公仔麵配香檳？！落雨喺屋企DIY星級假期

放假先嚟打風落雨，唔想出街，又唔想浪費一個難得嘅假期，真係想大嗌一句「唔通連個天都唔鍾意我」？！辛苦咗成個星期先有假放，梗係要諗盡辦法，將假期升值成五星級享受！

有人話「飲香檳就像在飲天上嘅星星」，形容氣泡停留喺舌尖清爽嘅味道，恰似於涼風送爽嘅晚上靜心欣賞星空嘅感覺，最適合夏天品嚐！今次介紹５種可以喺屋企隨手拎到，又可以同香檳嚟個’’Perfect Match’’嘅「至就手」香檳配搭食品：

薯片（「就手」程度：＊＊＊＊＊）
點解咁夾：香檳嘅酸度可以減輕薯片辣味和鹹味，再加上氣泡可刺激味蕾，令搭配格外清爽。

芝士即食撈麵（「就手」程度：＊＊＊＊＊）
點解咁夾：因為香檳氣泡同酸度可以中和芝士嘅油膩感，令你食極都唔會覺得膩！

杏仁（「就手」程度：＊＊＊）
點解咁夾：其實不加糖、不加蒜嘅烘烤杏仁，同高貴嘅香檳非常夾！杏仁經咀嚼後，喺口腔中嘅油香及烘焙味，與香檳獨特嘅酵母味道夾得天衣無縫！

罐頭荔枝（「就手」程度：＊＊＊）
點解咁夾：荔枝係公認同香檳最夾嘅水果之一，荔枝嘅獨特清香，配搭香檳清新氣泡同水果味道，推薦大家喺悶熱雨季試一試！

鹹餅乾：（「就手」程度：＊＊＊＊）
點解咁夾：香檳中嘅酸度能帶出隱藏於鹹味同油膩背後嘅餅乾香味，為舌尖帶來不一樣嘅味覺體驗！

香檳（「就手」程度：＊＊＊＊＊）
落雨喺屋企「歎世界」嘅大計已經「萬事俱備，只欠香檳」！應該好少人會喺屋企長期擺定支香檳，落雨又想歎靚酒可以點？

遇到呢啲情況，可以去Watson’s Wine網上店落「柯打」，佢地嘅送貨服務會將美酒直接送上你屋企！再學識埋呢５種絕配「至就手」香檳食物配搭，即使外面風大雨大，安坐家中，都可歎個五星級週末！