520單程票
520單程票

觀塘開過萬呎《520單程票》愛情市集 3大打卡區!限定5日 超萌寵物店長互動+樂隊Busking+睇電影/50檔特色手作小店 即睇詳情

香港好去處

廣告

5月20日(520)的諧音是「我愛你」,不少情侶當日都會食飯慶祝或者互送禮物。漫日市集由5月19日-5月23日期間,將舉行《520 單程票》愛情主題市集,佔地超過10,000呎,設有多個打卡主題區,有樂隊Busking、愛情電影院、仲有超過50檔特色手作攤位,現場仲有一眾超萌毛毛店長同大家影相打卡,即睇詳情!

撰文:GW |來源:相關機構

觀塘萬呎《520單程票》愛情市集 限定5日!
3大打卡區!樂隊Busking/睇電影/逾50檔手作

漫日市集在5月19日至5月23日期間,在觀塘限定5日舉行《520單程票》愛情主題市集。有名你叫《520單程票》,當然是一個關於愛情的市集啦,不過唔一定情侶先嚟得,現場有多項活動、打卡位,無論是情侶、單身、或者一班死黨朋友都好,都有嘢玩有嘢行!

草地營區打卡位
草地營區打卡位
粉紅打卡位
粉紅打卡位

場地佔地超過10,000呎,現場設有多個主題區,包括樂隊演唱情歌、愛情電影放映馬拉松及三個打卡主題區等,行完市集仲有忘情水贈飲!市集亦歡迎各位主人帶同寵物一齊逛街及打卡, 現場有超過50檔特色攤位,有中古舊貨、本土服裝、手作小店、塔羅占卜等,另外仲有多位寵物店長同大家互動,包括刺蝟、汪店長、兔店長等。

寵物店長-刺蝟互動區!每天都有2節30分鐘互動時間,客人可以戴手套摸摸或抱住影相,記住要輕手啲,唔好嚇親佢哋呀!
寵物店長-刺蝟互動區!每天都有2節30分鐘互動時間,客人可以戴手套摸摸或抱住影相,記住要輕手啲,唔好嚇親佢哋呀!
寵物店長-水晶小白
寵物店長-水晶小白

除此之外,現場仲會有9隊不同的樂隊即席表演,只要是在市集開放期間,就可以在場地休息兼聽歌Chill吓;愛情電影放映馬拉松區有舒適沙發位,有3米闊的屏幕會全天候配以5.1環迴立體聲設備播放不同的愛情電影!

漫日市集 《520單程票》
漫日市集 《520單程票》

漫日市集 《520單程票》

地址:觀塘駿業里世貿大樓3樓(顯示地圖
日期:2021年5月19日-5月23日
時間:1:00pm-8:00pm
電話:6403 2092