戲院優惠講「我係你Mami」送爆谷！員工呻爆感侮辱憂被玩嘢 網民鬧爆：公司政策使唔使問你？

戲院推母親節優惠員工呻爆感侮辱

事緣英皇戲院於5月7日宣布，為慶祝母親節，將於5月8至10日期間推出快閃優惠。任何年滿1歲的人士，只要到戲院購買任何朱古力爆谷產品，並向職員講出「我係你Mami」，即可免費獲得一份新口味爆谷。不少網民起初以為是惡搞，更聯想起多年前麥當勞「我係你老竇」的經典傳聞，大讚戲院「識玩」。然而，活動公布後翌日，隨即有自稱英皇戲院員工在Threads發文大呻，指公司推出活動前完全無諮詢前線意願，員工都是前一日才知情，直言「大部分員工都唔想參與」。事主更擔心有客人會「專登嚟玩嘢拍片」，將通關密語改成「我係你老X」，認為極具侮辱性。

事件曝光後網民反應兩極群組遭洗版

帖文曝光後，大批網民替事主不值，認為活動考慮欠周全，「返工，無錯係老闆話做乜就要做，但我返工唔代表要攞埋自己個老X出嚟俾人玩」、「將心比己，唔係個個聽到呢句都覺得ok」、「好唔尊重員工和員工母親」。不過，亦有另一派網民鬧爆事主「自視過高」，留言反駁：「公司政策點解要問前線員工意願？」、「公司出糧俾你，你完成個job duty，關意願咩事？」、「不如你話前線員工唔想做嘢，唔好幫襯英皇戲院」，更有人質疑事主是其他戲院派來的「打手」，雙方在網上激烈開火，導致群組被洗版。

事主無奈補充籲大眾勿參與活動

面對網民質疑，該名員工其後再補充，強調不滿「完全唔關工作量事」，純粹覺得公司未有尊重員工及其家人，「我哋聽到都覺得好唔舒服」。事主又無奈表示，明白「公司政策唔需要問員工」，覺得即使向公司反映亦不會被受理，在無計可施之下，唯一可以做的就是「請大家幫幫手盡量唔好去玩」，希望透過大眾力量表達不滿。事件持續發酵，未知戲院方面會否就爭議作出回應。