施政報告2023｜ 香港搶人才即日開放越南人來港 網民：東南亞勁得去邊？
香港即日起開放越南人才來港就業的簽證政策 港人：佢哋有咩人才？
特首李家超今發表任內第2份施政報告，其中提到將於本月底成立「人才服務辦公室」，為來港人才提供支援、跟進他們的發展和需要等。同時擴大「高端人才通行證計劃」大學名單，由11月起，合資格大學名單會增加8間頂尖內地和海外院校至184間。而最令人關注的話題，就是「即日起開放越南人才來港就業的簽證政策」，同時放寬越南人商務和旅遊「一簽多行」來港的申請門檻；此外，亦會開放老撾及尼泊爾人才來港就業、受訓和就讀大學教資會資助院校。
港人：到底呢D東南亞地區有咩人才？
港人聽到消息後，即時出現大大個「黑人問號」，在LIHKG討論區上，最少有3個帖文都以「越南、老撾搶人才，可以搶到咩人才」作為相關話題，有不少人指越南經濟本來受益於電子製造業及其他輕工業，且有外國大力投資，但疫情後已下滑。相反，現時搶人才，令港人認為「呢D地方唔係KK園人才？」、「洗頭妹妹要進軍香港，除咗呢個都諗唔到其他」、「係咪按摩業要發展，吸引遊客」、「即係好似香港人去外國咁，而家就出個低級版比東南亞尖子嚟香港，呢D人少都勁過大部分香港打工仔㗎啦，但佢哋同本地尖子比又比唔贏，結果又搶咗中層嘅位，即係本地普通市民又食得X」、「越南同老撾都算，尼泊爾人才真係有適合，到底玩咩？你睇吓香港仲唔夠？又要出現幾多個『彭太』」、「香港喺亞洲大學排名，最低排名個間都排120，越南最強勁個間大學排名158，呢D人才真係連香港車尾燈都見唔到喎」、「配合生育計劃咋」、「搶人才唔係向第一世界、第二世界搶，犀利」。
網民：香港人對越南印象仲停留喺廿年前
不過亦有網民指不要單憑印象判斷，「自己了解吓先作定論」，指越南有4大強勁工業範疇，包括「金融科技產業」、「人工智能」、「軟件外包」、「教育技術」。更指「外國一早搶緊越南IT人少，香港人對越南印象仲停留喺廿年前」、「其實日本都有輸入不少越南人在國內工作」、「好多公司認為越南人比較捱得，唔會扭計，又唔算蠢，但香港吸唔吸納到真係唔知，一向都比較多印尼、泰國、南亞裔」、「新加坡都有東南亞外勞，但唔會用最低工資，最Top個D其實都已經去晒外國或者日本，佢哋唔係無人才，只係適唔適合香港範疇」、「New Jeans Hanni都係越南人，問題係香港吸唔吸到呢種」、「Samsung d廠都係喺晒越南㗎」、「香港人真係好膚淺，思想要進步下」。
