杜遊珍 (設計對白)
杜遊珍 (設計對白)

大媽上身 空中喊驚要沖涼!@ 杜遊珍

博客

廣告

唔好誤會,今期阿珍又搵單大媽失禮事件嘲笑一下又呃稿費,今次喊驚嗰位又係叫阿 珍,係Jennifer Aniston!剛剛釣到金龜豪花1億美金去Bora Bora度蜜月嘅珍妮花,最近以5 億美金身價同「 中東一號 」簽約成為代言人,第一波廣告竟然大媽上身,在飛機上吵鬧要沖 涼,結果獲得空姐恥笑,跟住仲因為無空中酒吧而激心到暈低,醒返原來發緊夢,平躺喺頭等 艙嘅flat bed上!廣告主要在歐美roll out,明顯想將阿美利堅一眾無服務可言的航空公司比下 去,不過十足十大台師奶劇一樣嘅 storyline,當然引起網民千重浪,最啜核有人話坐「 中東一 號 」嘅 econ 都係一場惡夢。除咗打美國市場,「 中東一號 」明顯想跟另一「 四個字 」中東航空鬥過,人哋搵 Nicole Kidman 在空中套房華麗轉身,Generic 地軟銷頭等套房,珍妮花就硬橋硬馬搵涼沖,事實證明,硬銷嘅下場,咪同「 吉咩嘢家 」同一命運囉。

關鍵詞
杜遊珍