BBQ高手7大技巧!正確燒多春魚方法+解決雞翼轉唔停!自製芝士火鍋+棉花糖天才食法|好生活百科機
BBQ高手7大技巧!正確燒多春魚方法+解決雞翼轉唔停!自製芝士火鍋+棉花糖天才食法|好生活百科機

BBQ高手7大技巧!正確燒多春魚方法+解決雞翼轉唔停!自製芝士火鍋+棉花糖天才食法|好生活百科機

好生活百科

秋天最好就係約朋友BBQ暖笠笠食餐飽,不過如果你燒烤技術麻麻,下下將食物燒到變炭,即教你7招輕鬆燒烤秘訣,教你極速透爐、正確燒雞翼、多春魚方法!

撰文:海月丨圖片:新Monday、instagram|原文:NewMonday

燒烤BBQ必學7式!

1. 薯片當炭精!極速透爐法

要BBQ?先決條件就係要有「火」,不過要享受優美嘅郊野環境,就唯有放棄有人「照顧」嘅燒烤場。不過並唔係人人都識得透爐,其實只要學識幾個小技巧,人人都可以「自力更生」,極速透爐!

首先將廚房用嘅廚紙,將佢捲成卷狀,再用剪刀分開一半,再扭實,最後再點少少油。擺放炭嘅方法最2條直2條橫咁搭成「井」型,再層層的堆疊上去,炭與炭之間必定要留有空間,讓空氣流通。最後加少少薯片碎上去,然後點火,因為薯片含油份,將佢放入炭堆凹入,一燒就會著火,比炭精更易起火!

廚紙先剪一半再扭實。
廚紙先剪一半再扭實。(圖片來源:新傳媒資料室)

2. 別掃油!
薯仔加洋葱燒烤網防粘法

起完爐,千祈唔好咁心急放嘢食上去燒住,因為火未夠猛好容易黐底㗎!特別係有啲人會比較鐘意用燒烤網,掃油本身係好方法,但啲油係咁滴落火爐,搞到個火猛晒,好易燒燶嘢食。教你燒烤前,切開生薯仔,用薯仔同洋葱抹一下網面,當中嘅澱粉質經加熱後就會形成一層薄膜,咁樣即使係燒魚都無咁易黐底,想燒乜都靚哂!

用叉叉住薯仔嚟掃一下網面,easy!
用叉叉住薯仔嚟掃一下網面,easy!(圖片來源:新傳媒資料室)
燒完魚都堅冇黐底!
燒完魚都堅冇黐底!(圖片來源:新傳媒資料室)

3. 燒原個芝士! 自製芝士火鍋

呢個方法簡單又勁吸引,只要買件原個芝士擺喺爐邊「焊」溶,愛嚟點牛柳粒呀,丸呀,車厘茄咁,真係惹味到暈!係咪乜芝士都得?我哋請教咗Cheese BB嘅店主,佢話一定要揀軟芝士,例如Brie Cheese、Camembert Cheese同埋Gouda Cheese,通常買一個280g嘅小型芝士就夠2-4人食,唔好浪費嘛!

熱溶芝士配任何食物都咁惹味!
熱溶芝士配任何食物都咁惹味!(圖片來源:新傳媒資料室)
芝士芝士芝士(圖片來源:新傳媒資料室)
芝士芝士芝士(圖片來源:新傳媒資料室)

4. 無醃食物救星! 喜馬拉亞山鹽

近來好多Camping露營嘅朋友,都會用「喜馬拉亞山粉紅岩鹽板」去整嘢食。其實拎呢塊岩鹽板去BBQ一樣得!同芝士一樣,只要放喺爐火邊「焊」磚鹽,跟手放啲食物上去!特別係一啲無醃嘅嘢食,例如茹類、海鮮之類,咁樣鹽燒法就唔會食物搶咗食物原本嘅鮮味,又有鹹味吊味,唉呀!總之就好味啦!而且岩鹽板燒完可再用番,不過千祈唔好用洗潔精洗啊!只要冷卻後用布加水抹走磚上嘅污漬咁就搞掂。

喜馬拉雅山鹽是無醃食物救星!
喜馬拉雅山鹽是無醃食物救星!(圖片來源:新傳媒資料室)

5. 唔叉先易燒! 輕鬆燒多春魚

好多人都鐘意喺BBQ時燒多春魚,不過其實要燒出完美嘅多春魚,並唔使叉㗎!只要將多春魚平放喺燒烤叉上面,放在火上燒大約一分鐘,多春魚就會開始收縮。再燒多約一分鐘後,魚皮就會開始會痴住燒烤叉,咁樣就可直接反轉燒烤叉,燒熟另一面,而多春魚又可以保持完整唔會甩皮甩骨!

但記住一定要燒到微焦收縮,不然就會⋯⋯
但記住一定要燒到微焦收縮,不然就會⋯⋯(圖片來源:新傳媒資料室)

6. 燒雞翼不能打直穿 橫穿最易熟

好多人都鐘意食燒雞翼,不過需時又難烤得靚。雖然好多人都會教將雞翼打豎串起,不過其實始易會令受熱不均,而且叉得唔好後期仲會令雞翼轉唔停,只燒熟一面。正確方法應該將雞翼打橫串,串起厚肉,咁雞翼就可以輕易燒熟!

好多人都鐘意食燒雞翼,不過需時又難烤得靚。
好多人都鐘意食燒雞翼,不過需時又難烤得靚。(圖片來源:新傳媒資料室)

7. 燒棉花糖天才食法

喺日本就有網友將竹籤換成Pocky,插入棉花糖去用餘火烤。融化嘅朱古力加上微焦嘅棉花糖,係咪睇到都好想食呢?

燒過棉花糖嘅人,都知如果沒捉好時間同距離,棉花糖就會著火!發文嘅網民就俾咗個小貼士大家:「要先讓Pocky嘅朱古力稍微加熱溶化後,再插入棉花糖燒!如果朱古力無融化就直接插入棉花糖,手拎嘅餅乾部分好易會斷」。

BBQ燒烤7大技巧!雞翼不能打直穿?自製芝士火鍋+正確燒多春魚方法|好生活百科
太好味的食法了!(圖片來源:新Monday)

 

最新吃喝玩樂資訊