【8、90後回憶】10個男仔必經的徐太宇時代！你中咗幾多個？

1. 校服儀容永遠唔整齊

留長頭髮、著黑色底衫、唔扣頸喉扭、唔攝衫、著船襪，幾乎係個個男孩子都犯過嘅校規，年輕嘅時候總係會覺得咁樣特別有型！

2. 同老師對著幹

遲到走堂、欠交功課呢d簡直係家常便飯，同老師不和都係正常事。不過咁，有時反而鬧吓鬧吓會鬧出另類嘅師生情，筆者眼見身邊唔少男同學畢業之後都仲同訓導老師好好朋友！

3. 幻想自己係櫻木花道

每個男孩子都幻想過自己係籃神櫻木花道，可以打波打到出神入化，而最重要嘅，梗係場邊嘅粉絲同埋尖叫聲啦！

4. 聯群結黨

無論好學生定壞學生，每個男孩子都會有幾個好兄弟，槍口永遠一致對外，有咩事唔駛講咁多，撐咗先算！呢份感情，女仔係唔明㗎喇！

5. 打交初體驗

打交就個個男仔都識㗎喇，係爭在打贏定打輸！唔一定吓吓都要好似徐太宇咁拎晒武器咁打嘅，少少拳腳之爭就在所難免㗎喇！

6. 幻想可以英雄救美

英雄主義作祟下，男孩子都會希望有一日可以英雄救美！但係現實中，又有幾多人真係有機會可以做到英雄，又邊有咁多美人等你去救？只可以話，這些機會……

7. 補習補出感情來

喺呢個人人都要補習嘅年代，報同一個補習班就幾乎等於日對夜對，補補吓就會補出個感情來，如果你係成績好嘅男孩子，仲可以為心儀嘅女仔私人補習添，容乜易就擦出火花～

8. 護花使者

送女仔返屋企幾乎係每個男仔都做過嘅事，雖然放學打完波補完習已經好攰，但係都要爭取機會同心儀嘅女孩子相處多一陣！

9. 許下自以為好型嘅承諾

好似徐太宇咁，為咁氹女仔，男仔們都會許下好多承諾，唔知你又有冇好似佢咁，喺多年之後都仲記得自己嘅承諾？

10. 偷睇美女百分百？

嗱嗱嗱！你唔好話你冇睇過呀！無論係書定係片，男仔都一定點都睇過吓！筆者仲記得有次學校明明係想搜有冇同學偷偷哋帶電話，點知就搜咗本女性公仔書出嚟！

延伸閱讀
【8、90後回憶】 10個學生時《你的少女時代》 妳中咗幾多個？
Lady M新口味 伯爵茶千層蛋糕 超正！
新假期周刊 電子書：
ios：https://itunes.apple.com/hk/app/xin-jia-qi-zhou-kan/id722179449?mt=8
Android：https://play.google.com/store/apps/details?id=com.weekendhk.newsstand2&hl=zh_HK

新假期食玩報料：[email protected]
歡迎Instagram / facebook 使用#weekendhk 報料，資料一經選中會為你公告天下！
想最快接收第一手的旅遊飲食資訊？Easy！
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」，搞掂！