【暑假新搞作！】精選兒童烹烘焙烹飪班 邊玩邊學STEAM兼做小廚神！
3–5歲兒童單次體驗工作坊
暑期班—彩虹水果迷你Pizza
小朋友鍾意食 Pizza，但又驚唔健康？不如試吓呢個好玩又健康嘅 Pizza 烹飪班。導師會引導小朋友認識簡單嘅比較概念，仲會示範將新鮮生果排喺薄餅皮上面，拼出一個搶眼嘅彩虹圖案。過程中可以練習分類同對稱，提升邏輯思考同觀察力，同時訓練手指嘅靈活度。每個學員最後都可以完成一個六吋嘅彩虹水果 Pizza。
暑期班—彩虹水果迷你Pizza
- 修讀時數：1堂，1.5小時
- 上課日期︰16/6 （星期二）,15：00 – 16：30
- 適合年齡：3–5歲
暑期班—泥土蟲蟲盆栽甜品杯
小朋友今次變身做小小園藝師，用壓碎咗嘅黑朱古力餅乾同埋毛毛蟲軟糖，整出一個好玩又好食嘅盆栽甜品杯。課程透過摸唔同質感嘅材料，刺激小朋友嘅觸覺發展，仲會教簡單嘅量度概念，幫佢哋建立初步嘅數學思維。甜品杯製作好安全，唔使焗，簡單易學，家長放心！每位學員最後可以完成兩杯甜品杯，帶返屋企慢慢品嚐。
暑期班—泥土蟲蟲盆栽甜品杯
- 修讀時數：1堂，1.5小時
- 上課日期︰17/6 （星期三）, 10：00 – 11：30
- 適合年齡：3–5歲
暑假班— 魔法仙女棒曲奇
鬆脆嘅牛油曲奇係小朋友最鍾意、最經典嘅茶點之一。小朋友可以運用繽紛嘅糖霜同裝飾珍珠，親手設計屬於自己嘅仙女棒。咁樣唔單止可以鍛鍊小肌肉嘅控制能力，仲可以強化形狀同顏色嘅辨認，提升創造力。每位學員最後可以完成三枝仙女棒曲奇，滿足童話夢想，亦都好適合作為小禮物。
暑假班— 魔法仙女棒曲奇
- 修讀時數：1堂，1.5小時
- 上課日期︰25/6 （星期四）,15：00 – 16：30
- 適合年齡：3–5歲
暑假班— 小烏龜蜜瓜包
小朋友親手搓揉麵團，整出可愛嘅小烏龜造型蜜瓜包。過程中，小朋友要用手指做搓、捏、壓、拍等動作，可以有效訓練手眼協調。透過製作烏龜外形麵包同壓製網格紋路裝飾外殼，可以激發觀察力同立體空間概念。每位學員最後可以帶走兩個蜜瓜包，拎走滿滿嘅成就感。
暑假班— 小烏龜蜜瓜包
- 修讀時數：1堂，1.5小時
- 上課日期︰26/6 （星期四）,10：00 – 11：30
- 適合年齡：3–5歲
6–12歲兒童證書課程
暑期環球STEAM烘焙「食」驗室—味覺美術館之旅
今個暑假，仁愛堂YES廚藝教室用烘焙料理「帶」小朋友去歐洲轉一圈，嚟一場味覺美術館之旅！喺四堂課程入面，小朋友會整彩繪水果卷蛋、玻璃彩繪曲奇、意式風景畫香草麵包，同埋法式煙肉芝士撻。導師會帶住佢哋觀察泡沫結構、物質熔點、酵母發酵同蛋白質變性等原理，將烘焙結合STEAM實驗同歷史，等小朋友愛上科學同藝術。
暑期環球STEAM烘焙「食」驗室—味覺美術館之旅 （修畢可獲證書）
- 開課日期：2026-07-08
- 修讀時數：4堂，共8小時
- 上課日期︰8/7、15/7、22/7、29/7 （逢星期三） ,11：00 – 13：00
- 適合年齡：6–12 歲
Junior Chef 暑期烹飪全日課程
想做Junior Chef？課程當然要密集式！係呢個涵蓋烹飪常識同生活技能嘅全日制三日證書課程中，學員會學整手作Pizza、雞肉親子丼、手工寬條麵等多元化菜式。課程結合個人同小組合作，小朋友每日都可以食到自己親手整嘅午餐，仲可以帶走甜品，一定好有滿足感。6月21號前報名仲可以享港幣五百蚊嘅早鳥優惠。
Junior Chef 暑期烹飪全日課程（修畢可獲證書）
- 開課日期：2026-07-21 或 2026-08-18
- 修讀時數：3堂，共18小時
- 上課日期︰
- 21/7、23/7、24/7（星期二、四、五） ,10：00 – 16：00
- 18/8、20/8、22/8（星期二、四、六） ,10：00 – 16：00
暑期環球STEAM烘焙「食」驗室—亞洲及東南亞之旅
亞洲美食就食得多啦，帶住小朋友破解亞洲食物科學嘅秘密仲過癮呀！課程包括製作抹茶凍蜜桃新地杯、韓國麻糬曲奇、越南米紙薄餅同日式咖喱半月餡餅。小朋友會探索脂肪球現象、澱粉特性、脫水脆化同物理壓力實驗，仲會了解到各國嘅飲食歷史，好適合鍾意創意料理嘅小探險家。
暑期環球STEAM烘焙「食」驗室—亞洲及東南亞之旅（修畢可獲證書）
- 開課日期：2026-08-19
- 修讀時數：4堂，共8小時
- 上課日期︰19/8、21/8、26/8、28/8 （逢星期三、五） , 14：00 – 16：00
- 適合年齡：6–12 歲
課程特點及報名詳情
仁愛堂YES廚藝教室嘅暑期課程，結合咗烹飪技巧、科學知識同藝術美感。單次嘅工作坊適合幼兒做啟蒙，多堂嘅證書課程就俾大個啲嘅小朋友深入學習，培養佢哋嘅獨立同自信。名額有限，記得要早啲報名啦！想了解更多課程詳情或報名，請瀏覽YES廚藝教室官方網站！
上課地點：荔枝角長沙灣道833號長沙灣廣場2座8樓805室
(Presented by 仁愛堂YES廚藝教室)
