畀貼士
畀貼士

帳單已收服務費,仲使唔使畀貼士?環球「畀貼士」貼士

旅遊

廣告

關於畀貼士這個問題,在真係各處鄉村各處例:日本餐廳一般都唔收貼士,視之為一種侮辱;但去到歐美,你試下一蚊都唔畀,直情是自討侮辱!畀貼士這行為實在是一大學問,最基本法則是不要以信用卡畀貼士,因為未必可以落入給你Good service的侍應口袋;想感謝遇到的良好服務,唔想失禮又驚畀多咗,不妨參考以下整合港人經常外遊地點的「畀貼士」的潛規則。

01|日本:唔畀好過畀

日本人認為提供良好服務是餐廳、酒店、的士司機應有的待客之道,或者在高級餐廳或旅館的費用中已包含服務料金,所以不要嘗試額外畀貼士。假如感受到非一般的服務,或者為對方帶來太多麻煩想表達謝意,不妨用信封將現金入起,親手交給侍者並以抱歉之心聊表「阿哩吉多」。

02|韓國、台灣、新加坡:查看帳單有沒有服務費

光顧餐廳,若帳單已收取10%服務費(新加坡還收取7% GST商品稅),可視作貼士,若沒收服務費可給予10%貼士,另外也可留下找續的零錢給餐廳或的士。

03|泰國:揼完骨記得畀小費

服務業盛行的泰國,貼士相對重要,上餐廳可以給予找續零錢作貼士,若在較高級餐廳、酒店不妨給予5-10%小費。揼完骨做完Spa,技師都會在奉茶時等待你付小費,一般60-90分鐘腳底按摩可付50-70銖,2小時全身按摩可付100銖或更多,視乎技師手勢。

04|美國:帳單列明畀幾多

2014年美國因為餐廳自動收取貼士(automatic gratuity)計入薪水而要交稅引起仲裁,不少餐廳都改為建議貼士制度(suggested gratuity),一般是15%、18%、20%,帳單上會幫你計埋不同%即多少錢,只需按你心情及服務生的表現打賞即可。留意,一般自助美式快餐店都不用付貼士。另外,酒店門僮每件行李要付US$1-2,的士更要畀約20%小費,要知道美國服務業人工都頗低,小費是薪水的一部分,所以遊美國預多一點零錢。

05|歐洲:Check單外語要認住

歐洲餐廳通常會在帳單加上10%服務費,英國則普遍收取12.5%-15%,埋單時四捨五入為整數就可以。不過帳單上一些收費項目字眼要認識:法文「service compris」即是已包含小費,再付小費是心意;意大利文「cuperto」枱布費可譯作cover charge,無得唔畀;德文「Trinkgeld」飲品費解作貼士,千萬不要將錢放在枱上,會被視為無禮,應直接給予侍應或說句「Stimmt so (= Keep the change)」不用找續。