12星座黑暗面+絕對唔會輕易表露！雙子無視他人目光、處女太堅持自己諗法

12星座中黑暗面

雙子座：唔理身邊人嘅目光

可以唔理身邊人嘅目光其實係事黎，但係如果你係雙子座嘅朋友可能就唔會咁唸，因為佢哋經常都走到潮流尖端，同佢哋出街好似走天橋咁，吸引咗好多路人嘅目光，但身為朋友嘅你係佢哋嘅身邊只可以好尷尬咁扮唔識佢哋。

巨蟹座：口直心快

從頭啱啱識未熟個時，可能你會覺得佢哋係好好，但係一熟咗之後你就會發現，只要你有少少野令佢哋唔開心，佢哋就會直接爆出黎，唔會理你感受，不過只要你唔得罪巨蟹座，佢哋其實係好好嘅。

獅子座：你唔可能勁過佢

獅子座俾人嘅感覺就係王者嘅風範，無盡做啲咩佢哋都要做第一名、做最勁個個。所以如果你同佢哋熟咗之後，記得就算你真係俾佢哋勁都唔好表露出嚟，因為你嘅下場可能會好慘。

處女座：太過堅持自己嘅想法

處女座對於自己嘅權益非常注重，只要佢哋覺得個樣嘢係佢哋啱，佢哋講完出嚟就唔會改變想法，直到做到先會罷休，就算你點勸佢哋都只係會堅持自己。

天秤座：對身邊嘅人忽冷忽熱

天秤座心情好嘅時候，佢哋可以一直痴住你一齊玩，但係當佢哋心情唔好個陣，就好似係個世界消失咗咁，完全搵唔到人，雖然可能識咗好耐大家都會明白佢哋係比較忽冷忽熱，但係都係會感覺有啲差。

天蠍座：面和心不和

天蠍座多數會為保全大局，而默默忍下心中怒火，就算當刻佢好嬲，都係會笑面迎人。不過佢絕對會將呢件小事記低，當累積到某一個程度就會大爆發！

人馬座：超級固執

人馬座天生就係好鐘意周圍去冒險，就算面前係一個懸崖定係一群鯊魚，佢哋都可以第一次首當其衝，完全唔會驚咁，而且佢哋係唔會聽其他人勸，佢哋個腦就好似得一句「如果依家唔做，就等於白費人生」，令到愛佢哋嘅人經常擔驚受怕。

摩羯座：現實

大家都以為佢哋好鐘意錢，但其實只不過係因為比大多數嘅人都清楚現實嘅難處，佢哋認為有穩定嘅經濟先係重要，唔熟悉佢哋嘅人可能會認為佢哋好貪錢，因為經常會見到佢哋做到廢寢忘餐。

水瓶座：我就是對的

就算水瓶座口頭上同你認錯，佢心底是永遠不會覺得自己有錯的。任何事情，水瓶會做一定有他的理由，可惜你層次太低，你不懂他也懶得讓你懂。

雙魚座：超在意面子

雙魚座對自己嘅外表、面子非常注重，佢哋唔會想人知道自己軟弱嗰一面，永遠都會用最好個面去視人，唔識佢哋嘅人緊係覺得佢哋好好，但係熟悉佢哋嘅人就好慘，因為佢哋會為左特顯自己而去扁底其他人。

白羊座：自己爽就得

白羊座經常都係自信滿滿，對事物嘅睇法就好樂觀，當佢哋下決心要做好一樣嘢個時，就會俾唔知係邊到嚟嘅自信遮住雙眼，再加上個性衝動，唔理後果係點都一直衝，跟係佢哋後面嘅人會好攰，但係佢哋都係唔會理，好自私。

金牛座：搵唔到人消失咗咁

金牛座唔鐘意俾比手機束縛住，佢哋出街係會帶電話，但係只係會放係袋入面，就算有信息、電話都只係會由得佢響，令到佢哋身邊嘅人覺得佢地無顧過其他人感受。