行山客凌晨叫外賣送山頂 外賣員驚見需時1個鐘即棄單 網民炮轟好離譜

行山客凌晨叫外賣送山頂

該名外賣員在Facebook群組「香港外賣及速遞平台綜合交流群」發文，表示自己在凌晨3點多收到顧客落單叫烤串外賣，然而送餐地點竟然是青衣山三支香南峰最高位置的涼亭，位置極為偏遠，需長時間步行才能抵達。該名顧客更備註自己「着白色衫，其實得我同我朋友睇日出」，又「溫馨提示」寫上「嗰位有啲難上去」、「只有步行路徑上山」，可見顧客也自知位置非常崎嶇。樓主透露，當時他在街上，「喺燈口位撞到個行家話佢接咗！黐X線，個客話要行1個鐘！」，未幾行家就「踢單」，該訂單於是就轉派到樓主手上，並表示「轉頭掉出公海，公海冇人接夾X我做」，同時怒轟「X你！搵無人機送啦！你畀幾多錢我都唔會做！我做外賣行山都要做埋唔係啩！」

青衣山三支香行山徑路途崎嶇

樓主續指，他曾去過「青衣山三支香」，最近的上山起點在美景花園，馬上就是幾百級接近垂直的樓梯行山徑，「行過嗰幾百級樓梯就知道，一頂唔順一X街跌落去就係咁先」，隨後又要穿過多個漁民墳場，「先唔好講你驚唔驚鬼！但係你最好唔好惹蚊」，最後才能到達涼亭位置，樓主直言：

「行得慢1個鐘肯定唔得！我之前行過1次，而家都唔係咁想再試多次！」

網民一面倒狠批訂單顧客

批評訂外賣者的無理要求

有不少網民普遍認為要求外賣員步行一小時上山送餐極不合理，應自行準備食物或下山取餐：「個西客唔可以自己帶嘢上山食咩？」、「叫佢落山攞！老奉要上埋山送咩！」、「人哋點會睬你呀行山呀講緊自己帶食物啦！」、「叫外賣條友先係ON XX」。

外賣員的辛苦與不划算

網民認為外賣員不應接受此訂單，因報酬低且耗時，影響其他訂單收入，甚至不夠支付健康代價：「500蚊都無人做啦」、「50（元）都無，仲要行返落山」、「真係做埋都唔夠睇醫生」、「行上行落嘅時間夠做好多單啦」、「難為送外賣員，咁辛苦送上山比你食，赚你好多錢咩！」。

質疑訂單動機

部分網民認為此訂單可能是惡作劇或無誠意，質疑訂外賣者的意圖：「擺明玩X人」、「叫果個都on X，佢唔係真係諗住有人送呀麻」、「叫外買過條友係山上面食山草飽拉」。

後續發展卻太快人心

帖文隨後被轉載到連登討論區，有另一位外賣員留言表示，當日凌晨3點51分被平台派了該張訂單，送餐費為43.2元，若能在4點35分前送達則可多獲$9，合共$52.2，不過他也「踢單」，直言「冇人接啦，踢返走，4點張單俾人踢嚟踢去」。