三男三女北上尋歡之旅@為何斯德哥爾摩沒有譚仔三哥

博客

廣告

又到三月份,雖然大部份瑞典人經歷完漫漫嚴冬之後,應對冬天都有某程度嘅生厭,恨不得跳過春天直接去到夏天。

可能基於犯賤嘅本性,我眼見住白濛濛嘅冬天真係就嚟完又有少少唔捨得喎。
為左捉住冬天嘅尾巴,我提議北上展開滑雪之旅。

由於人人都要番工(除咗我呢個廢青),所以行程只能夠係weekend進行,頂多瞓兩晚。

我哋去嘅呢個地方叫Sälen,位於瑞典中北部。如果由首都Stockholm出發,渣車上去大概需要六個鐘頭到。
六個鐘頭話長唔長話短唔短,我哋今次一行六人,三對情侶,當日下晝一點左右就起行。

 

去緊嘅果陣見到咁好天又咁曬,仲擔心去到Sälen D雪去到會唔會融Q晒。

開車冇幾耐我就瞓著咗,由陽光普照去到一開眼見到路邊D積雪,果下對比太大。開始後悔,勁想番屋企。

經歷完六個鐘頭車,坐到屎忽都扁埋,大概夜晚八點左右終於到步。
我哋今次冇租酒店,去咗fd子屋企間大屋度瞓。

起初我仲擔心六條友會唔夠房瞓,嘩!點知一開門樓底勁高,仲差D比D動物頭嚇死。

除咗動物頭大廳,仲有圖書館、雪茄房、桑拿房、私人影院。
聽落好豪,但其實係有少少恐佈,我成晚都瞓唔著。

第朝八點就比程至美趕起身去滑雪,又眼瞓又凍,令我更加後悔當初提議要嚟。

間大屋同個滑雪場好近,揸車大概10分鐘就到,而且附近餐廳超市coffee shop乜都有。

我滑雪技巧就唔好提喇,大家睇相。

睇到都覺得凍。

 

第二日我哋去咗滑雪場附近嘅保玲場hea,好耐都冇做過D咁健康嘅活動。諗我聯想起好多童年回憶,好開心呀。

第二晚番到去焗完桑拿眼瞓到爆,十一點已經達落床冇再諗精力諗有冇鬼lu。
圖中為誇張大屋入面嘅圖書館,大到pk。

話咁快就過咗兩日兩夜,個個都話個trip好好玩,雖然我口裡認同,但都係心底比較喜歡熱帶地區。
去完個trip,我可以放心迎接春天喇,拜拜Sälen,後會有期。

延伸閱讀:肥蝦養成系列之瑞典春日兩大必食甜品@為何斯德哥爾摩沒有譚仔三哥