即包雪米糍
即包雪米糍

ifc超人氣即包雪米糍!雪糕關注組成員試食極失望 力數3大問題超唔值

飲食熱話

廣告

自助山旗下甜點店Boutique by The GRAND,近日在中環ifc開了一家Pop-up店,更推出日本白桃即包雪米糍,吸引不少甜品雪糕控試食。但近日一名網民試食後卻大叫失望,更力數甜品3大問題。

ifc甜品店推即包雪米糍

Boutique by The GRAND推出的即包雪米糍,每日提供多款自家製雪糕口味,如馬達加斯加雲呢嗱、日本抹茶、四國白桃牛乳等口味,再把雪糕以人手包上軟糯煙韌的麻糬皮,外型脹鼓鼓又圓碌碌,因此吸引了不少網民去嘗鮮。不過有網民試完後卻大感失望,於是在Facebook群組「香港雪糕關注組」出試伏報告。

即包雪米糍 把雪糕以人手包上軟糯煙韌的麻糬皮
把雪糕以人手包上軟糯煙韌的麻糬皮(圖片來源:Facebook@HKifcmall)
即包雪米糍 外型脹鼓鼓又圓碌碌,吸引了不少網民去嘗鮮
外型脹鼓鼓又圓碌碌,吸引了不少網民去嘗鮮(圖片來源:[email protected]
即包雪米糍 即包雪米糍可選多款自家製雪糕口味
即包雪米糍可選多款自家製雪糕口味(圖片來源:Facebook群組「香港雪糕關注組」)

1. 價格昂貴,卻未必物有所值

樓主指,當日試食的是用了日本四國白桃的即包雪米糍,售價$88,對於邊個價錢樓主直言「可能佢嘅材料真係靚,但食落真係冇乜特別」,更指味道及口感有如「四洲日本雪糕屋$10球果D冰感好重嘅雪糕咁」,覺得完全不值得這個價格。

即包雪米糍 樓主當日試食的是用了日本四國白桃的即包雪米糍,售價$88
樓主當日試食的是用了日本四國白桃的即包雪米糍,售價$88(圖片來源:Facebook群組「香港雪糕關注組」)
即包雪米糍 $88卻只得一小杯,樓主直言「食落真係冇乜特別」
$88卻只得一小杯,樓主直言「食落真係冇乜特別」(圖片來源:Facebook群組「香港雪糕關注組」)

2. 糯米皮與雪糕「皮肉分離」

該甜品的主打是軟糯煙韌的麻糬皮包雪糕,但樓主直言「個mochi皮就真係多餘」,更指吃的時候,皮肉分離,「好似獨立食緊兩樣嘢」,更覺得「去對面馬路買粒長洲芒果糯米糍好過」。除此之外,樓主又指當日的staff製作時非常不熟手,「第一次畢雪糕嗰陣勁多空氣,包完勁細粒」,於是要求店員再做一粒才可接受,給人的感覺並不好。

即包雪米糍 樓主吃的時候,皮肉分離
樓主吃的時候,皮肉分離(圖片來源:Facebook群組「香港雪糕關注組」)
即包雪米糍 樓主又指當日的staff製作時非常不熟手
樓主又指當日的staff製作時非常不熟手(圖片來源:Facebook群組「香港雪糕關注組」)
即包雪米糍 指出店員「第一次畢雪糕嗰陣勁多空氣,包完勁細粒」
指出店員「第一次畢雪糕嗰陣勁多空氣,包完勁細粒」(圖片來源:Facebook群組「香港雪糕關注組」)

3. 購買體驗有待改進

樓主又分享,該次的購買體驗也讓人感到有些不便。當日他在雪糕櫃前挑選好自己要的雪糕之後,卻被告知「要兜一個大圈走到後面去付錢」,去到收銀處,收銀職員問樓主要什麼口味,但雪糕櫃的職員沒反應,結果要樓主自己再說一次,付錢後再回雪糕櫃等待,非常浪費時間且缺乏效率。

即包雪米糍 樓主又分享,當日要走來走去購買,體驗非常不佳
樓主又分享,當日要走來走去購買,體驗非常不佳(圖片來源:Facebook群組「香港雪糕關注組」)

網民批店舖食水深:根本就係幫佢交租

不少網民看完樓主的試食報告後,都表示「多謝分享,我又可以慳返個荷包食其他」、「感謝樓主親身試伏」,又指這種甜品「求其加個日本字眼係前面就可以賣成88蚊」,但實際上的材料卻很普通,更指「88蚊, 真係食維記雪米糍算數」,笑指「$88入面有$80係幫佢交租」;也有網民指「齋睇圖以為葵廣,失覺晒」,更建議「上平台食件cake仲有得坐住睇下海景冇咁嬲」。

即包雪米糍 不少網民看完樓主的試食報告後,都覺得太貴不值得
不少網民看完樓主的試食報告後,都覺得太貴不值得(圖片來源:Facebook群組「香港雪糕關注組」)
即包雪米糍 網民指「88蚊, 真係食維記雪米糍算數」
網民指「88蚊, 真係食維記雪米糍算數」(圖片來源:Facebook群組「香港雪糕關注組」)
即包雪米糍 原文截圖
原文截圖(圖片來源:Facebook群組「香港雪糕關注組」)

資料來源:香港雪糕關注組

圖片來源:[email protected]、Facebook群組「香港雪糕關注組」