【澳門美食】 康公夜市 掃14款美食！邊食龍蝦邊睇「月光」
撰文：Sam | 攝影：Eric
澳門十月初五街 入夜變康公夜市 ！
康公夜市每年都會不定期開放給公眾，是澳門的限定夜市之一，位於廣為人知的十月初五街，場內有超過60個攤檔，主要以食物為主。由現時開始至7月8日，逢星期六、日晚上舉行。記者當日到場發現，夜市愈夜愈多人，如果不想太擠逼的話，建議大家早點去夜市，現在就為大家試食14款美食！
但提提大家，掃完街記得把垃圾清走，以免造成地方污染。
1.人龍攤檔！ 大大隻蒜蓉龍蝦
由新馬路的入口行入夜市，便會發現有一檔排滿長長人龍的燒龍蝦檔，光看到每隻肥美的龍蝦已經「流哂口水」！
龍蝦放滿蒜蓉，蒜味香口濃郁，夠入味，而且肉質新鮮彈牙，好食！
2. 多料多汁燒蠔
場內除了龍蝦之外，有其他燒海鮮，如蠔、扇貝和蟶子等等。燒蠔同樣放了很多蒜蓉去調味，不會太乾身，有蠔味，味道不錯。
3. 扇貝過鹹 價錢偏貴
蒜蓉扇貝味道過鹹，燒得過熟，肉質有點像「擦膠」，而且不算大隻，$25隻價錢較貴。
4. 脹卜卜金黃雞翼包飯
脹卜卜的雞翼外層燒得夠香，內裡的炒飯份量好多，味道剛剛好，十分惹味又飽肚！
5.芒果糯米飯 椰汁少 飯偏乾身
一大盒芒果糯米飯，芒果好鮮甜，但椰汁相對地少，糯米飯好乾身，失望！
6.蠔仔餅貴又唔抵食
蠔仔飯份量不算多，好難得才找到數隻蠔仔，大部分都是芽菜及蛋，$40又貴又不「抵食」。
7.XO醬爆花膠味道不過不失
一份有大約8隻小米魚膠，魚膠很滑身，但味道一般，不過不失。
8.蔥油薄餅 醬汁夠滋味
蔥油薄餅即點即做，人手即場搓薄餅，然後再煎，蔥油味很香，但略嫌薄餅較厚身，但咖喱醬汁好濃郁滋味，都ok。
9.鹹香芝士魚仔餅
魚仔餅外脆內軟，內裡是鹹味芝士，芝士味剛好不會過膩，好味。
10.蛋香嫩滑焦糖燉蛋
熱食焦糖燉蛋，蛋香味濃，質地極之滑溜，焦糖味不會太濃而蓋過蛋味，好出色！提提大家最好即買即食，否則外層的焦糖很快會溶掉。
11.飽肚之選！臘腸糯米飯
糯米飯會有一條臘腸外，飯內更會有臘腸粒，吃飯的同時會嚐到臘腸甜味，糯米飯不會太乾，味道正正常常，如果太肚餓和食量較大的朋友可以買一個來填填肚。
12.口味獨特！鹹蛋黃味雪糕
場內有不少冰品小食，記者試了這款鹹蛋黃味雪糕，雪糕入口有甜味，隨後會嚐到鹹蛋黃味，好特別！
13.可樂、南乳雞翼淡而無味
看見有攤檔有味道較特別的可樂和南乳雞翼，怎料2款口味的雞翼都啖而無味，完全中伏。
14.豬腳薑 唔夠入味
豬腳姜不論豬腳、雞蛋和薑都煮得不夠入味，醬汁味道偏淡，誠意欠奉，與「三盞燈馮記豬腳姜」大相徑庭，不建議大家試。
欣賞「十月初五的月光」！
夜市另一個近康公廟前地的入口，隔壁的大草地放了一個巨型月球，因為夜市於十月初五街舉行，負責人指正正與電視劇同名，便用月球做地標，讓大家可以除了掃街，更可以拍照留念。
記者食後感：好多「伏」小食 但打卡一流！
走遍整個夜市之後，記者認為場內的食物不算出色，「伏」小食較多，所以為免大家「中伏」，建議在晚飯前後經過來湊湊熱鬧、逛一逛便算，順便和巨型月球拍照打卡！
康公夜市
地址：澳門十月初五街（顯示地圖）
開放日期：即日起至7月8日（逢星期六及日）
開放時間：晚上6時至10時
同場加映！自家設計月球手信
在夜市內其實有另一個月球，掛在名為「o-moon」的店舖內，店內的產品全是自家設計，除了有月球的產品，更會有些富澳門特色的設計品，值得買來留念或做手信。喜歡自家設計精品的朋友，不妨進去逛逛。
o-moon
地址：澳門十月初五街124A號（顯示地圖）
電話：+853 6206 7338
facebook：https://www.facebook.com/omoonmacau/
延伸閱讀：【澳門美食】沙梨頭「新水上街市」$100有找 平買靚海鮮即煮即食
