球迷注意！4大歐洲豪門8月殺到啟德上演世紀對決 門票賽程懶人包即睇
廣告
球迷福音！香港今年暑假將迎來最強足球盛事，「香港足球盛會2026」載譽歸來，今次更一口氣請來4大歐洲天王級球會，包括英超勁旅曼城（Man City）、車路士（Chelsea），以及意甲豪門國際米蘭（Inter Milan）同祖雲達斯（Juventus）！四隊波將會空降香港，喺全新嘅啟德體育園上演世紀對決，各位球迷準備好撲飛未？
英超意甲4大豪門8月雲集啟德主場館
今次盛事最大焦點，絕對係4大歐洲頂級球會將會齊集香港！據悉，兩場重磅表演賽將於8月份，喺備受矚目嘅啟德體育園主場館舉行。屆時英超雙雄曼城同車路士，將會硬撼意甲兩大班霸國際米蘭同祖雲達斯，球迷可以安坐香港，欣賞世界頂級球星獻技，場面肯定墟冚！
超近距離睇偶像操練門票將同步發售
想近距離一睹愛隊球星風采？機會嚟喇！主辦方非常識做，除咗兩場正式比賽之外，仲特別安排咗公開訓練環節，一樣會喺啟德主場館舉行。球迷可以買飛入場，直擊球星們備戰嘅英姿，隨時影到偶像靚相！不過要留意，目前四隊波嘅公開操練具體時間仲未公佈，大家要密切留意官方消息。
門票票價購票詳情即將公佈球迷要吼實
各位球迷最關心嘅門票安排，官方表示賽事門票同公開操練環節嘅門票將會同步公開發售。至於大家最緊張嘅票價同確實嘅購票日期、方式等詳情，就有待官方進一步公佈。想成功撲飛入場支持愛隊，記得要mark實我哋嘅最新消息，千祈唔好錯過！
