紅磡
紅磡

紅磡蒙麵爆紅番茄薯仔湯麵+即燒蜜汁叉燒!關注組力推:排近1小時食都值

飲食熱話

廣告

紅磡美食一蘿蘿,絕對是一眾食家尋找美食的好地方。而位於紅磡有間車仔麵一直深受關注組力推,更不惜排足一小時也要食到,認真巴閉!原來這間麵店以番茄薯仔湯底作主打,清甜開胃,且配上大量花甲,相當足料。難怪就連歌手許廷鏗都幫襯,立即睇睇!

關注組力推 花一小時排隊!紅磡爆紅番茄薯仔湯麵+招牌蜜汁叉燒

香港美食多不勝數,而新開餐廳如雨後春筍般不斷開張,倘若質素參差,可是會被嘴刁的港人轉移視線,選擇幫襯另一間舖。所以說,留得底的必有一手!而在紅磡眾多店舖中,一間車仔麵店——蒙麵一直深受關注組關注,其好食程度更令不少食客更不惜花一小時排隊,就連歌手許廷鏗都幫襯,人人排隊只求一碗麵,認真巴閉!

紅磡 蒙麵可是紅磡區內的名店,經常大排長龍。
蒙麵可是紅磡區內的名店,經常大排長龍。(圖片來源:蒙麵官方圖片)
紅磡 就連歌手許廷鏗都幫襯!
就連歌手許廷鏗都幫襯!(圖片來源:蒙麵官方圖片)

能夠令港人不惜花一小時排隊,必有其過人之處!而蒙麵的招牌就是在於湯底,賣的不是常見的豬骨湯底,而是清甜開胃的番茄薯仔湯。番茄份量十足而且薯仔相當足料。至於配料方面,招牌配料一定是花甲,足料且鮮味十足,放在湯底中,味道立即昇華!亦有香辣過癮的魷魚、香濃煙韌的滷水大腸、入味軟腍的冬菇、清甜無渣的蘿蔔等。而不少人一定多搭一份招牌小食——蜜汁叉燒串,即叫即烤,帶有香甜的蜜汁,焦香惹味!

紅磡 番茄薯仔湯清甜開胃,番茄及薯仔相當足料!
番茄薯仔湯清甜開胃,番茄及薯仔相當足料!(圖片來源:Instagram@xxfatpoohxx)
紅磡 配上新鮮花甲,令整個湯底更昇華。
配上新鮮花甲,令整個湯底更昇華。(圖片來源:Instagram@ffoodlibraryy)
紅磡 辣味魷魚辣得過癮,煙韌滋味。
辣味魷魚辣得過癮,煙韌滋味。(圖片來源:Instagram@xxfatpoohxx)
紅磡 蜜汁叉燒串即叫即燒,熱辣辣吃勁滋味!
蜜汁叉燒串即叫即燒,熱辣辣吃勁滋味!(圖片來源:Instagram@mongchunman)
紅磡 叉燒有燶邊,香濃惹味!
叉燒有燶邊,香濃惹味!(圖片來源:Instagram@ffoodlibraryy)

關注組組員力讚!大方分享:呢個鐘數多數唔使排

蒙麵深受關注組組員力推,紛紛大讚「叉燒必食!用心做!牛腩、豬腸、豬紅、魷魚正!」、「呢間真係好好食 !」更力推番茄薯仔湯:「番茄薯仔湯好味,好多餸都OK」、「個湯有淋曬薯仔,幾好味」。亦有網友觀察到通常平日大約5pm不用排隊,但不要超過5:30pm。想吃的朋友要Bookmark低了!

紅磡 有網友表示通常星期一至五5pm不用排,要記得啦!
有網友表示通常星期一至五5pm不用排,要記得啦!(圖片來源:Facebook群組@「香港茶餐廳及美食關注組」)
紅磡 亦有網友大讚湯底還有變淋的薯仔,好吃足料。
亦有網友大讚湯底還有變淋的薯仔,好吃足料。(圖片來源:Facebook群組@「香港茶餐廳及美食關注組」)
紅磡 不少網友大讚好好食!
不少網友大讚好好食!(圖片來源:Facebook群組@「香港茶餐廳及美食關注組」)

圖片來源:Facebook群組@「香港茶餐廳及美食關注組」、蒙麵官方圖片、Instagram@xxfatpoohxx、ffoodlibraryy、mongchunman