iBond真係可以抗通脹？專家細數：同類低風險保本投資！抽唔中都唔使愁！@放飯ForFun專欄｜好生活百科
撰文：波 @ 放飯 ForFun｜圖片：Hedgeye、investec、Unsplash
iBond其實係咩？
金管局公布2020 嘅通脹掛鈎債券(Ibond) 會於10月23日開始發售， 今次發行iBond 保證利率由往年1% 提升到 2%， 對中長線嘅投資者提供一個安全又穩健嘅『抗通脹』選擇。
美國聯儲局宣布左未來3年都唔會加息嘅情況下， iBond的確係一個幾吸引嘅選擇，但政府只係推出左總額100億嘅 iBond ，係依家市場嘅需求下根本就係僧多粥少， 所以單憑iBond其實係唔足以去解決長遠嘅通脹壓力。咁究竟除左 iBond之外，市場上仲有啲咩其他嘅抗通脹工具呢？
儲蓄計劃？
其實回報可以好過 iBond！
普通儲蓄計劃
擔心手上現金嘅購買力下降，但又對有風險的嘅工具不感興趣嘅投資者，可以考慮市面上各種儲蓄工具，例如定息儲蓄或者複息嘅儲蓄計劃。普遍儲蓄計劃年期比ibond 長，但係同樣低風險的情況下，自由度同回報都比ibond 高。
定期及複息儲蓄產品
定息一般年期2-5 年， 年回報由1-3% 不等，實際作用同ibond 相約，但係投資金額以及年期就有更大的自由度。另一邊廂，複息嘅儲蓄產品一般年期5年以上，時間比ibond 長，但正因為使用時間同複息效應，年回報可以達到3-6%，遠高於ibond。
高回報派息基金
同樣是另一種選擇
對風險承受能力較高嘅投資者，則可以考慮利用派息基金等工具對抗通脹，例如市場上股票，債券和混合資產基金組合。派息基金功能類似港燈，中電等派息股票，不同嘅地方係基金組合帶有分散風險嘅作用。
債券基金價格波幅較低，透過唔同國家同企業債達致穩定派息。當然，同iBond唔同，派息基金嘅投資風險歸於投資者，要清楚了解基金嘅股票或債券組合，再進行投資，量力而為。
雖然ibond係一個吸引而又穩定嘅短期投資方案，但對於擔心環球市況嘅投資者，儲蓄和派息基金絕對係除ibond以外另一個唔錯嘅選擇。
Facebook專頁「放飯ForFun」 成員之一。身為金融理財顧問，我們玩得，同時又對品味有無比執著。做人做事，不論行步路定理財，我們都堅持「做人最緊要搞笑得嚟又有品味」。
撰文：波 @ 放飯 ForFun｜圖片：Hedgeye、investec、Unsplash
