上門剪髮
上門剪髮

上門剪髮6大推介 港九新界都有!剪染電焗服務+兒童長者半價+每日做消毒檢測

購物優惠

廣告

上門剪髮|髮型屋停業後,大家起碼要到4月20日後先可以去髮型屋,要忍手唔剪頭髮咁耐都相當痛苦,分分鐘1個月後齊齊變身「泰山」!唔少髮型師都陸續提供上門剪髮服務,即睇6大上門剪髮推介!

上門剪髮6大推介 港九新界都有!
剪染電焗服務+兒童長者半價+每日做消毒檢測

話就話疫情唔使經常外出見朋友,但人總係貪靚,除咗儀容唔整潔外,亦會影響日常生活。幸好唔少髮型師最近都陸續提供上門剪髮服務,剪髮、染髮、甚至電髮都可以做到,港九新界都有。而由於上門剪髮並無髮型屋嘅洗頭設備,以下上門理髮服務都唔包括洗頭,需要自行處理返喇!

不過大家留意剪髮過程,唔可以牽涉第3個家庭,以免觸犯法例!而即使過程中不超過2個家庭成員,但大家都謹記要佩戴口罩及清潔雙手,如若自覺有較高感染風險或有輕微不適,請立即進行檢測。

1.Stayhome兒童長者半價

「Stayhome」早於2020年疫情初期開設,由2位任職超過10年嘅髮型師打理,專門提供上門剪髮服務,兒童及長者仲有半價優惠,消毒步驟通通都會做足,入門口前會先以噴劑全身消毒,使用嘅工具都係亦會即場消毒,夠晒安全,所以疫情期間相當受家長歡迎!

上門剪髮 「Stayhome」早於2020年疫情初期開設,由2位任職超過10年嘅髮型師打理。
「Stayhome」早於2020年疫情初期開設,由2位任職超過10年嘅髮型師打理。(圖片來源:Facebook@Stayhome)
上門剪髮 小朋友頭髮生長得快,1個月唔剪頭髮都已經好唔方便!
小朋友頭髮生長得快,1個月唔剪頭髮都已經好唔方便!(圖片來源:Facebook@Stayhome)
  • 價錢表表:
    剪髮:成人$400、8歲以下及65歲以上$200(最低消費$400)
    染髮/焗油:$500-$1500
    附加費:地鐵步行10分鐘內不需收費,否則客人需支付單程的士費用
  • Facebook專頁:Stayhome
  • Instagram專頁:@stayhome816

2.Rare One Hair Salon

「Rare One Hair Salon」除咗提供一般上門理髮服務,更推出抗疫護理套餐,一個價錢包括剪髮、頭皮分析、磨砂清潔、穴位肩頸按摩及頭皮精華導入,住元朗、屯門、天水圍及荃灣仲可以免收車費,大西北朋友不妨一試!

上門剪髮 上門服務不限地區,只需收返相應車費。
上門服務不限地區,只需收返相應車費。(圖片來源:IG@rareonehairsalon)
上門剪髮 「Rare One Hair Salon」除咗提供一般上門理髮服務,更推出抗疫護理套餐。
「Rare One Hair Salon」除咗提供一般上門理髮服務,更推出抗疫護理套餐。(圖片來源:IG@rareonehairsalonrareonehairsalon)
  • 價錢表:
    剪髮:指定髮型師$450、非指定髮型師$350
    染髮、冷燙、熱燙及焗油:收費另議
    附加費:元朗、屯門、天水圍及荃灣以外地區需收車費
  • Instagram專頁:@rareonehairsalon

3.Casa Salon-Eric Lo

髮型師Eric Lo提供上門理髮服務種類較多,除咗基本嘅剪染外,連漂髮、挑染及冷燙等相對高難度嘅服務都有,對於想整複雜髮型嘅朋友就相當適合,不過要留意嘅係服務而且並不包括洗頭,到時記得預返時間自己處理喇!

上門剪髮 髮型師Eric Lo提供上門理髮服務種類較多,除咗基本嘅剪染外,連漂髮、挑染及冷燙等相對高難度嘅服務都有。
髮型師Eric Lo提供上門理髮服務種類較多,除咗基本嘅剪染外,連漂髮、挑染及冷燙等相對高難度嘅服務都有。(圖片來源:[email protected]__hair.casa)
上門剪髮 平時漂染開好易會出現「布丁頭」,係時候要搵髮型師搞搞佢!
平時漂染開好易會出現「布丁頭」,係時候要搵髮型師搞搞佢!(圖片來源:[email protected]__hair.casa)
  • 價錢表:
    剪髮:$300
    單色染髮:$800
    漂髮(不包括染髮):$300
    挑染:$500
    冷燙:$800
    直髮:$1000
    附加費:港島區+$50、新界區+$80
  • 預約電話:9632 7212
  • Instagram專頁:@eric.l__hair.casa

4.AM Hair Studios-Mina Chung

髮型師Mina Chung提供上門理髮服務種類包括剪髮、燙髮、漂染及護理等,而客人則需要支付停車場費用及油錢。因應疫情,髮型師都要求同場所有人要佩戴口罩,以及做即時快速檢測,保障大家安全!

即使上門剪髮都要注意衛生安全,髮型師都要求同場所有人要佩戴口罩,以及做即時快速檢測。
即使上門剪髮都要注意衛生安全,髮型師都要求同場所有人要佩戴口罩,以及做即時快速檢測。(圖片來源:IG@minabc_hairdesign)
  • 價錢表:
    剪髮:$400
    單色染髮:男士$780、女士$880
    B5頭髮護理:$600
    燙髮:$880
    簡單漂染髮:$1500-$2500
    附加費:需付停車場費用及油錢
  • 預約電話:6334 4301
  • Instagram專頁:@minabc_hairdesign

5.Momiji Salon-Felix

平時剪開「㗎仔頭」唔想亂咁搵人剪頭髮,不妨搵擅長日式髮型剪裁嘅Felix!Felix提供香港、九龍及新界區剪染髮服務,但如果大廈14日內有確診個案,髮型師就未能提供服務。

上門剪髮 除咗離島之外,其他地區都提供上門剪染服務。
除咗離島之外,其他地區都提供上門剪染服務。(圖片來源:IG@momiji_felix)
上門剪髮 Felix擅長打理日系髮型。
Felix擅長打理日系髮型。(圖片來源:IG@momiji_felix)
  • 價錢表:
    剪髮:$400(需指定地點)
    染髮:短髮$1200、長髮(下巴以下)$1400、極長髮(胸以下)$1600
  • 注意事項:不提供上門單剪服務
  • Instagram專頁:@momiji_felix

6.AM Hair Studios-Lok Lo

髮型師Lok提供上門剪髮服務外,亦都可以供客人親臨家中天台剪頭髮,如果平時屋企唔方便嘅朋友不妨考慮一下!加上髮型師每日早晚都會做快速檢測,更會提供檢測套裝比客人,咁就安全又放心!

髮型師Lok提供上門剪髮服務外,亦都可以供客人親臨家中天台剪頭髮,唔洗怕透露自己屋企。
髮型師Lok提供上門剪髮服務外,亦都可以供客人親臨家中天台剪頭髮,唔洗怕透露自己屋企。(圖片來源:IG@noknoklo)
上門剪髮 髮型師嘅防疫措施都做得相當充足,更會每日早晚各做1次快速檢測。
髮型師嘅防疫措施都做得相當充足,更會每日早晚各做1次快速檢測。(圖片來源:IG@noknoklo)
  • 價錢表:
    剪髮:$300
    染髮、挑染、燙髮、直髮:收費另議
    附加費:九龍區+$50、香港區+$70、新界區+$100
  • 預約電話:5180 0802
  • Instagram專頁:@noknoklo

上門剪髮服務包括洗頭嗎?

不包括,需要自行處理。詳情按此即睇

上門剪髮服務適用於哪個地區?

大部份髮型師都提供全港各區服務,不過需另加車費或停車費等的費用。詳情按此即睇

撰文:Icy圖片來源:Facebook@Stayhome、IG@rareonehairsalon、[email protected]__hair.casa、IG@minabc_hairdesign、IG@momiji_felix、IG@noknoklo