【新假期食店大獎2023】WOW仔Park住你玩嘉年華！免費環保工作坊+懷舊攤位遊戲 | 週末好去處

CheersUp知行善心慈善基金致力推動「存善心、行善舉、做善人」嘅開心人生觀，傳揚「善教育」。佢哋嘅服務對象為香港孩童，希望透過各種好玩、有趣及優質嘅課外活動，讓學童喺成長過程中能夠學習一技之長。透過各種課餘體驗，培養社會下一代正確嘅人生觀，盼望將開心、快樂嘅訊息傳揚至整個香港！喺今次嘅活動中，CheersUp更預備咗小型乒乓球枱，讓3歲至8歲嘅幼童有機會體驗乒乓球嘅樂趣，同埋訓練小朋友嘅反應及應變能力。機會難得，不容有失！

「WOW仔Park住你玩」嘉年華免費環保工作坊詳情搶先看！

為咗推廣綠色生活，新假期WOW仔邀請了不同環保組織及社會企業為訪客帶來各式各樣嘅環保工作坊。只需提名你最心水的必吃餐廳，即有機會免費參加以下工作坊：

1. 綠行俠 咖啡渣觀賞性種植工作坊

平時我哋沖完咖啡，好多人都會將剩低嘅咖啡渣扔落垃圾桶，但其實咖啡渣係有非常多再生用途！今次綠行俠就會帶來「咖啡渣觀賞性種植工作坊」，會為參加者講解咖啡渣來源、用途、堆肥原理和應用，更有機會親自製作2盆自選植物㗎！

2. 綠想成真 杯墊編織工作坊

杯墊都可以自己做！大家平時儲儲埋埋一啲禮物包裝嘅繩或者準備要扔嘅布，與其將佢哋拋棄，不如賦予佢哋二次生命啦！杯墊編織工作坊教大家用僅餘嘅材料製作環保杯墊，循環再用，減少浪費！

3.樂用AND JOY 蜂蠟保鮮布工作坊

蜂蠟布係一種北美地區傳統家庭常見保存食物嘅工具。蜂蠟布100%由天然蜂蠟同棉布製成，可以重複使用，具有好好嘅抗菌同埋防水特性，亦有密封隔絕嘅功效。蜂蠟布除咗可以取代一般塑膠保鮮紙之外，仲可以用作食物袋、打包蔬果、三文治或乾糧添，實在係非常好嘅環保用品！

同場更有迷你椰子水苔球及手工蚊香膏比大家落手落腳體驗製作過程，千祈唔好錯過啦！

「WOW仔Park住你玩」市集攤檔介紹

1. 趣香蝦子花生1949

趣香蝦子花生1949屹立香港70多年，係本港數一數二嘅零食品牌專家。佢哋獨家首創嘅蝦子花生有好多唔同味道，每日屯門廠房手工製造，真係粒粒都卜卜脆呀！

2. NEBU

NEBU主打本地手工糖，如雪花酥、鳥結糖及鳥結酥。雪花酥有多種口味選擇，佢嘅精緻包裝同外型絕對係送禮佳品！

3. 拔萃男書院 x Dignity Kitchen慈善義賣

拔萃男書院國際文憑課程嘅中四學生積極參與義工活動，今次同Dignity Kitchen合作，深入接觸殘障人士工作，積極與各社區建立聯繫。同學希望藉此透過義賣新加坡手工美食，同殘障人士與媽媽一齊製作嘅小手藝，以義賣籌款型式，為弱勢社群出一點綿力及支援，希望得到各位嘅支持。

4. 南丫製造

南丫製造主要喺南丫島烘焙咖啡豆作零售給客人，仲會批發到唔同Coffee Shop，同時亦喺觀塘設有咖啡工作室，定期開辦拉花班同埋手沖班。由身兼咖啡師同咖啡豆烘焙師主理，希望客人自己係屋企都可以沖到咖啡店質素。今次市集會為大家帶嚟新鮮烘焙咖啡豆、咖啡掛耳包同埋喺南丫島限量發售嘅Cold Brew。除此之外，仲會帶來以咖啡渣製成嘅香薰蠟燭同擴香石添，鍾情咖啡香味嘅你唔好錯過啦！

5. 天然護膚品專門店

精挑世界各地嘅優質天然護膚產品，無論係植物性、純淨、有機或清真認證嘅產品均⼀應俱全。即使係患有濕疹、粉刺、敏感與各種⽪膚問題，以⾄護理嬰幼兒嬌嫩嘅⽪膚, 總有⼀款產品幫到你提供舒緩嘅解決⽅案，讓你嘅肌膚得到截然不同嘅滋養！

6. Bel-Zims Chocolatier

Bel-Zims係比利時新鮮手工製作嘅朱古力品牌，由比利時朱古力大師Mr.Jacky Vergote引入香港，亦係由他一手創辦嘅純鮮手工朱古力店 「香港站」。佢嘅皇牌產品麥脆片由各種口味嘅朱古力混合全穀小麥而成，真係令人食唔停口！

驚喜禮物！

懷舊攤位遊戲當然唔少得啦！只要集齊四個印仔，就可以得到由香港社企糕點時光推出嘅可愛造型茶粿DIY材料包一份，大家可以藉此親身體驗同家人製作懷舊糕點添！

「WOW仔Park住你玩」X 「匯豐欖球體驗專區」

除咗「WOW仔Park住你」嘉年華之外，焦點節目仲有由香港欖球總會開辦嘅「滙豐欖球體驗」兒童訓練班，4-12歲小朋友穿著舒適運動服裝、運動鞋，當日登記就可以參加！專業運動員會喺45分鐘嘅訓練班教授欖球基本技巧同知識，放電之餘又可以做運動！如果有興趣嘅話，請到以下連結提名你喺D‧PARK「滙豐欖球體驗」遊戲專區玩完後最喜愛的必吃餐廳啦！活動名額有限，先到先得，記得唔好錯過啦！

「WOW仔Park住你玩」嘉年華開放日期及時間：

日期：2023年3月15－21日

時間：中午12時－下午7時（星期一至五）/上午11時－下午7時（星期六至日）

地點：荃灣D·PARK L1中庭

注意：場內嚴禁飲食