蠟筆小新市集！搞笑公仔打卡位 精品小新相機、鏡盒 美食屁屁曲奇＋布甸燒
廣告
蠟筆小新Fans注意！最近元朗Yoho Mall舉行一連16日蠟筆小新主題市集，場內36個攤檔，齊集大量精品、美食和打卡位，例如是小新相機、鏡盒連外置充電器、行李箱、布甸燒、屁屁曲奇等等，更有動感超人、不理不理左衛門角色客串，快點去會一會小新啦！
撰文：Lu｜圖片來源：相關機構
蠟筆小新市集登陸元朗！
【精品篇】小新相機＋充電器
先來介紹可以帶回家收藏的精品，記者推薦小新迷你數碼相機，小巧可愛之餘仲有10款小新相框，款款都超得意，拍片又得、影相又得！相機就算細細部都有前後鏡頭自拍功能，影片、相片解像度亦算高，十分實用！另外亦有外置充電器，上面有蠟筆小新和小白的公仔，一打開就是鏡盒，用來充電、補妝都得！
外型小巧可愛，但是功能多多，性能亦不俗！
有4,500mAh，一打開更有鏡盒，好實用！
以動感超人版本的蠟筆小新設計，有4個USB插口！
同場亦有行李箱發售，價錢由$799至$999不等。
【打卡位】蠟筆小新＋不理不理左衛門
市集內設3個蠟筆小新公仔打卡位，第一個打卡位有小新和不理不理左衛門，一次過捕獲兩隻人氣角色！而第二個打卡位則有跳舞的小新，做著酷似「結他他老伯」的草裙舞動作，十分搞笑，背景板更有小白、動感超人等角色。最後一個打卡位有口咬玫瑰花的小新，左手托著一杯飲品，樣子非常滑稽！
【美食篇】布甸燒＋屁屁曲奇
市集場內美食最為豐富，必食印有蠟筆小新的布甸燒，上面插著一個小新露屁股的招牌，反轉布甸燒後則有小新為食樣，睇得又食得！怕食物食落肚就冇，不能留念，就要買限定小新罐裝零食，罐身設計精美可愛，內裡分別有爆谷和小新屁屁曲奇，買爆谷更會附送動感超人版小新帆布袋，抵呀！其他小食包括Cupcake、馬卡龍棒、糯米糍等等，也有茶飲店為大家解渴，款款都加入小新元素，誠意十足。
翻過布甸燒後，會出現小新的圖案。
曲奇是小新扭屁屁的樣子，十分可愛。
有芒果、藍莓乳酪、貓山王榴槤、芝士曲奇等口味，價錢各有不同。
蠟筆小新國際美食市集
Facebook：YOHO MALL 形點
日期：1月9日至24日
時間：12nn-9pm
地點：元朗元龍街9號及朗日路8號YOHO MALL I & II 中庭（顯示地圖）
