新吃喝玩樂資訊