JPEX懶人包︳網民分析3大因素 JPEX好大機會全身而退：出金制度好屈機

JPEX風波︳出金手續費突調至999 USDT 散戶只提取到1USDT

香港證監會發表聲明指虛擬資產交易平台JPEX無牌經營後，JPEX仍有繼續營運，官網仲有發表聲明，指已為此成立專案小組去應對問題﹐其專案小組成員係由專業的法律界人士﹑金融界別精英所組成，同埋會「進行 USDT 提幣手續費的調整」。雖叫「調整」，但手續費就由3USDT突變為999 USDT！經過JPEX咁樣的手續費調整下，唔少用戶開始質疑JPEX資金流動性方面出現問題，而且網傳JPEX 8小時未能出金。後來有KOL喺網民展示成功出金圖片，真係只可成功提取1 USDT，令散戶人心惶惶。

9月14日

JPEX於9月14日於官網發表聲明指「需要進行業務上的調整，亦成立專案小組」，及後於16日再於官網發表聲明，指收到大量用戶出金申請，會儘快進行審批，仲強調JPEX會繼續營運，唔會因為咁而倒閉。

9月17日

JPEX再次發表聲明，指「香港地區對JPEX加密貨幣交易平台的不公平對待，及所發放的連串負面消息，導致平台所合作的第三方造市商暫時鎖定資金。JPEX表示逐步將出金手續費調節至正常水平，希望用戶可以一起渡過難關。散戶發現JPEX的確改動咗出金手續費，由999 USDT變為975USDT。事後愈來愈多苦主報案， 據警方表示涉及金額3400萬元。

JPEX風波︳網民分析：好大機可以全身而退！

對於今次JPEX風波，有網民就分析JPEX調整的「出金策略」好屈機，首次先JPEX無一出事就倒閉走佬，而係整「999手續費」，相信有好心急亦驚死的散戶驚JPEX會倒閉而就算999手續費都照拎，而JPEX再逐步調低手續費的策略，都會令苦主忍唔住會想止蝕離場。網民就指JPEX昂貴的手續費其實慢慢令到JPEX解決到資金流動問題，仲話如果銀行可以學到佢根本唔會有擠提。唔少網民都認同「騙案關鍵唔係可以呃到有幾多，最成功嘅騙案係呃完仲可以全身而退，呃完好似冇呃咁，仲要唔知背後係邊個，JPEX 可以話係香港史堪稱最成功嘅騙局例子」。而網民亦指「呢個世界真係大量水魚」　「呢招主要要得3個作用，一係拖時間，二係x警察，三係掠埋最後一筆」，而有網民更指「講咗好耐呢間嘢有問題，無人聽」。