Formula E門票率先搶!$300玩足兩日攻略5個你要知! @Travel佳

旅遊

廣告

(Presented by Formula E Hong Kong)

撰文:Travel佳 圖片來源:HKT Hong Kong ePRIX

香港終於有盛事喇!HKT Hong Kong ePRIX將會喺10月8日至9日登陸香港中環,首階段門票喺前日記者會後即時開售,分別為$300嘅eVillage兩日門票,同埋可進入看台觀戰嘅$2,380兩日門票。

咪以為場入面只有得睇賽車!其實,eVillage猶如一個賽車嘉年華,主辦單位暫時未公布現場活動詳請,去過世界各地睇Formula E賽事嘅Travel佳,當然要為大家將所得資料和估計歸納,即睇下5個Q&A:

1:舉行日期、開放時間及地點?

舉行日期為8/10 – 9/10,首日將會舉辦supporting events(10am-8pm),第二日就舉辦主賽事(10am-8pm),地點喺中環海濱。

2:$300門票有乜玩?啱邊個玩?

Formula E嘅賽事,希望做到合家歡瘋狂賽車,就算冇車牌嘅人都可以一齊落場玩!所以,喺主賽區嘅旁邊,劃定咗多個嘅eVillage,無論大人細路都一樣有得玩,香港都唔例外!

互動玩樂區 電動車全體驗

話明係電動方程式賽車,Formula E當然提倡電動環保嘅科技,每次賽事,eVillage最大嘅佔地都有電動車展示區,包括最新嘅電動車品牌都會自設booth,俾大家可以體驗世界最頂尖嘅電能車或單車。

親子最啱 環保工作坊 

有關再生能源嘅企業亦會喺現場設立遊戲攤位,包括GoPro、DHL、EV Car Association,好似之前美國賽區,DHL就設立咗一個單車發電嘅遊戲,有得玩又學到嘢,深受當地小孩歡迎!當然,仲有大量俾小朋友參加嘅遊戲單位,例如face-painting等workshops梗係唔少得啦!

全場最激 實境模擬賽車

講到eVillage嘅重頭戲,仲有Racing Simulator Competition,大家想試下喺龍和道嘅大直路快放,定喺IFC下面嘅港版「葡京彎」甩尾一樣得!呢個simulator有齊vibration等感觀體驗,見慣大場面嘅李嘉欣試玩時,都嚇到翻車㗎!

3:除咗賽車,有乜睇?

話明係個個有得玩,就算唔識欣賞賽車,一樣有其他嘢睇!現場除咗有EJ Music及跳舞外,更加有超多表演欣賞,包括喺賽道上嘅老爺車同嘉年華會式巡遊,內容橫跨2日,足夠一家大細見識!今屆喺香港嘅賽事,相信亦會有唔少表演。

4:想直擊賽車?$2,380點揀好?

想直擊賽車?唔想喺eVillage睇大電視?今次香港賽事,大會將會劃定3個看台,包括龍和道、添馬公園以及摩天輪3個主看台,門票均為$2,380,兩日都適用,同時可以進入eVillage體驗。

首階段將會開售2,000張龍和道主看台,可以欣賞2公里大直路後急轉入天星碼頭嘅緊張位,更加可以超近距離觀賞巡遊!提提你,賽事首日仲會有多場特別慈善賽車賽,想追星更加唔可以錯過。

5:入場費及各種收費詳情

Grandstand:(首階段只開售龍和道主看台)

成人 $2,380

小童 (5-12歲) / 成人 (65+) $1,190

eVillage:

成人   $300

小童 (5-12歲) / 成人 (65+) $150

網址:http://www.ticketflap.com/zh/hkformulae