烏蛟騰紅葉
烏蛟騰紅葉

烏蛟騰紅葉路線|大埔九擔租巨型楓香紅葉林變色 即睇3條路線+交通

香港好去處

廣告

烏蛟騰紅葉路線|每年12月開始大自然界嘅主角非紅葉莫屬,但紅葉聖地大棠,無論平日定假日都人頭湧湧。如果想人少啲,不妨去烏蛟騰九擔租(九担租),巴士小巴車程連步行大約30分鐘,全平路無斜路就見到楓香紅葉林。記者即刻同大家實地考察GoGoGo,仲會分享3條路線和相應交通。

香港紅葉地點7大推介

烏蛟騰紅葉路線|大埔九擔租巨型楓香紅葉林變色 即睇3條路線+交通

九擔租村嘅紅葉唔似大棠楓香林﹐唔會有網站、紅葉指數去監察紅葉盛開嘅狀況。但根據連續數年到訪嘅遊人所指,只要大棠楓香林嘅紅葉轉紅,九擔租村嘅紅葉都會轉紅,至農曆新年前左右全部脫落。

大埔烏蛟騰紅葉 九擔租有數10棵老楓香樹,部分已變紅色了!
九擔租有數10棵老楓香樹,部分已變紅色了!(圖片來源:新假期編輯部)

烏蛟騰紅葉3條路線教學

路線1| 大埔墟出發

路線超簡單,只需要喺大埔墟小巴總站出發,由於小巴班次疏落,記得預早出發!

大埔烏蛟騰紅葉 起點位於大埔墟
起點位於大埔墟(圖片來源:新假期編輯部)
大埔烏蛟騰紅葉 在A出口前往公共運輸交匯處
在A出口前往公共運輸交匯處(圖片來源:新假期編輯部)
大埔烏蛟騰紅葉 新達廣場旁有隧道直達各種交通工具。
新達廣場旁有隧道直達各種交通工具。(圖片來源:新假期編輯部)

注意!注意!注意!非常重要所以講三次,平日入烏蛟騰只有20R小巴,但班次十分疏落,最少要等半小時一班,至於275R巴士只在星期日及公眾假期運行,約10至20分鐘一班車。

大埔烏蛟騰紅葉 烏蛟騰紅葉實況|九擔租紅葉巨型楓香林全平路直達!無斜路輕鬆行 老少咸宜睇紅葉
平日出發只能坐20R小巴,落隧道第一個分叉位左轉就是小巴總站(圖片來源:新假期編輯部)

路線2|烏蛟騰小巴站行至九擔租風水林

在烏蛟騰小巴總站落車後,走回頭至見到祠心路路牌嘅位置,經右邊嘅車路往前直行。前面左邊有樓梯轉落去九擔租村。這段路程對初次來訪者而言可能有點迂迴,所以影埋相畀大家睇,大家跟住以下路線行就得啦~ 而大家亦要留意,此路段會經過一些民居﹐所以大家來訪時切勿喧嘩吵鬧,影響居民生活。

大埔烏蛟騰紅葉 走回頭至見到祠心路路牌嘅位置
走回頭至見到祠心路路牌嘅位置(圖片來源:新假期編輯部)
大埔烏蛟騰紅葉 經右邊嘅車路往前直行。
經右邊嘅車路往前直行。(圖片來源:新假期編輯部)
大埔烏蛟騰紅葉 前面左邊有樓梯轉落去九擔租村
前面左邊有樓梯轉落去九擔租村(圖片來源:新假期編輯部)

路線3|九擔租楓香紅葉林

行到分叉位,選右手邊嘅小徑,約數10棵古老楓香樹喺你面前,呢度嘅楓香樹已經有幾十年嘅歷史,全部都有幾十米高。楓香樹喺傳統風水上有著寓意吉祥嘅含義。在這裡,大家會見到風水林後有祖墳,所以打卡時也記得注意,切勿打擾到先人們。

大埔烏蛟騰紅葉 行到分叉位,選右手邊嘅小徑
行到分叉位,選右手邊嘅小徑(圖片來源:新假期編輯部)
大埔烏蛟騰紅葉 風水林前嘅草地以前都係耕地,踩落去會覺得泥土鬆鬆軟軟
風水林前嘅草地以前都係耕地,踩落去會覺得泥土鬆鬆軟軟(圖片來源:新假期編輯部)
大埔烏蛟騰紅葉 繼續直行就到達目的地了。
繼續直行就到達目的地了。(圖片來源:新假期編輯部)
大埔烏蛟騰紅葉 楓香樹已經有幾十年嘅歷史,全部都有幾十米高
楓香樹已經有幾十年嘅歷史,全部都有幾十米高(圖片來源:新假期編輯部)

(以下為2021年烏蛟騰九擔租紅葉圖片)

大埔烏蛟騰紅葉 實在很難想像這是在香港見到嘅紅葉美景
實在很難想像這是在香港見到嘅紅葉美景(圖片來源:FB@a仔.音樂.旅遊)
大埔烏蛟騰紅葉 Close up 對焦影岀嚟全嘅畫面,不禁令人想起韓國同加拿大嘅楓葉
Close up 對焦影岀嚟全嘅畫面,不禁令人想起韓國同加拿大嘅楓葉(圖片來源:a仔.音樂.旅遊)
大埔烏蛟騰紅葉 早有人就地取材搭出小舞台,來做照片中的主角吧!
早有人就地取材搭出小舞台,來做照片中的主角吧!(圖片來源:IG@_vvv.hk)

烏蛟騰紅葉路線|賞楓注意小貼士

1. 人多擠迫,注意安全,尤其是車道上的車輛
2. 請勿採摘或踐踏植物,愛惜環境
3. 保持清潔,自己垃圾自己帶走
4. 穿著適當的衣服,方便活動
5. 不要擾到附近嘅居民

此外,記得留意小巴嘅時間表,預早時間離開,避免要等幾個鐘先有車離開。

大埔烏蛟騰的前往方法?

於大埔墟站乘搭20R小巴或275R巴士,更多詳情

仲有無睇紅葉地方推介?

香港還有不少地方都有紅葉盛放,像是石龍拱、欣澳等,以下就為大家整合了6大推介,又係時候bookmark定:更多詳情

撰文:Heidi圖片來源:新假期編輯部