有片｜屯門醫院外賣員當街嘔心「做手術」 還原倒瀉湯粉全過程曝光被鬧爆

醫院門口驚現外賣手術室

上周五（30日）有網民在Facebook專頁「香港Foodpanda送外賣」上分享相關影片，影片隨後亦被TVB節目《東張西望》轉載。樓主表示，事發於當日下午12時45分至1時之間，並以「屯門醫院新開手術室」為題發帖。片中見到，1名穿著拖鞋的外賣員踎在屯門醫院門外，手上拿著一份湯粉外賣，但湯汁大半已倒瀉在膠袋內。該外賣員先將整盒湯粉取出放在地上，部分湯汁已流在地面上。他掀開碗蓋後，隨手將碗蓋置放在地上，然後揪起膠袋，將倒瀉在膠袋內的湯汁重新倒回碗內。完成「手術」後，他再蓋回碗蓋，不顧膠袋仍濕漉漉，便將整盒湯粉重新放回膠袋內，期間外賣員更將濕漉漉的手在衣服上搓揉抹乾。更令人擔憂的是，影片其後見到有位疑似是屯門醫院的女職員走來接過這份外賣。從衣著判斷，該女職員屬醫院內文職人員，但不清楚她是代取外賣還是訂購者本人。

網民狠批外賣員缺德行為

網民強烈譴責外賣員缺德行為

網民對外賣員的行為表達強烈不滿，認為這種做法極不負責任。有網民憤怒表示：「呢啲外賣員真係要投訴佢！醫務人員連外出吃飯的時間都無，咁辛苦為病者服務！仲要吃不潔食物！真慘！」另有網民震驚地說：「嘩，咁恐怖嘅！」連同為外賣從業員的網民都看不過眼，批評這種害群之馬的行為會影響整個行業聲譽：「好心啲人，自己倒瀉就報上客服，負返啲責任啦！一陣又上報，愈嚟愈少人叫外賣。」

拍攝者同樣受到質疑

除了批評外賣員外，部分網民也將矛頭指向拍攝者，質疑其見死不救的做法。有網民直言：「拍片都唔阻止？」、「拍片嗰個仲Ｘ街啦，見到個女到來取，都唔出聲。」更有網民提出建議：「其實拍攝條友應該襯醫護人員正想攞外賣時，上前話畀醫護小姐知畀條片佢睇，等外賣員斷正等投訴，醫護又冇事，自己又有流量，但係依家覺得拍片條友都唔好得去邊！」不過也有較為理性的網民表示諒解：「阻止好難，搞唔好可能會爆發衝突，比較正確做法係，交收後畀條片個女仔睇，話畀佢知，等佢自己決定，個外賣仲食唔食，或者佢向唔向食肆或外賣平台投訴等。」

樓主其後澄清，有關外賣員並非屬於foodpanda外賣平台，而是屬於另一外賣平台。應網民要求，樓主已確認該送餐時間及單號，有網民表示會向有關平台投訴涉事外賣員。