火鍋放題
火鍋放題

港女食大埔火鍋一肚氣!食食下店員要求8人起身做一件事 網民:過份咗

飲食熱話

廣告

近日有網民分享,早前一家人去吃火鍋放題,沒想到遇上無禮侍應,期間店員更提出無理要求,令她坦言「食餐飯食到一肚氣」,更慘的是回家後更肚痾。網民回應指該店服務一向有問題,更有人揚言「睇完唔會去」,究竟中間發生什麼事?

港女食火鍋放題遇無禮店員「食到一肚氣」

該名女食客日前一行8人,去到位於大埔的Inahachi 稻八日式火鍋炸物放題吃晚餐,因為人數比較多所以分成2桌,樓主指因為座位冷氣風太大,於是叫店員調較,沒想到店員索性把冷氣關掉;之前樓主選擇湯底,據餐廳指引,一枱可選一款湯底,但樓主與朋友2枱都點了2款湯底共4款,該店員就以不太好的態度表示「你哋係加埋只得兩個湯底架咋喎」,樓主表示願意加錢;其中一枱想要麻辣湯底,該店員就語氣極差回應「嗰個係另一樣嘢嚟㗎 喎要加$30,同你哋呢個套餐唔同」,樓主為免再爭拗,表示願意加錢,但對該店員服務態度感不滿。

火鍋放題 女食客日前一行8人,去到位於大埔的Inahachi 稻八日式火鍋炸物放題吃晚餐
女食客日前一行8人,去到位於大埔的Inahachi 稻八日式火鍋炸物放題吃晚餐(圖片來源:Facebook@inahachishabushabu)

兩枱湯底掉轉放、要求調回竟被反要求做一件事

點完湯底後不久湯底送上,但店員把兩枱的湯底掉轉了放,樓主於是問店員可否幫他們調回,但店員竟回答「你哋掉位啦,你哋兩張枱啲人對調咪得囉」,但樓主他們當時正在吃前菜和開始飲飲品,驚訝表示「佢竟然命令式要求客人對調都唔幫我調返兩個湯底,仲要係超級有禮貌咁同我哋講」,服務之差令樓主與朋友嘩然。之後店員終願意幫忙調湯底,但卻是「幫我攞起其中一張枱兩個湯底,但係同時間另一張枱已經有兩個湯底」,樓主疑惑「佢係咪應該將一個攞起同另一個先對調,再將另一個攞起再對調呢」?認為對方存心作弄他們。

火鍋放題 店員把湯底調轉放卻要求客人自行調位
店員把湯底調轉放卻要求客人自行調位(圖片來源:Facebook@inahachishabushabu)

小朋友進食期間被要求去門口度高

原以為湯底一事解決後就能安心進食,沒想到他們進食期間,另一位女店員突然要求其中一個 小朋友起身去度高,語氣同樣很差,樓主疑惑「明白點解一入門口唔度咗高先,或者埋單出去先度高呢」,指當時小朋友「仲咬住塊牛呀」,這個要求真的非常奇怪兼無理,最後樓主表示不會出去度,叫店員直接計成人價,才能繼續進食。

火鍋放題 進食期間女店員突然要求其中一個 小朋友起身去度高
進食期間女店員突然要求其中一個 小朋友起身去度高(圖片來源:ViuTV《季前賽》劇照)

埋單$410/位、樓主回家後更肚痾

服務態度差已不能接受,樓主指最慘是食物質素也普通。樓主他們點的是中上價位的澳洲和牛餐,連加一每位約$410,但「只有一種牛喺入口比較林(淋),但係都冇牛味」,而套餐內的刺身「應該唔新鮮,返到去即刻肚痾,最後柯左(屙咗)3次」,坦言不會再有下次。

火鍋放題 服務態度差已不能接受,樓主指最慘是食物質素也普通
服務態度差已不能接受,樓主指最慘是食物質素也普通(圖片來源:Facebook@inahachishabushabu)

網民戥樓主氣憤:呢間不嬲串咀

不少網民都表示無法接受這種服務態度,「食過一次唔會再去」、「呢間嘢唔駛去了,好怕D伙記又串又冇禮貌食到一把火」,有網民留言分享其經驗「前幾日去完,係有個女仔講嘢冇尾音態度唔係幾好」、「呢間不嬲串咀,打工果係倒老闆米」、「呢間領教過,態度差,唔會再去」;而對於要求客人調位及突然度高,網民均表示「大過份」,直言「如果佢無啦啦叫我小朋友去度高,我即時X佢老母」、「叫客人自己調位真係俾個叻佢」、「點解接受到食食下出去度,一入唔度已經好有問題,食食下度佢老母呀」。

火鍋放題 不少網民都表示無法接受這種服務態度
不少網民都表示無法接受這種服務態度(圖片來源:Facebook@大埔TAI PO)
火鍋放題 有網民留言分享其經驗
有網民留言分享其經驗(圖片來源:Facebook@大埔TAI PO)
火鍋放題
(圖片來源:《愛回家之開心速遞》劇照)
火鍋放題 原文截圖
原文截圖(圖片來源:Facebook@大埔TAI PO)

資料來源:大埔 TAI PO

圖片來源:Facebook@大埔TAI PO、Facebook@inahachishabushabu、劇照