5種情人節花束送禮推介！鮮花以外浪漫花語選擇附價錢及花店推介

Feb 14 2023

情人節花2023｜又到送花嘅季節啦，送花除咗係一種儀式感之外，其實背後嘅心意同意義都好重大，係表達愛意嘅其中一種方式！各位男士係咪煩惱緊買邊種花送俾女朋友呢？今次記者為大家整合咗6種適合送俾情人嘅花，一文睇晒款式、價錢同花語，仲有某啲花店接急單，可以即日訂花，如果大家係臨急抱佛腳都唔使擔心啦，即睇詳情！

情人節花2023｜6種情人節送禮花束！超浪漫花語附價錢及花店推介

情人節禮物男朋友篇情人節禮物女朋友篇情人節15大好去處

情人節花2023｜1.鮮花（香港尚禮坊花店）

講到送花就一定即刻諗到送鮮花啦！而情人節送俾最愛嘅另一半當然要送上最浪漫嘅玫瑰花。尚禮坊花店提供唔同種類嘅花束，亦有唔同數量嘅玫瑰花可以買，例如代表天長地久嘅999枝紅玫瑰、每天愛你嘅365枝紅玫瑰、99枝玫瑰都有售，仲有唔同顏色嘅玫瑰同繡球花，靚得嚟又夠晒浪漫，而且平貴都有。花店仲提供即日訂花服務，最快2小時製作送達目的地，就算唔記得咗買花都唔使驚買唔到靚花！

紅色的瑰麗(999玫瑰花束) $19800（圖片來源：Give Gift Boutique網頁）

粉紅色玫瑰99枝 $1380（圖片來源：Give Gift Boutique網頁）

繡球玫瑰花店花束 $700（圖片來源：Give Gift Boutique網頁）

香港尚禮坊花店
地址：	1.始創中心分店地址: 旺角始創中心2/F Soda Mall 228-231&241號鋪營業時間: 星期一至日及公眾假期 10am-9pm2.紅磡旗艦店地址: 紅磡崇安街23號「環海•東岸」Soda Mall 05-06號鋪營業時間: 星期一至日及公眾假期 9am-10pm3.荃灣分店地址: 荃灣如心廣場1期2樓 Soda Mall 214-216號舖營業時間：星期一至日及公眾假期 10am-10pm
WhatsApp電話：	6628 4836
營業時間：	星期一至日、公眾假期：9am – 7pm

尚禮坊花店網店

情人節花2023｜2.永生花（I LOVE YOU 花店）

除咗鮮花之外，而家越嚟越多人都會揀送永生花，因為擺放時間長、保鮮又唔會凋謝，藉此可以表達你哋嘅愛情都係唔會有凋謝嘅一日！同時花束都係以浪漫嘅玫瑰及繡球花為主，擺放得耐又有同樣心意，女仔都一定冧爆！

5 朵永生花束 – 蒂芙尼藍, 粉紅, 白色 $1398（圖片來源：I LOVE YOU花店官網）

I LOVE YOU 花店
地址：	新蒲崗三祝街12-14號榮森工業第二大廈1101室
WhatsApp電話：	65577488

I LOVE YOU花店網店

情人節花2023｜3.氣球花（Cherish Florist花店）

近期超人氣嘅氣球花，都係另類表達心意嘅方法，除咗揀選用絲花鬱金香或者永生花玫瑰之外，仲可以揀埋送咩卡通人物主題嘅花！「氣球」其實係採用硬身嘅亞加力膠波波球，真正永不漏氣，可長久保存！女朋友收到嘅時候有花、公仔同氣球，簡直係幾重享受，一定愛不釋手，記者超超超推薦送俾鐘意卡通人物、少女心嘅女仔！

LinaBell泡泡氣球花 $780（圖片來源：Cherish Florist網頁）

Cherish Florist花店
WhatsApp電話：	9889 3455
營業時間：	9am – 6pm
IG：	@cherishflorist.hk

Cherish Florist花店網店

情人節花2023｜4.玫瑰熊花（Léselle花店）

網紅必備嘅玫瑰花熊由上年情人節開始超爆紅，玫瑰花熊以人造玫瑰製作，可永久保存！網站上仲有超多顏色選擇，真係好難揀呀，但係大家可以做吓功課，參考一下唔同顏色嘅玫瑰花語代表啲咩，例如白玫瑰代表純潔、單純，粉紅玫瑰代表初戀等。而且仲有正常同迷你size，俾女朋友攬住嚟打卡一定超靚！

情人節花手工製玫瑰熊 - 白色 $799 — 手工製玫瑰熊 – 白色 $799（圖片來源：leselle花店網站）

Léselle花店
地址：	香港九龍觀塘觀塘道 472-484 號官塘工業中心一期 5 樓 Q 室
WhatsApp電話：	9609 9876
電話：	3460 2347
營業時間：	週一至週六 09:00-18:00