濕度95%牆身滴水！抽氣扇長開24小時怕電費貴？專家揭每月只需$XX兼有4大好處
廣告
天文台緊急預告，一道冷鋒殺到香港，未來幾日將會狂風雷暴兼大驟雨，最恐怖係相對濕度將會連續8日飆升到95%！回南天濕氣大舉入侵，牆身「出水」、地板濕滑，連衫褲都晾極唔乾，仲會發出陣陣「罨味」，諗起都覺得崩潰！唔少人為咗抽濕，都會長開浴室寶或者抽氣扇，但又心大心細，驚24小時無間斷咁開，電費單會貴到嚇死人. 究竟點做先最啱？有日本家電專家就提出驚人建議，原來大家一直都做錯晒！
濕度95%牆身滴水專家竟建議長開24小時
根據天文台最新嘅九天天氣預報，高空擾動將會為本港帶來連場大雨，明日氣溫更會急降至攝氏19度。面對呢種濕到滴水嘅天氣，抽氣扇成為唔少家庭嘅救星。但問題嚟喇，到底應該開幾耐？開一陣又怕無用，長開又怕「燒錢”同整壞部機。正當大家煩惱之際，日本大型家電製造商「林內（RINNAI）」就喺官網教路，建議抽氣扇呢類排氣電器最好開足24小時，尤其係長期濕笠笠嘅浴室，如果長時間唔開，反而更容易滋生霉菌同產生惡頂異味！
24小時狂抽濕電費每月竟唔使30蚊
聽到要開足24小時，相信唔少人都會即刻「肉赤」，擔心電費會唔會貴到癲，或者部機會好快打柴。不過，「林內」就大派定心丸，指出抽氣扇嘅耗電量其實極低，每月電費只係數十至數百日圓（約15港元）。廠方更強調，呢少少電費同電器損耗，對比起屋企發霉後嘅清潔費、維修費，甚至係影響健康嘅醫藥費，絕對係「小巫見大巫”！參考返香港港燈嘅資料，一部約50瓦特嘅抽氣扇，就算真係7×24咁長開，一個月都只係用大約36度電，計返電費都只係28蚊左右，真係平過飲杯咖啡！
專家踢爆長開抽氣扇竟有4大隱藏好處
原來長開抽氣扇唔單止唔嘥電，仲有好多你諗唔到嘅好處！日本浴室設備零售商「Direct”就列出咗4大驚人優點。第一，可以有效將屋企嘅各種異味排走，保持空氣流通清新。第二，可以將濕氣不斷排出室外，從根源防止牆身、櫃入面嘅霉菌滋生，守護家人健康。第三，木製傢俬最怕潮濕，保持乾爽有助減少傢俬受潮損壞，變相延長壽命。最後，抽氣扇產生嘅氣流仲可以帶走空氣中嘅微塵同花粉，令屋企無咁易積塵，對有鼻敏感嘅朋友嚟講簡直係一大福音！
