年花
年花

年花2023|香港5大花農種植場+花店推介 附路線及前往方法

香港好去處

廣告

年花2023|仲有唔夠兩星期就到農曆新年,過年唔少人都會買年花佈置家居,令屋企增添新年氣氛之外,更希望透過年花寓意,為自己及家人添好運!今次記者就為大家介紹香港本地農莊及花店,大家可以盡情揀最心水嘅年花!

年花2023|香港5大花農種植場 不同種類年花擺設!附路線及前往方法

年花2023|1. 粉嶺鶴藪農耕菜 如意吉祥水仙花

水仙花係過年必買嘅年花之一,寓意吉祥。祝願親友同自己家庭幸福好運;如意吉祥,萬事稱心。喺粉嶺流水響嘅鶴藪農耕菜,種植水仙花四十幾年,所有水仙都係親自開頭、浸水、上盆,每一盆都係心血之作。農莊溫馨提示客人可以自備水仙盆嚟買企頭,呢個做法相當環保,另外如果客人屋企有好多水仙盆唔知點處理,可以帶啲水仙盆畀農莊回收。

年花 無論係單托定雙托農莊都有出售 ,至於頭數,由6頭至12頭都有,仲有特大頭添!
無論係單托定雙托農莊都有出售 ,至於頭數,由6頭至12頭都有,仲有特大頭添!(圖片來源:FB@鶴藪農耕菜)
年花 種出嚟嘅水仙花又肥又矮又壯,超靚!
種出嚟嘅水仙花又肥又壯,超靚!(圖片來源:FB@鶴藪農耕菜)
年花 每粒水仙頭都係由花農親手刮刮刮、搣搣搣、浸浸浸、砌砌砌。
每粒水仙頭都係由花農親手處理。(圖片來源:FB@鶴藪農耕菜)

鶴藪農耕菜

地址:大窩村楊園
前往方法:粉嶺火車站搭52B往流水響小巴,楊園舖仔落車,再致電負責人
聯絡方法:9224 8127

年花2023|2.大埔偉財記 鴻運當頭蝴蝶蘭

講到年花又點可以唔提蝴蝶蘭呢?唔同顏色嘅蝴蝶蘭,有唔同嘅花語,眾所周知紅心蝴蝶蘭就鴻運當頭、黃色就象徵生意興隆等……另外,蝴蝶蘭嘅花形既優雅又有氣勢,花之四君子之一嘅佢,的確買盆返屋企絕不失禮。位於大埔林村新塘嘅偉財記,款式齊,數量多,佔地廣! 總有一款啱你心意。

年花 款式齊,數量多!
款式齊,數量多!(圖片來源:FB@偉財記)
年花 太多花種三心兩意唔知揀邊款?花埸提供已拼合嘅蘭花,花款均為小盆款式,放係辦公室枱頭或屋企茶几就最fit啦!
三心兩意唔知揀邊款?花埸提供已併合嘅蘭花,花款均為小盆款式,放喺辦公室枱頭或屋企茶几就最fit啦!(圖片來源:FB@偉財記)
就連年花都有「神」嘅岀現,夠創意之餘一定呃到like!
就連年花都有「神」嘅岀現,夠創意之餘一定呃到like!(圖片來源:FB@偉財記)

偉財記

地址:大埔林村新塘 (鄰近許願樹)(顯示地圖)
前往方法:由大埔墟搭九巴64K 或 小巴25K,於新塘站落車
駕車人士由大埔出發前往林村,經過均益士多前行150米,就會見到
營業時間:上午9時至下午7時
電話:6272 0002蘇生/9603 0543 蘇生

年花2023|3.信芯園農莊 長壽花劍蘭

正所謂各花入各眼,有人買花鍾意一盆盆,亦有人鍾意買花一支支,長壽花劍蘭可以話係一枝獨秀!一枝花最勁可以開到十朵,而換水又唔洗太頻密,花嘅盛放期大概有10日左右,計啱時間買,就年初一到十都花開富貴!元朗信芯園農莊喺上年12月已經喺社交平台向大家分享會動工種植劍蘭,你睇,係劍蘭花海呀!負責人信哥更於1月發帖文劍蘭會公開岀售。

年花 今年種植共20萬支劍蘭。
今年種植共20萬支劍蘭。(圖片來源:FB@信芯園農莊)
年花 劍蘭花蕊不斷向上開,有「步步高陞」之意。
劍蘭花蕊不斷向上開,有「步步高陞」之意。(圖片來源:信芯園農莊)
年花 劍蘭枝
劍蘭$10枝(圖片來源:信芯園農莊)

信芯園農莊

      • 開放時間:9am-6pm
      • 地址:新田信芯園(顯示地圖
      • 費用:入場時即場付入場費手帶$50
      • 前往方法:信芯園農莊村內完全沒有任何車位,請使用公共交通工具入場,由元朗前往:九巴76K、紅色小巴17、綠色小巴75、76;由上水前往:九巴76K、紅色小巴17,可以於石湖圍落車,步行5分鐘即可到達。
      • Whatsapp:96216012

注意事項:

1. 請聽從農夫及工作人員指示
2. 嚴禁吸煙和亂拋垃圾,違者即時會被驅逐離開
3. 如花因遊人行為被破壞,必須即時繳付以當日花價
4. 收費、開放安排以農夫及工作人員即時決定為準
5. 開放安排可能因應疫情會有所改動,請留意我們最新消息
6. 請勿擅闖農地或偷取農作物
7. 單車不可進入農場範圍,請停泊於青山公路單車停放處
8. 未經批准,農地範圍嚴禁使用三腳架及反光板,以保障其他遊人安全
9. 如欲帶狗入場必須手抱,農場一帶鄉村有兇猛惡犬,請自理狗隻安全
10.落田前請除下背囊及收起雨傘/陽傘,以防背囊或雨傘/陽傘掃爛花朵。如有損毀,農場有權要求涉事人以當日花價作出補償

11. 除婚攝及商業攝影以外不須預約

年花2023|4. 錦上路財記花園 旺人緣姻緣桃花

呢間有30多年經驗種植本地桃花嘅花場,咁多年嚟都係客人親自搵上門,從未擺過年宵或花墟。佢哋嘅桃花得到咁多人慕名而來,全因佢哋有齊各種大小尺寸嘅桃花,品質同樣有保證。無論大屋細屋都入到屋呀!

年花 桃花可以旺桃花緣、旺人緣 更可以大展鴻圖。
桃花可以旺桃花緣、旺人緣 更可以大展鴻圖。(圖片來源:FB@錦上路財記花園)
年花 大家揀桃花嘅時候戴好口罩。
大家揀桃花嘅時候戴好口罩。(圖片來源:FB@錦上路財記花園)
年花 一棵桃花至少要種兩年先可以岀售,花農用盡心機同汗水照顧㗎!
一棵桃花至少要種兩年先可以岀售,花農用盡心機同汗水照顧㗎!(圖片來源:FB@錦上路財記花園)

錦上路財記花園

地址:石崗錦上路財記花園(顯示地圖

任何查詢:93018969 郭先生

年花2023|5. 田香花園 大吉大利·桔

除咗買年花,當然仲有年桔!而家嘅年桔唔一定再係大大盆,細細棵一樣都有。貼返張揮春上去,新年嘅感覺返晒嚟,對氣味敏感嘅朋友,嚟到一定味到一陣桔嘅清香味,精神!

年花 嚟到一定味到一陣桔嘅清香味!
嚟到一定味到一陣桔嘅清香味!(圖片來源:FB@田香花園)
年花 細細棵一樣都有。
細細棵一樣都有。(圖片來源:FB@田香花園)
年花 年桔放置期約1個月。
年桔放置期約1個月。(圖片來源:FB@田香花園)

田香花園

地址:元朗大樹下東路大旗嶺新路口(顯示地圖)
前往方法:首先,坐小巴73元朗朗屏開出丶的士丶自駕都係大樹下天后廟落(天后廟停車場免費)落車之後,搵(大樹下公廁)沿路行3分鐘
電話:95004530 陳生/91431875 陳太

回到目錄

年花2023|本地花店推介
年花2023|1.格蘭花店

格蘭花店專賣一棵棵插好晒嘅花,每棵都經過花藝師悉心配襯,襯出由唔同花而組成嘅年花,永遠都係最受歡迎!而蝴蝶蘭的花語就是象徵富貴與和諧,所以好多人逢年過節都喜歡買代表富貴吉祥嘅蝴蝶蘭!如果大家睇晒網頁上嘅款式都係唔啱心水,可以直接去到店舖同花藝師講喜愛的花款,由花藝師為你訂造設計特別款!

年花
(圖片來源:格蘭花店網站)
年花
(圖片來源:格蘭花店網站)
格蘭花店
地點 九龍尖沙咀中間道5-6號, 遠東大廈商場1樓131舖
電話 2730 0886 / WhatsApp 9483 7246
網頁 按此

年花2023|2.Flower Bouquet HK

御花店 Flower Bouquet HK的年花以台灣進口的花為主,有蘭花盤栽,更有紫、白、黃,淺粉色等,盤栽亦有大有小,適用擺放家中!

年花
(圖片來源:Flower Bouquet HK)
年花
(圖片來源:Flower Bouquet HK)
御花店 Flower Bouquet HK
地點 九龍黃埔民裕街36-40號榮業大廈1樓B1室
(開放時間: 星期1-6, 上午9時到下午6時)
電話 WhatsApp 6020 1162
網頁 按此

想問年花有邊度好介紹?

直接去花場同花農買,例如到:鶴藪農耕菜、偉財記以及…更多詳情

有無新年好去處推介?

今年農曆新年全港各地都有不少活動,例如新春商場裝飾、年宵、寺廟等等…更多詳情

圖片來源:FB@鶴藪農耕菜、FB@偉財記、FB@信芯園農莊、FB@錦上路財記花園、FB@田香花園