機場明星
機場明星

機場內的明星萌友@杜遊珍

博客

廣告

找動物賣萌作品牌宣傳,真係次次奏效,而旅遊界都有呢招,搵狗狗上任機師、貓貓當機場站長,只要著上制服一律通殺,即使擺明是虛構的,大家都無話失望鬧爆,仲以假當真,期待見多幾面,今次阿珍就為大家介紹三位在機場內開工的明星萌友。

1. 尋找失物偵探犬

有試過在機場唔見嘢都知要搵有幾煩!KLM 航空 1 公司為加強貼心服務的形象,去年就拍片聲稱訓練了眼 6 仔碌碌的醒目小狗 Sherlock,空姐一發現失物就比佢聞 一聞,讓小狗將失物極速送回物主手中,令網友紛紛話如果係真嘅,寧願特登唔見嘢搏見佢一面。

2.香腸航空有狗機師?

臘腸狗 Crusoe 是網絡明星,專 COSPLAY 各行各業、周遊列國拍片賣萌,出寫真更賣開巷,上兩個月為宣傳新書更踩入航空界,穿起型仔制服在機場拖埋喼大 搖大擺,話歡迎大家乘搭「 香腸航空 」飛 L.A. 喎,仲成功冧掂空姐闖進控制室打卡!

3.駐守機場的忌廉哥

一隻誤闖機場的流浪貓,因機場職員好心收留,為她蓋建木屋,取名 Olly,8年來的駐守令她成為曼徹斯特機場的吉祥物,有自己的面書專頁,不單止成為乘客、機組人員的甜心,收到世界各地寄來的明信片,更誇張到有隻飛機要以佢命名,即使今年5月她已因病去世,成班粉絲都忍不住在面書留言哀悼。

延伸閱讀:

凌晨機 瞓機場 刁鑽貼士你要知!@杜遊珍

的士泰谷氣 Call車更合理揀!@杜遊珍