Blue Zone
Blue Zone

2017 必去旅遊名單!3大最潮「藍」色世界│Blue Zone

旅遊

廣告

Happy New Year!2017年首要願望當然係想繼續活力十足,咁先可以去多好多轉旅行,發掘更多新奇有趣的景點及見聞同大家分享嘛!咁…2017第1個旅程去邊好呢?不如就由全球人均壽命最長的 Blue Zone 長壽區開始啦!吸收吓呢幾個人間天堂的靈氣,話唔定人都健康啲,又可以順便跟一班人瑞偷師,學吓點樣活得愈老愈精靈。

要成功打入 Blue Zone 之列真係一啲都唔容易,唔只要同一個地方有一定數量人瑞聚居,當地百歲老人仲要夠精靈健康先配得上「長壽區」之名,所以全球 Blue Zone 數目其實寥寥可數。今次主要想為大家介紹長壽之冠意大利撤丁尼亞島(Sardinia)、希臘伊卡里亞島(Ikaría)以及哥斯達黎加尼科亞半島(Nicoya Peninsula),幾個地方的自然景觀及生活習慣都各有特色,唯一共通點就係大家都屬於簡樸寧靜的小島,或者遠離都市煩囂亦係孕育出人瑞的關鍵之一。雖然冇可能過去長住,但放個長假過去hea吓都未嘗不可,就算延唔到壽,減吓壓叉個電都好呀!

目前全球只有5個地方被歸入 Blue Zone 之列

 

Blue Zone #1
意大利秘密度假勝地 撤丁尼亞島

撤丁尼亞係地中海第二大獨立島嶼,屬於歐洲最古老地區之一,島上最出名係絕美海岸線,蔚藍海水加上細白沙灘,沿岸屹立住一排排色彩繽紛的小屋,充滿意大利漁村風情,難怪咁多皇室政要同明星都將呢個 Blue Zone 小島當成度假天堂。

Blue Zone 撤丁尼亞其實望落有少少五漁村的影子,不過面積當然大好多。

 

嚟到撤丁尼亞一定要體驗地道飲食文化,小島中部有個名為Sarcidano的地區,係地中海珍貴產物「Liquid Gold」,亦即是橄欖油的重要產地,據講該區出品的橄欖都係全島最優質、營養價值最高的,特別適合製作無添加初榨橄欖油。大家都知橄欖油的不飽和脂肪對預防心血管病有益處,原來當中仲含有維他命E同多酚呢2種抗氧化物質,當地人幾乎餐餐都會食橄欖或者用橄欖油煮食,去開旅行不妨選購啲橄欖或橄欖油做手信,試下食完會唔會感覺健康咗。

橄欖油喺撤丁尼亞人的飲食中非常重要,蘸麵包、整Pizza、煮Pasta都會用到。

 

Sarcidano地區出產的橄欖已被公認為全島最優質

 

撤丁尼亞人習慣自給自足,所以橄欖油都係新鮮製造,純天然無添加的。

 

Blue Zone #2
希臘最清澈海洋 伊卡里亞島

去過希臘跳島遊都知,聖托里尼島(Santorini)實景真係同明信片一樣咁靚,望幾多次都依然會忍唔住「嘩」出聲,不過今年係時候轉轉場。另一邊廂 Blue Zone 伊卡里亞島(Ikaría)同樣有藍天白雲、水清沙幼,唯獨藍白小屋變咗做紅白小屋,同埋冇川流不息的遊客,最震撼係海水竟然比聖托里尼島仲要更清澈更見底。伊卡里亞一直被譽為全希臘最悠閒小島,島民奉行「慢活」主義,完全唔會同你趕時間,亦唔鍾意跟schedule做人,香港人平日做嘢咁大壓力,放假過去避世放鬆下,一定可以疲勞盡消。

置身伊卡里亞島的沙灘,深深體會到咩叫海天一色。

 

當地人都好鍾意去海邊曬日光浴

 

可以喺個宛如天堂的小島生活,真心命仔都會長啲。

 

Blue Zone #3
哥斯達黎加生態王國 尼科亞半島

如果你係大自然狂迷,特別鍾情穿梭於木林之間、享受近距離觀察野生動物、重視生態保育,尼科亞半島(Nicoya Peninsula)一定係你杯茶!事關呢個中美州最具人氣旅遊國家有超過25%面積被列為國家公園及保護區,單係 Blue Zone 地帶尼科亞半島最南端的Cabo Blanco自然保護區就有超過35,000種野生動物,白尾鹿、斑點豚鼠、食蟻獸、捲尾猴……數都數唔晒,區內仲有哥斯達黎加最優美的景觀,任你日日馬拉松式參加導賞團,留足1個月都未必可以睇清呢個保護區的「全相」。

尼科亞半島唔係得森林有嘢睇有嘢玩,水上活動一樣咁受歡迎。

 

仲可以睇海龜

 

騎馬又得

 

雖然尼科亞半島好原始,但唔代表晚晚要喺森林紮營、訓樹屋嘅,當地都有好多靚酒店同resort可以選擇。

有到日本旅遊前要了解的實用資料嗎?

日本是香港人最愛的兩大旅遊地點,去旅行前必看5大旅遊保險保障新冠肺炎的比較,另外為你推介日本10大好用電話卡,亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話

日本已開放自由行,有最新的旅遊景點推介嗎?

想要行程推薦的可以參考以下資訊:大阪自由行攻略富士山28大景點福岡自由行懶人包東京自駕遊路線