北角路過生活節

北角路過生活節

北角路過生活節5大全新打卡位！20款大型藝術品＋巨型蠔殻＋「微型沙灘」（新假期APP限定）

香港好去處

Sep 15 2021

廣告

北角路過生活節正式開幕！講起北角，你或者只會諗起新光戲院，但其實近年都不斷有唔同藝文活動喺到舉行。「路過生活節」由香港藝術中心社區計劃「路過北角」籌辦，會喺區內放置逾20件公共藝術裝置，分別散佈唔同地方角落，供市民隨意遊覽及參觀。未來幾個月亦陸續有工作坊、導賞團及社區活動，公眾可以更深入了解北角呢個地方。記者一於幫大家盤點5大全新打卡位，周末有時間就去影下靚相啦～

撰文：新假期編輯部｜來源：官方圖片、IG、Kelvin Ng

北角路過生活節5大全新打卡位！20款大型藝術品＋巨型蠔殻＋「微型沙灘」

Check Point 1：北角碼頭《北角·小「嶼」》微型沙灘彷熱帶島嶼

位於北角公眾碼頭的Pop up裝置「北角・小『嶼』」，用微型沙灘作為創作概念，搭咗幾座藍白色拱形涼亭，地下鋪滿沙，再喺旁邊擺放綠色植物及沙灘椅，好似置身熱帶島嶼一樣。大家到北角不妨把握時間與這個限定「島嶼」拍照！記者覺得可以著返杏色系或色彩較強嘅衣物，咁就唔會同背景撞色，人物更加突出！展示時間由2021年8月30日至9月下旬。

（圖片來源：官方圖片） — 活用沙灘椅作道具，令到相片更加豐富。（圖片來源：官方圖片）

（圖片來源：官方圖片） — 記者建議可以用多啲close up影相，真喺會有去咗加勒比海嘅錯覺～（圖片來源：官方圖片）

（圖片來源：官方圖片） — 平時唔知擺咩pose影相好，不如就用手扮遮陽，動作自然就唔會顯得生硬突兀。（圖片來源：官方圖片）

（圖片來源：官方圖片） — 呢度更喺寵物友善，可以帶埋愛犬過嚟「度假」～（圖片來源：官方圖片）

Check Point 2：北角匯《#築角》透明頂篷膠樽一片天

「築角」設置於「北角・小『嶼』」旁邊，頂篷掛上數千個膠樽，除了為途人遮陽外，「築角」以春秧街垃圾問題作為創作靈感，帶出「有借」就「有還」，去加強市民環保意識。膠樽一片天非常壯觀，值得打卡之餘，亦可以令人反思現狀，好有意思！展示時間由2021年8月30日至9月下旬。

藍藍綠綠的膠樽交織成一片色彩繽紛的天空。（圖片來源：IG@julylatte） — 藍藍綠綠的膠樽交織成一片色彩繽紛的天空，記者建議用可以用低角度影相，先影得晒咁壯觀嘅「膠樽天」。（圖片來源：IG@julylatte）

數千個膠樽均由組織團體向東區街坊收集。（圖片來源：IG@julylatte） — 成幾千個膠樽都喺由組織團體向東區街坊收集。（圖片來源：IG@julylatte）

Check Point 3：北角海濱公園《北角交響樂》玩味巨型大喇叭

「北角交響樂」是兼容聲音交流裝置的社區休憩空間，鼓勵北角居民交流，由數個巨型喇叭組成，外型玩味十足！展示時間由2021年8月30日至9月下旬。

（圖片來源：官方圖片） — 有咁多個巨型喇叭，不妨善用wide shot，可以夾埋朋友屋企人一齊影，仲開心～（圖片來源：官方圖片）

（圖片來源：官方圖片） — 小朋友都鐘意！（圖片來源：官方圖片）

自己一個人影相影到悶，不妨幫毛孩好好打扮，帶埋佢一齊打卡影相！（圖片來源：官方圖片）

（圖片來源：IG@arta_architects, Kelvin Ng） — 巨型喇叭仲大過塊面！好適合影返輯玩味十足嘅相～（圖片來源：IG@arta_architects, Kelvin Ng）

Check Point 4：北角碼頭《再想像・北角泳棚》重現昔日七姊妹泳棚

七姊妹泳棚昔日享負盛名，為大眾提供運動及休憩嘅空間，依家泳棚以藝術裝置形式重現，喺北角公眾碼頭對開海面用長竹搭建，相當壯觀！展示時期由2021年8月30日至11月下旬。

（圖片來源：官方圖片） — 《再想像・北角泳棚》希望緬懷過去嘅北角，同時引起公眾對香港海岸水質變化關注。（圖片來源：官方圖片）

（圖片來源：IG@yucolab） — 臨近黃昏望住泳棚睇日落更加有feel～（圖片來源：IG@yucolab）

Check Point 5：北角碼頭《蠔想》超巨型蠔殼浮動裝置

「蠔想」同樣放置於北角公眾碼頭對開海面，喺蠔殼形狀的海上超巨型浮動裝置，北角曾經喺上世紀熱門游泳勝地，海邊會有泳棚及棚屋比市民暢泳。團體希望借呢個裝置去帶動大眾反思人類與大自然生態嘅關係。展示時期由2021年8月30日至11月下旬。

（圖片來源：官方圖片） — 有隻大蠔殼喺海上都咪話唔壯觀～（圖片來源：官方圖片）

–

撰文：新假期編輯部｜圖片來源：官方圖片、IG

關鍵詞

香港好去處北角新假期APP限定