荃灣D Park愉景新城開日本高山老街美食市集 逾50檔日式掃街小食+雜貨!熱辣辣炭烤串燒+大阪燒/鯛魚燒雪糕/即場調酒!即睇詳情

香港好去處

廣告

荃灣將開日本高山老街美食市集!不少港人因為疫情無辦法去旅行,相信大家都已經掛住日本,D Park愉景新城繼開完台灣「十分天燈夜市」後,今次就開日本人氣景點「高山老街」,帶來14攤以上日式人氣掃街小食,包括炭烤串燒、大阪燒、關東煮等,仲加開週末市集,超過40檔攤位,主要出售日式雜貨及食品,一於去一趟「偽出國」之旅頂頂癮先啦!

撰文:GW |來源:相關機構

荃灣D Park愉景新城開日本掃街市集
逾50檔小食+日式雜貨!食炭烤串燒+即場調酒

D Park愉景新城將場內佈置成日本人氣景點,在2021年4月1日至6月27日期間,舉行「高山老街食の祭」,復古風的門口位已經非常值得打卡,還有人力車、日式老房、門牌等可以打卡。

荃灣D Park愉景新城開日本高山老街美食市集 逾50檔日式掃街小食+雜貨!熱辣辣炭烤串燒+大阪燒/鯛魚燒雪糕/即場調酒!即睇詳情|香港好去處
荃灣D Park愉景新城「高山老街食の祭」
場內共有14間日式掃街小食攤,主打多款日本特色美食!
場內共有14間日式掃街小食攤,主打多款日本特色美食!
生銅鑼燒
生銅鑼燒

場內共有14間日式掃街小食攤,主打多款日本特色美食,包括高山名物飛驒牛食材、炭烤串燒小食、關東煮、玉子燒、日本茶等。除此之外,仲有即場調酒,攤主會按照大家的喜好及口味特別調較清酒特飲。但留意因疫情關係,場內不能現場進食,建議在商場其他地方享受美食。

(點擊上圖向左滑,即睇更多圖片!)

「宮川朝市週末市集」每逢週末開張!
「宮川朝市週末市集」每逢週末開張!

而除了「高山老街食の祭」以外,在2021年4月2日至6月27日期間,每個週末及公眾假期亦會加推「宮川朝市週末市集」,齊集逾40檔日本雜貨,主要販售各類型日本雜貨、家品、手工小物、文創小物、創意文具和各款日本人氣食品,不妨逛一逛啦!

D·PARK愉景新城「高山老街食の祭」

日期:2021年4月1日至6月27日
時間:12nn-9pm
地點:D・PARK愉景新城 L1(顯示地圖

D·PARK愉景新城「宮川朝市週末市集」

日期:2021年4月2日至6月27日(每逢週末及公眾假期)
時間:12nn-8pm
地點:D・PARK愉景新城 L1(顯示地圖

圖片來源: