港女獲派長青邨公屋 上小紅書苦呻「又細又舊又唔方便」 網民湧入鬧爆
廣告
買樓是很多打工仔的夢想,不過,很多時都因為能力所限而只能租樓。有不少人會選擇申請公屋或居屋,在政府的幫助下擁有自己的家。近日,有港女首派即獲派青衣長青邨,感到不滿意的她即上網狂呻,反被網民指炮轟。
港女首派獲派長青邨後勁嫌棄 到小紅書狂呻
近日,有港女在小紅書出 Post 分享自己獲派公屋的心情。該帖文以「一派公屋」為題,寫道「交通不方便,又細又舊」,並附上幾個哭泣和嘆氣的表情符號,圖片中顯示的地方是青衣長青邨青梅樓單位。之後,她再補充自己家中有一個 65 歲的老人家,因此參加了「天倫樂」優先配屋計劃。
![近日,有港女在小紅書出 Post 分享自己獲派公屋的心情,表示非常不滿意。](https://imgs.weekendhk.com/wp-content/uploads/2023/05/-2023-05-18-10.40.301-copy_12055576886465921e5f284-798x1024.jpg)
網民留言表示不滿:唔諗吓一年慳幾多!
港女的訴苦卻無法引起網民的共鳴,有不少網民直指事主太大貪!「唔諗吓一年慳幾多,舊公屋租平過新嘅好多」、「以前香港人抽到公屋會開心到好似中6合彩,而家新人類就嫌棄」、「千幾蚊,你想點吖」、「有又嘈,無又嘈,想點?想交通方便又想大自己買樓」,認為「你要感恩,而唔係喺呢度宣泄不滿」,直斥港女的抱怨不恰當。
![公屋 港女的訴苦卻無法引起網民的共鳴,有不少網民直指事主太大貪!示意圖,非當事人)](https://imgs.weekendhk.com/wp-content/uploads/2023/05/videoscreenshot-youtube-3-1117_1414560606465908784ed5-1024x576.jpg)
網民力讚舊式樓才是寶 青衣交通夠方便
有不少網民都就事論事,直指首派派到青衣已經算是超級好!「派到青衣真係執到啦,青衣真係交通好方便。派到公屋其實好幸福,大把人排好多年都排唔到」、「認真咩?長青邨喎!行落少少到青桃樓個邊鬼死咁多去油尖旺嘅巴士」、「首派青衣仲想點,已經有成熟配套,想要新位置正咪自己比錢買,再唔係返大陸買」,與此同時,有不少網民都認為舊屋邨的優點其實很多,「其實舊屋邨實用無咁貴,起碼有個露台先」、「太新嘅話交通、設施不足」,直指事主身在福中不知福。
![公屋 有不少網民都就事論事,直指首派派到青衣已經算是超級好!示意圖,非當事人)](https://imgs.weekendhk.com/wp-content/uploads/2023/05/screenshotter-youtube-sell-358_178827305364659118783ba-1024x576.jpg)
圖片來源:小紅書、TVB《香港愛情故事》截圖