明記腸粉
明記腸粉

上水明記腸粉結業被網民拍手讚好!老闆慨嘆:乜嘢叫執咗都唔可惜?

飲食熱話

廣告

上水老字號明記腸粉日前宣布,4月9日會是其最後營業日,不少香港人都表示可惜,大歎「唔捨得」,但同時也有網民表示「執咗都唔可惜」,該言論引起明記腸粉老闆注意,在其Facebook專頁發貼回應,大嘆工作辛酸。

上水明記腸粉結業、網民指「執咗都唔可惜」

上水明記腸粉一直都是區內人氣食店,主打腸粉被網民形容為「全宇宙最好食嘅腸粉」,而且店內的其他食物,如皮蛋瘦肉粥、斑蘭薏米水等都有不少拿客推介,因此不少市民收到結業消息後都表示可惜及不捨。不過在一片不捨聲中,也有網民持相反意見,例如「呢間結唔結業都冇所謂」、「比我想預期執遲咗」、「極度難食都可以生存咁耐」、「執咗都唔可惜」等,認為明記腸粉結業並不可惜。

明記腸粉 上水老字號明記腸粉日前宣布,4月9日會是其最後營業日
上水老字號明記腸粉日前宣布,4月9日會是其最後營業日(圖片來源:Facebook@SheungShuiMingKee)
明記腸粉 不過在一片不捨聲中,也有網民持相反意見
不過在一片不捨聲中,也有網民持相反意見(圖片來源:Facebook@北區之友 Friends of North District)

老闆有感而發、道出工作辛酸

此番「執咗都唔可惜」的言論被明記腸粉老闆看到,翌日老闆有感而發,在其Facebook專頁發貼回應,道出工作的辛酸:

由0400企喺度工作至1900先有得坐喺度食一餐飯/連續6個月憑赤手耐超高溫掌握到腸粉的軟熟度/每日炒十斤麵/每日煲粥(粥煲三尺高)/堅持腸粉唔夠熱唔切出嚟/卻俾西客鬧/我反問西客凍嘅腸粉食唔食/西客話我吋

光看文字就覺得辛苦,但老闆指儘管這樣辛苦為客人製作美食,但仍會遇上西客而感到心灰意冷,又指假如有人「願意跟住我經歷」,老闆就「願意冇條件送個食牌俾你」。

明記腸粉 上水明記腸粉一直都是區內人氣食店
上水明記腸粉一直都是區內人氣食店(圖片來源:bigbigchannel《餓底》截圖)
明記腸粉 多年前也有傳媒去試食過
多年前也有傳媒去試食過(圖片來源:bigbigchannel《餓底》截圖)

指3年疫情難熬、被告被偷錢仍堅持

老闆又補充,雖然捱過3年疫情,但期間還遇上不少問題,令經營更困難:
捱過3年疫情/俾奴工處無厘頭告上庭/經歷過女工姐姐每日偷你血汗錢/偷咗9個月/簡唔中俾西客小你出餐出得慢/簡唔中俾西客食霸王餐/簡唔中俾西客話你賣得貴/而堅持捱過5年
老闆指出,假如能接受辛苦工作,又能捱到以上種種,他願意雙手奉上豉油秘方(有傳曾有人開價6位數字想要買此配方),又重申,他是「喺係白頭佬『明哥』手上頂手過嚟做咗十年。你有本事,你嚟做」,又指出每個人都有底線,「網上言論自由行都可以有分寸」,表達出辛苦為食客卻無人明白的辛酸,但仍感恩多年來遇上知音人。

明記腸粉 有傳曾有人開價6位數字想要買此豉油配方
有傳曾有人開價6位數字想要買此豉油配方(圖片來源:bigbigchannel《餓底》截圖)

熟客力撐老闆、網民指勿情緒勒索

貼文一出引起不少熟客關注,留言力撐老闆:「唔使理人地講咩,問心無愧就得」、「網上咩人都有,做好自己就夠」、「唔需要理啲唔識欣賞嘅人」;同時也有不少網民表達不捨:「豉油真係好好味,第二度食唔到」、「我同女女淨係食你地嘅腸粉,以後無得食點算」、「我哋一家食到大」,指外面無法食到這種美味。

明記腸粉 貼文一出引起不少熟客關注,留言力撐老闆
貼文一出引起不少熟客關注,留言力撐老闆(圖片來源:Facebook@SheungShuiMingKee)
明記腸粉
(圖片來源:Facebook@SheungShuiMingKee)

同時也有不少區內街坊指老闆出這篇貼文是「情緒勒索」:「如果唔好食仲要玩情緒勒索嘅,真心覺得唔可惜」、「做老闆,辛苦關雖事。有麝自然香」、「賣條腸粉魚蛋覺得自己一代宗師」,指出老店結業雖可惜,但店家本身也有問題,加上全世界工作都辛苦,不應「把自己看得那麼大」,大家又有什麼看法?

明記腸粉 也有網民不滿意老闆的態度
也有網民不滿意老闆的態度(圖片來源:Facebook)
明記腸粉
(圖片來源:bigbigchannel《餓底》截圖)

原文截圖:

明記腸粉
(圖片來源:Facebook@SheungShuiMingKee)
明記腸粉
(圖片來源:Facebook@SheungShuiMingKee)

圖片來源:Facebook@SheungShuiMingKee、Facebook@北區之友 Friends of North District、bigbigchannel《餓底》截圖