5大深圳按摩水療好去處｜任食Haagen-Dazs雪糕／榴槤＋奢華名牌洗護用品！

深圳按摩好去處｜1. 湯崎·湯泉生活

想搵個地方放鬆、按摩、浸湯、焗桑拿一次過搞掂？位於福田口岸站附近的【湯崎·湯泉生活】就啱哂你！呢間新派日式湯泉空間主打「都市隱逸」風格，裝潢以原木、石材配上柔和燈光，極有質感，入面空間闊落，啱晒情侶拍拖又或者一班閨蜜嘆Spa傾心事。

女士區貼心設有獨立浴桶，享受Me Time一流。桑拿房方面有溶洞桑拿區、鹽磚薰蒸室等多款設施，排毒又舒壓；按摩區提供中式推拿、日式整體、泰式指壓等服務，由專業按摩師主理，力度到位，特別推介45分鐘全身經絡推拿，CP值極高！除咗泡湯按摩，美食體驗都非常誇張！

周一至五有無限量新鮮榴槤自助，周末更升級至粵式糖水＋榴槤甜品專區；每日更限時供應泰國椰青，另設有全天候應季水果自助區、樽裝飲料任飲，仲有Haagen-Dazs 雪糕任食，打卡又滿足味蕾～凡入場即送一杯手搖飲品，行一圈絕對飽到唔使晚餐！

深圳按摩好去處｜2. 東港城美食水療會

絕對唔可以錯過啱啱喺2025年初開業嘅東港城美食水療會~位置就喺羅湖口岸附近，地段超方便，無論你係weekend上去放鬆抖吓，定係行完街想搵個位chill住hea一日，呢度都係絕佳選擇。

館內設施齊全，包括浸浴池、搓背房、乾蒸房等傳統水療空間，裝潢走高貴典雅路線，入口處更有一條由玉石打造嘅樓梯，霸氣又有質感，影相打卡一流。按摩方面提供正宗泰式按摩服務，部分房型更可容納7人，無論係情侶二人世界，定係朋友group trip都啱用！

最令人驚喜嘅係佢地嘅餐飲區與娛樂設施：入場即送一杯即點即做嘅手搖飲品，館內設有自助水果吧、飲品任飲區，餐廳主打港式點心、煲仔飯等熟悉味道，食物質素唔輸香港；鍾意玩嘢嘅仲可以包房唱K、入電競房打機，一入就唔想走！

深圳按摩好去處｜3. 阿奇拉湯泉生活

深圳「阿奇拉湯泉生活」作為華南地區規模最大的複合式湯泉會所，擁有20000㎡雙層空間，集潛水體驗、電玩娛樂、美食餐飲於一體。這裡不僅是深圳唯一提供專業潛水項目（自由潛/水肺潛）的湯泉，更以「24小時全包式體驗」為特色，包含無限量供應的時令鮮果、進口飲品及紅酒暢飲。從恆溫湯池到7D裸眼影院、PS5遊戲區以至專業按摩服務，打造真正的一站式都市溫泉娛樂休閒空間。

親子家庭能在兒童樂園玩耍，同時享受美人魚觀光區；情侶則可體驗溶洞私湯與網紅街打卡。特別推薦VR穿梭時空（免費）和深夜燒鳥（17:00-03:00），更別錯過16:00的限量泰國椰青。所有娛樂設備（除夾娃娃）均含在門票內，實現真正的「一票暢玩」！

進去就會見到約 2 層樓高的空間，分區設計得相當有心思。男女湯內有恆溫湯池、鹽磚艾薰、足浴等多款泡湯設施；亦有有蟲洞休息室、躺玩區同圖書書吧等休閒設施，尤其適合一家大小、朋友聚會邊嘆邊傾偈！

更精彩的是提供娛樂配套，數十部 PS5、XBOX、Switch、VR 裝置，仲有街機、跳舞機、電子競技包廂同 5D 戲院；最特別一定是潛水體驗，是深圳唯一可以安排潛水教練、做考證的場地 。玩手遊、做Spa、浸溫泉、打機一站通通有，真正做到「Chill 足全日」！

深圳按摩好去處｜4.COMFY舒悦·療愈SPA

如果你想避開嘈吵同人群，搵個靜靜地好好呵護身心嘅地方，COMFY舒悦·療愈SPA絕對係私藏級療癒之選。呢間人氣SPA位於深圳市中心，主打高端侘寂風裝修，整體空間以米白、水泥灰與原木色調為主，營造出寧靜、純粹又不失溫度感的氛圍，一踏入即刻令人心神放鬆。

療程方面最推介佢哋嘅70分鐘精油按摩，由專業技師親自服務，無論係背部舒壓定頭部放鬆手法都極為到位，全程安靜無推銷，非常適合壓力大、唔想講嘢嘅都市人。按摩後會提供免費小蛋糕同新鮮水果，療程前後都有細緻照顧。

更令人驚喜嘅係設施細節位：私人沐浴間配備BVLGARI及Chanel 洗護用品，仲用上Dyson風筒，連風乾頭髮都變成高級享受～低調而精緻，由頭鬆到腳，完全唔會有「連鎖按摩鋪」嗰種流水式感覺！

深圳按摩好去處｜5.深圳艾沐春天 Spa

想用貼地價錢享受酒店級待遇？深圳艾沐春天 Spa真係性價比爆燈！位置方便，就喺福田口岸附近，更特設免費接駁專車，過關後直接上車，無痛到達Spa會所。整體裝修走精品酒店級風格，空間感十足又乾淨舒適。

最特別係提供一系列超齊全過夜用品：由洗面奶、護膚品到化妝品一應俱全，連Lancôme粉底都有，貼心度爆燈！連提供嘅內衣都唔係即棄品，而係質地柔軟可穿型，好感度瞬間加倍！桑拿房與濕蒸房都極具空間感，唔會逼促又通風好，泡完湯之後仲有免費新鮮水果任食，而且係即場現切，超加分～另有吸煙區與非吸煙區分開，照顧唔同客人需要。

最chill嘅係腳部按摩區設有星空天頂，抬頭就見滿天星，睇住星星搓腳，舒服得差啲就瞓着！