婚禮司儀發癲實錄!成個婚禮「生色不少」!叫老豆咀外母|好生活百科
婚禮司儀發癲實錄!成個婚禮「生色不少」!叫老豆咀外母|好生活百科

婚禮司儀發癲實錄!成個婚禮「生色不少」!叫老豆咀外母|好生活百科

難忘的婚禮,是很多準新娘的夢想!結婚係人生大事,除了穿上婚紗婚鞋外婚禮自不然都要隆重其事!以前就話搵兩個比較好口才嘅朋友做婚禮司儀,可以幫手帶動吓氣氛,而家就直頭有「專業司儀」,近年嘅婚禮規模都愈嚟愈勁,預算充足嘅新人,甚至會搵「星級婚禮司儀」!但係如果個司儀「唔生性」、「講錯嘢」,分分鐘會令婚禮黎個大「炒車」!甚至乎激到新人和四大長老「原地爆炸」!一齊睇下以下呢幾個另類「難忘」婚禮吧!

撰文:Sunday Kiss|圖片:新傳媒資料室、《抱抱俏佳人》劇照、《必娶女人》劇照、林盛斌FB專頁、IG|原文刊於:Sunday Kiss

婚禮司儀「炒車」實錄

「司儀」確係一個專業嚟㗎!最近就有網民喺討論區發起「一人一個婚禮司儀黐咗線嘅一刻」,將自己喺婚禮上遇過最尷尬嘅情況羅列出嚟,有啲都真係幾大吉利是㗎!

自high系列

「司儀係一男一女外面請,冇人識,無啦啦去到中間,男司儀話個女司儀今日生日,要全世界陪佢唱生日歌 + 畀驚喜個女司儀!」

「司儀講講吓嘢講到喊晒,然後話原來個新娘係佢鍾意咗好多年嘅女神,然後無啦啦大叫咩『哈利路亞 CHANCE』!」

婚禮司儀如何「炒起」一個婚禮 新人惡夢|好生活百科
在婚禮中司儀是非常重要的角色,但如果遇著個靠唔住嘅司儀,真係新人嘅一場惡夢!(圖片來源:Sunday Kiss)

MC:「我叫 Martin 佢叫 Candy,所以我哋係MC!」

婚禮司儀如何「炒起」一個婚禮 新人惡夢|好生活百科
(圖片來源:Sunday Kiss)

「新人同家人親戚朋友影相,影影吓,個MC嗌:『而家有請MC上台影相!』,然後自己衝上台」

「個司儀玩到無嘢好玩,無啦啦叫我老豆咀我老婆個老母,下面班XX仲大大聲叫咀佢!咀佢!搞到我外父同我老母黑曬面 !!!」

(圖片來源:《抱抱俏佳人》劇照)
就連旁觀者都替新人捏一把冷汗(圖片來源:《抱抱俏佳人》劇照)

開口夾着脷系列

「切蛋糕既時候,MC:『我地祝對新人由頭切到尾』,婚宴完嘅時候,MC:『我哋下次再見』」

婚禮司儀如何「炒起」一個婚禮 新人惡夢|好生活百科
下次!?真係「啋」過你吧口啊!(圖片來源:Sunday Kiss)

MC:「新郎都無得食新娘隻豬,大家就有得食乳豬」

MC:「新郎依家可以揭起新娘嘅婚紗」

婚禮司儀如何「炒起」一個婚禮 新人惡夢|好生活百科
司儀要有幽默感,識得搞氣氛,但唔係樣樣嘢都可以攞黎講笑。(圖片來源:Sunday Kiss)

「親戚係茶樓擺左十零圍,有個駐場大嬸司儀:『雖然今晚圍數唔多,但我地都用最熱烈既掌聲歡迎一對新人』」

MC:「恭喜一對新人走上呢條不歸路………er……..幸福之路!!」

(圖片來源:《必娶女人》劇照)
作為來賓聽到呢啲說話,頓時覺得空氣都要尷尬了…(圖片來源:《必娶女人》劇照)

大吉利是系列

MC:「我哋一齊睇番一對新人生前嘅片段」

「試過個 MC 叫: 『有請女家外母慈雲閣嘅鄰居』,外母住慈雲山啲屋村,但係慈雲閣係放骨灰果啲寺」

「試過去飲,新郎新娘多謝完四大長老之後,MC話: 『多謝完就要有啲表示啦,我地而家請新郎新娘向父母三鞠躬致謝』,新郎新娘又真係照做,四大長老塊面黑到!」

(圖片來源:《抱抱俏佳人》劇照)
若果唔想係大日子中伏,選定司儀前記得約見一下司儀,減低瀨野風險。(圖片來源:《抱抱俏佳人》劇照)

睇完以上嘅炒車經歷,令人更加明白請個可靠婚禮司儀嘅重要性!大家將來結婚嘅時候,記得「帶眼」搵司儀喇!祝大家有個浪漫又美好的婚禮。

撰文:Sunday Kiss|圖片:新傳媒資料室、《抱抱俏佳人》劇照、《必娶女人》劇照、林盛斌FB專頁、IG|原文刊於:Sunday Kiss

最新吃喝玩樂資訊