乳豬到會
乳豬到會

$1,200乳豬到會套餐竟「無乳豬」網民怒轟店家呃錢搵笨|飲食熱話

飲食熱話

廣告

新年不少人都會食乳豬,夠晒紅卜卜,好意頭又有氣氛!不過有網民就發現有人氣食店推出「乳豬到會套餐」,當中居然沒有包含乳豬,若要食乳豬需要另外付錢加購,不少網民都狠批「呃錢」、「揾笨」!

$1,200新年乳豬到會套餐竟「無乳豬」?

每次節日聚會或與朋友開party時,大家都會選擇叫到會,方便之餘又美味,加上食物種類多,一班人就最啱!最近新年將至,各大餐廳都相繼推出新年優惠應節,但有間人氣食店「友利冰室 勿當奴」就被網民發現指其價值$1,200起的「6-8人乳豬到會套餐」,包括2份主菜、1份前菜或沙律、2份飯或意粉、2份小食、6杯飲品,以及甜品日本泡芙。但眼利網民驚揭主菜有6款可選,另有6款就要另外加購,當中「招牌脆皮乳豬 足3KG越南乳豬」正正就是其一,需加$480!

$1,200新年乳豬到會套餐竟「無乳豬」?
$1,200新年乳豬到會套餐竟「無乳豬」?(圖片來源:連登討論區截圖)
乳豬到會 若要食乳豬需要另外付錢加購。
若要食乳豬需要另外付錢加購。(圖片來源:連登討論區截圖)

不過後來記者去官網查證,發現「6-8人乳豬到會套餐」已刪去「乳豬」一詞,改名為「XX招牌到會套餐」,未知是受心虛或受到網民熱議才有如此舉動!

乳豬到會 事件引來眾人討論,網民都一面倒認為此事不合理。
事件引來眾人討論,網民都一面倒認為此事不合理。(圖片來源:《孤獨的美食家》截圖)

網民炮轟:「呃錢又搵笨」

對於套餐「乳豬套餐沒有乳豬」,實物與描述不符一事,大部分網民都覺得非常離譜,更炮轟店舖「呃錢又搵笨」、「乳豬餐係指個客好似豬仔咁俾佢劏」、「樣樣都要加錢,個價搵笨柒」。更有人嬲爆表示店舖違反商品說明條例,揚言應該要去報海關!另有部分網民投訴套餐價錢昂貴,有上年已幫襯過的網民就指出「上年年頭算抵食㗎,加埋錢千一蚊有乳豬,兩主食,兩飯/意粉,兩小食,甜品嘢飲,由復活節開始加返哂價」、「隔咗一年,貴左$600,仲少個主食」。

乳豬到會 對於套餐「乳豬套餐沒有乳豬」,大部分網民都覺得非常離譜,更炮轟店舖「呃錢又搵笨」。示意圖,非當事店家)
對於套餐「乳豬套餐沒有乳豬」,大部分網民都覺得非常離譜,更炮轟店舖「呃錢又搵笨」。(示意圖,非當事店家)(圖片來源:新假期編輯部)
乳豬到會 講明乳豬套餐,但居然冇包乳豬?
講明乳豬套餐,但居然冇包乳豬?(圖片來源:TVB《愛回家之開心速遞》截圖)

另有網民就替食店反駁指「間舖燈油火蠟唔使錢啊?」、「老細都要交租」,也有食客表示「6大人幾細路都仲有食淨,我估佢夠8大人食,千幾蚊唔貴喇」。

乳豬到會 睇嚟大家都好想食乳豬
睇嚟大家都好想食乳豬(圖片來源:新假期編輯部)
乳豬到會 有網民力撐店家。
有網民力撐店家。(圖片來源:TVB《愛回家之開心速遞》截圖)

資料來源:連登討論區

圖片來源:新假期編輯部、連登討論區截圖、TVB《愛回家之開心速遞》截圖、《孤獨的美食家》截圖