長者手機月費計劃2026｜七大電訊商比較 最平$33無限數據/免行政費/一卡兩號優惠

1. SoSIM：平均 $33 冠絕全港（優悠360組合）

主打高性價比，適合追求簡單、唔想被合約綁死嘅老友記。雖然要一筆過預付 $396 用 360 日，但除返開每個月真係平到笑。

• 實際月費： $33 (平均計)
• 數據用量： 30GB / 每 30 日
• 本地通話： 3,000 分鐘
• 額外優勢： 免綁約、免行政費、送 6GB 大中華漫遊數據。

2. 中國聯通：$38 中港兩邊走首選（4G 樂悠本地）

最啱需要經常返大陸探親嘅長者，送埋一卡兩號，唔使再另外畀內地號碼費。

• 實際月費： $38
• 數據用量： 8GB (4G 速度)
• 本地通話： 無限分鐘
• 額外優勢： 網上申請免行政費，免費送一卡兩號服務。

3. SUN Mobile：$58 永久免行政費（4.5G 樂悠）

SUN Mobile 嘅優勢在於穩定，而且永久豁免 $18 行政費，每個月仲有 $20 回贈，扣扣埋埋實際支出更抵。

• 實際月費： $58
• 數據用量： 5GB (其後 128kbps 無限)
• 本地通話： 無限分鐘
• 額外優勢： 永久免行政費、每月 $20 回贈。

4. csl：$58 入門爸媽 Plan（Smart爸媽 4.5G）

專為 65 歲以上長者設計。除咗網速夠快，仲可以低價加購漫遊，適合鍾意去旅行嘅長輩。

• 實際月費： $58
• 數據用量： 5GB (其後 1Mbps 無限)
• 本地通話： 無限分鐘
• 額外優勢： 永久免行政費、加 $10 有 1GB 中港澳漫遊。

5. SmarTone：$65 自由無約（月用輕量王）

唔想登記身分證、唔想簽約？呢款預付卡即插即用，自由度係全場最高。

• 實際月費： $65 (每 30 日)
• 數據用量： 5GB (其後 2Mbps 無限)
• 本地通話： 2,000 分鐘
• 額外優勢： 預付卡形式、插卡即用免簽約。

6. 中國移動：$88 體驗高速 5G（長者5G計劃）

想睇片唔跳格？呢款 5G 計劃畀到你。網上申請仲可以免埋幾百蚊嘅行政費。

• 實際月費： $88
• 數據用量： 10GB 5G (其後 1Mbps 無限)
• 本地通話： 無限分鐘
• 額外優勢： 網上申請免 $432 行政費。

7. csl：$98 貼心守護（Smart爸媽 5G）

高階長者 Plan，除咗數據多，仲照顧埋手機保養，連換貼服務都包埋，最啱怕麻煩嘅老友記。

• 實際月費： $98
• 數據用量： 20GB 5G (其後 1Mbps 無限)
• 本地通話： 無限分鐘
• 額外優勢： 免費送 1GB 漫遊、免費手機換貼服務。

2026 長者月費一覽表

長者手機月費計劃｜消委會4大精明貼士 避開收費陷阱

面對林林總總的電訊推廣，消費者委員會特別提醒長者及家人在選擇長者手機月費計劃時應保持清晰頭腦，簽約前務必留意以下四個關鍵要點，以保障自身權益，避免不必要的開支或爭議。

1. 按實際用量計算真正月費 在比較不同計劃時，不應只看標示的月費。應將行政費、各類回贈、以及數據用量耗盡後的網速限制等因素一併納入考量。例如，某些計劃雖標價較高，但豁免行政費或提供現金回贈後，實際支出可能更低。應根據長者的實際數據及通話使用習慣，計算出真正的每月成本，從而選出最合適的方案。
2. 簽約前細閱條文與口頭承諾 切勿輕信銷售人員的口頭承諾。所有重要的服務細節、優惠條款及承諾，都應要求在合約上白紙黑字列明。簽署任何文件前，必須花時間細心閱讀所有條文，特別是關於收費、數據速度限制及合約期限的部分。若簽約後發現服務內容與銷售資料不符，應立即查詢是否仍在「冷靜期」內，以便及時取消合約。
3. 留意續約與轉台安排 自動續約是常見的合約陷阱之一。部分電訊商會在合約期滿後，未經客戶明確同意便自動為其續約。因此，用戶應在合約到期前一至兩個月，主動向電訊商查詢合約完結後的安排，包括是否會自動續約、新合約的條款與收費等。若打算轉台，亦應提早辦理手續，以免影響服務。
4. 預先關閉漫遊功能防止誤收費 為避免因手機自動連接到境外網絡而產生高昂的數據漫遊費用，消委會建議用戶在日常應預先於手機設定中關閉「數據漫遊」功能。只有在確認有外遊需求並已申請相關漫遊服務後，才手動開啟此功能。這個簡單的步驟能有效杜絕意外的「震撼賬單」，讓長者用得更安心。

來源：消委會