內地教授轟飲茶「滾水淥碗筷」好噁心 引發網民大罵戰 實驗室數據嚇你一驚！
內地教授批「滾水淥碗筷」好噁心
據《羊城晚報》報道，現任中國精細化管理研究所所長的汪中求，曾在抖音影片中批評廣東人用餐前用滾水淥碗筷的行為，認為這種經過消毒的餐具再用滾水泡洗，連同塑料包裝同水一齊倒在器皿中的場面「非常噁心」。這言論在網上掀起軒然大波，廣東網民紛紛反擊，認為「滾水淥碗筷」是衛生習慣以及文化傳承；然而有反對聲音質疑燙碗的消毒效果。
點擊睇片
「滾水淥碗筷」有效去除部份細菌
據報導，南京市場監管部門同江蘇某實驗室的測試顯示，水溫80℃、時間30秒可減少50%嘅菌落總數，而央視「生活圈」節目測試發現，100℃開水燙5秒下降約30%嘅菌落數量。有人認為，幾秒鐘的燙洗殺菌效果有限，屬於「形式主義」的心理安慰。而羊城晚報評論員林如敏猛烈抨擊汪教授，認為其言論「閒得蛋疼」以及吸流量，呼籲教授專注真學問。
網民對事件有3大看法
1.支持燙碗嘅衛生同文化價值
唔少網民捍衛燙碗習慣，認為清潔灰塵、油漬同殘留洗潔精有效：「唔係殺菌，冲下洗潔精油漬塵污。未嘗不可」、「起碼可以過走啲灰塵，曱甴屎烏蠅啦」。有人指出餐廳嘅衛生隱患：「仲有好多時d餐廳放定碗碟係枱面等客人時，見過d人向住隔離枱打乞痴，跟住之後來的客人根本不會知道！揾熱水淥一淥感覺良好d！」亦有網民將佢視為文化傳承：「主要係食肆好多時用漂白水漂白筷子，碗碟，沖一沖漂水味」。
2.質疑效果同反對專家言論
部分網民質疑燙碗嘅實用性：「我不愛燙，就是覺得沒有用，幾秒鐘的過熱水，也殺不了菌。」
3.反擊汪教授言論
「教授見識少，溫室長大⋯佢未見過人洗假牙」、「汪教授餐餐食高檔餐廳嘅嘛，肯定唔知道大排檔D餐具幾邋遢啦！」還有網民對專家信任度降低：「經歷covid時期之後仲會有人信呢D所謂專家同教授咩?」、「我有自由做我自己鍾意嘅嘢，又冇影響到佢，又冇迫佢跟住做，關佢咩事姐」、「洗完又唔係攞黎飲，有咩咁噁心？」
內地教授再次回應 指言論被誤解
不過在周二（27/5）汪中求在抖音回應近期因批評廣東人「滾水淥碗筷」習慣引發的爭議，稱其言論被歪曲事實並斷章取義。汪中求在影片中解釋，當時與友人討論飲食行業的衛生標準時表示：「經過國家正規消毒部門消毒的碗筷，經塑封封存後送至餐飲企業統一使用，該類消毒流程應當嚴謹、符合標準，使消費者得以放心使用。」然而，他指出現實情況並非如此，在廣東多地用餐時，經常見到碗筷需用開水燙洗，並將撕下的塑料紙及洗後的髒水倒入器皿，該做法令其感到不適。他強調，稱「噁心」的初衷旨在引起社會對提升餐飲行業服務標準的關注，但有心人惡意截取部分內容傳播，進而挑起對某區域風俗文化的反擊。
