雪糕關注組大推IKEA香芋新地窩夫杯！價錢抵食但有3大缺點

雪糕關注組大推IKEA香芋新地窩夫杯

近日Facebook群組「香港雪糕關注組」出現一片紫色，正正是IKEA推出的新款台式甜品「香芋新地窩夫杯」，甜品以脆脆窩夫盛載，上面除了有香芋新地，更配有芋泥、芋圓地瓜圓及仙草，完全就是台式甜品的拿材，如此豐富也只賣$23，因此吸引不少網民試食，更次令到各分店售罄！

網民讚$23超抵食、但有3大缺點

試過的網民都表示，「外面的仙草芋圓三十幾蚊」，現在$23能有吃到，仲有雪糕，算是頗「抵食」，每款配料給的份量也足夠，有網民指「$23蚊有咁多嘢，我會再去食」，更有網民打趣說「IKEA是被傢俬耽誤的小食店」，不過同時也指出該香芋新地窩夫杯有3個缺點！

IKEA雪糕缺點 1.芋圓地瓜圓太硬

有網民指這次的香芋新地窩夫杯的芋圓地瓜圓「有咬口，唔會好似食膠咁」，但卻有更多網民反映芋圓「同正宗台式真係爭啲」、又指「如果只係一心試芋圓，我建議就唔好啦」，也有網民建議「如果啲芋圓可以坐暖少少，可能冇咁硬」。

IKEA雪糕缺點2.香芋新地太快溶

有不少網民都指香芋新地過甜及太快溶，有網民留意到「我想話見個個post都係啲雪糕好快就溶」，甚至打卡時雪糕已變成液體狀，指出「雪糕好似唔夠凍」，有網民解釋「可能雪櫃機做唔切唔夠凍」、「雪糕入面太多水，所以好容易溶」，也有網民指是因為配料令雪糕溶得快：「芋圓係暖暖地，所以啲雪糕會溶咗啲」。

IKEA雪糕缺點3.整體太甜

除了雪糕溶得快，也有網民指出「雪糕好甜冇咩芋頭香，真心麻麻」、「得個甜字，少少香芋味都無」、「雪糕同個兜偏甜， 多啲芋蓉撈雪糕中和番就好」，有網民指除了雪糕甜，整體更是過甜：「樣樣都甜，所以加埋一齊就甜到乸喉」、「齋雪糕可以，冇乜芋泥味得甜味」、「甜到糖尿」，更有網民坦言「我只可以講係IKEA雪糕中最難食嘅一隻，過甜色素味假」。

雖然偶有負評，但整體來說網民覺得CP值算是頗高，而且大部分網民都大讚芋泥好味。該款甜品供應期到3月31日，大家會否有興趣去試試？

資料來源：香港雪糕關注組、IKEA 宜家家居