商場優惠
商場優惠

最震撼商場優惠!買$500送$500=100%回贈!優惠券限制少+商戶種類極多!@優惠黑客專欄|購物優惠情報

購物優惠

廣告

不少商場都紛紛推出商場優惠,想刺激商場消費!但以往啲優惠一般都係買多多先送少少,又或者送啲優惠券使用條款限制多多;今期同大家介紹恆隆商場的優惠,真正買幾多送幾多,使用優惠券亦極具彈性呢!

撰文:優惠黑客|圖片:恆隆、新假期|資料來源 :優惠黑客

7間商場優惠一齊嚟!

講開恆隆商場,大家可能都未必想到有什麼商場,但講起雅蘭中心、家樂坊、淘大商場,康怡廣場,大家應該有印象吧。今期恆隆旗下七個商場都有推廣,其中筆者認為最優惠嘅地方就係淘大商場,因為呢個商場商店種類多,既有大形連鎖店,又有小店,無論你想買珠寶首飾、手機、家電、運動用品、時裝、手袋、眼鏡,都可以享用到優惠。

淘大商場:
買$500送$500、
買$2,000送$2,000!

好,就用淘大商場來作例子,講下個優惠詳情:簡單而言,只要你係呢個商場任何商戶消費500元,你便可以從指定名單中選一張$100 電子優惠券,當你消費夠$2,000,則送十張$100電子優惠券,共$1,000。而逢星期一就有100%回饋,即買$500送$500,買$2,000送$2,000,真正買幾多送幾多!要注意的是,只有首10名顧客可享「星期一限定禮遇」,而且只接受即日中午12時起發出之有效收據。

另外,商場並沒有特別宣傳,但每次換領優惠券時會加送$25元SaSa優惠券,只要消費滿$50便可以用一張。詢問商場職員,他們說SaSa Coupon有就送,送完就冇,要快手啦!

商場優惠消費攻略

更重要係,今次個優惠係可以累積最多三張即日電子消費單據,即我在萬寧買$200生活用品,再去食個Lunch,之後去實惠買啲家品,加埋夠$500就得!但記得現金交易係唔計算噢!同埋要中午12時後的消費才會計算。當然,若你打算買過二千,你亦可以參加「買$2,000送$2,000」優惠,只限周一,其他日子買$2,000只送$1,000。

可能你即刻會問:有冇Quota架?當然有:平日 25 份,假日 30 份;買$2,000送$1,000的優惠就只有平日 5 份/假日 10 份。周一買$500送$500,或買$2,000送$2,000則合共只有頭十名。但筆者親身試過,其實並沒有人瘋狂排隊,買$500送$100在假日晚上七點仍然有名額。而周一100%回饋的名額就較搶手,建議大家準時12時正買東西,大概半小時內便派發完!

點樣用盡商場優惠?

咁有乜可以係淘大消費呢?除了餐廳外,筆者就最喜歡到屈臣士買BB用品、又或者去SaSa買彩色口罩、到位元堂買養生產品,到豐澤買手機,仲可以去HKTV Mall 買急凍帶子,三聯書店買書,實惠和日本城買家品⋯⋯想知道淘大商場有乜商戶?可以瀏覽呢度

去淘大幫趁
更能支持小店!

筆者刻意推介淘大商場,其實還有一個原因:這個商場曾推出「創業徑」,鼓勵具創意的年輕人一展所長,發揮其創意精神及企業家天份,為他們提供優惠租約,至今仍然有不少本地小店在商場內。若你如筆者般喜歡支持本土經濟,不妨到淘大商場消費,既可以支持本地人,又可以藉此拿到商場優惠!

換商場優惠券攻略

今次優惠吸引筆者注意,主要因為換取的優惠券相當實用!雖說是優惠券,不是現金券,因為使用時係要買$200才可用一張$100優惠券。但筆者覺得很不錯,因為其他優惠券條款一般都說只能買正價貨品,不能折上折,今次啲優惠券沒有此限制,唯獨每次消費最多只可使用十張。另外,使用現金券的商戶也相當親民,絕對係我哋平日消費開嘅地方,例如萬寧、鴻福堂等等。以下係筆者的建議:

雅蘭中心:Manning Plus

在萬寧買生活用品,相信買夠$200一點難度都沒有。

家樂坊:Starbucks

滿$100便可以作$50使用,比其他優惠券較易用,同朋友一人一杯咖啡,然後Share 件Cake,折扣後只需$50!

山頂廣場鴻福堂

不能外遊不妨來個山頂本地遊,欣賞完香港全景後再嘆個老火湯或糖水,正!

Fashion Walk:
Vivienne Westwood Café

假期與愛人來個High Tea,要知道Premium Tea Set 要成$600,依家可以用三張Coupon,兩位埋單$3XX抵好多!

淘大:UA戲院

唔想再消費,不妨考慮攞戲飛,買$500送5張免費戲飛呢!買$2,000就送20張!

不過大家要留意,所有優惠券使用日期只有一個月,如果要換20張戲飛,要考慮一個月能否用得晒!

其他恆隆商場優惠

除了九龍灣淘大商場外,太平山山頂廣場,鰂魚涌康怡廣場的優惠基本上是一樣的;但旺角雅蘭中心、家樂坊、荷李活商業中心則要消費$800才送$100 (周一則送$800) / 消費$6,000送$3,000 (周一則送$6,000);銅鑼灣Fashion Walk 就只有消費$2,000才送$200 (周一則送$2,000) / 消費$6,000送$3,000 (周一則送$6,000)。

想知道更多恆隆商場資訊

註:以上優惠有效期只到10月31日。

撰文:優惠黑客|圖片:恆隆、新假期|資料來源 :優惠黑客

即睇更多:交租都有得平!教你用信用卡交租賺回贈 1年慳番過萬蚊!@優惠黑客專欄|購物優惠情報