古巴
古巴

《 在那遙遠的地方‧ 古巴 》洪永城檢視10年巨變!

旅遊

廣告

如果畀古巴人拍返套《十年》,十年後的夏灣拿會變成點?舊城區可能已經改建成大商場,街上的古董車亦都變晒法拉利,話唔定所有本土特色都可能已經被消失啦!你話無可能?如果幾年前話:美國總統會踏足古巴國土,相信都無乜 古巴 人會相信!不過隨著今年教宗、奧巴馬同The Rolling Stones破天荒到訪,預示古巴十年後(或者唔使十年),就會迎來巨變。食住個勢,洪永城(Tony)啱啱去完當地拍新一輯《在那遙遠的地方‧ 古巴 》,趕上尾班車,在變天前走返一日轉。

古巴 洪永城 1
《在那遙遠的地方·古巴》 播放日期:4月11日起,星期一至五(10:30pm) 頻道:翡翠台

2016 古巴事變

古巴 洪永城 4
《謊言堂》年頭於夏灣拿取景,成為第一部於古巴取景的美國劇。
好快古巴都有喜來登啦!Starwood酒店集團宣布在當地開設3間酒店。
好快古巴都有喜來登啦!Starwood酒店集團宣布在當地開設3間酒店。
古巴 洪永城 6
繼2月教宗到訪,美國總統奧巴馬亦在上個月去到當地與古巴總統會面。
古巴曾禁播搖滾樂,所以The Rolling Stones到古巴演唱,超轟動!
古巴曾禁播搖滾樂,所以The Rolling Stones到古巴演唱,超轟動!

去年冒著被送去勞改的危險,深入北韓拍攝,日日被人盯人監視。Tony 今年原班人馬一行五人出發古巴,迎戰隔籬新台大量充滿話題的旅遊節目:「出發前以為都係共產國家、資源又唔多,古巴人生活實好壓抑啦,拍攝又會好煩啦。但現實又唔係,在古巴唔使驚講錯嘢,唔使申請去到即興問吓店長,得就即刻開機拍,在街上舉起鏡頭都無人理。最正係古巴人好敢言,問咩答咩。」無驚無險拍成五集古巴特輯。
W:《新假期》 T:洪永城
W : 點解會去古巴?
T : 美國對古巴政策改變,相信會為當地帶來急速發展和改變。所以呢, 依家唔去,之後就未必見到古巴街頭咁獨特、咁懷舊的風景啦!為今次拍攝,我們前後飛兩轉,夾埋去咗廿日左右,到訪夏灣拿、聖克拉拉、雲尼斯山谷三地。要睇通街行的古董車和哲古華拉嘜頭之外, 仲想了解吓當地人在呢個歷史時刻,面對開放的想法。

W : 面對開放,古巴人的心態係點?
T : 今次拍攝訪問很多當地人,有啲老人家依然好憎美國,但大部分年輕人都好恨改變,想賺多啲錢改善生活質素,特別係解除禁運,可以入口外國貨;當地人亦歡迎放寬旅遊, 原來做醫生、老師,月薪大概只有三十蚊美金,不過做的士司機可以一個月搵二千美金。
W : 覺得古巴會唔會在短時間內全面變天?
T : 香港因為迎合自由行口味,藥房、金舖開到通街都係;若果當地無推出平衡的政策,古巴可能唔使三五七年,就會好似今日香港咁,為了迎接歐美遊客,老麥、商場開到成行成市,變成一個好平庸、無特色的加勒比海度假城市。是好是壞不由我去批評,所以都係嗰句,變天前快啲去一次!

古巴 洪永城 8
老爺車載得有錢人 租一部古董車遊夏灣拿舊城,一小時約US$30/HK$233,有好多車身顏色可以揀,襯埋衫都仲得!

古巴交易現場
2011古巴通過合法自由出售個人物業法例,只不過當地依舊唔興賣廣告,亦都暫時未有地產公司壟斷,要出售自己屋企,就要去到指定的地產交易市場公園做人形紙板。

古巴 洪永城 9
洋妞,買唔買樓?

上網有問題
正值奧巴馬訪問古巴前夕,夏灣拿周圍都係「執靚啲」修路工程,亦都鋪設梗固網上網線路,預計2020年就有一半人口有網上。其實古巴早於去年起,已經開始鋪設Wi-Fi spot,現時全國有不多於70個,未來一年會多一倍。
古巴 洪永城 10

向世界收客
自冷戰時期,美國一直禁止國民到古巴旅遊。咁多年無得去,所以在09年放寬旅遊限制後,美國遊客數量即時增長超過17萬,今年開始已有加勒比海航線郵輪加入夏灣拿一站。
古巴 洪永城 12

塔利班金枝獄孽
美國曾在上世紀向古巴永久租用關塔那摩灣,建設海軍基地,成為雙方交惡的根源之一。今次TVB 成功向當局申請,深入位於基地之內,專門囚禁恐怖分子的關塔那摩灣監獄。

古巴 洪永城 11
因為當局在最後一刻先批准我哋入監獄拍,所以特登飛多轉去補拍,好值得!

走過煙草大地

古巴出產的雪茄質量冠絕全球,加上因為當地絕大部分的餐廳和Café 都無禁煙規例, 隨處可見抽著雪茄的人,Tony 說:「每日在古巴街頭最少見到十幾位食住雪茄的老伯,好鬼型。外國客亦例必掃雪茄做手信,當地一支雪茄大約港幣70元,在香港買要Double!」不過古巴的手製雪茄買少見少,想搵最靚雪茄,Tony由夏灣拿出發,乘3小時車去到全世界最優質的煙草產地雲尼斯山谷(Viñales)。「山谷方圓幾里都係種煙草,一大片煙草田睇唔到盡頭,採集之後在於鄰近的小工場曬乾。雖然並非製煙工場,但亦會讓參觀遊客體驗手製雪茄。咪以為好似捲煙,捲一捲就搞掂!原來過程都幾複雜、幾難,要反覆捲五層,煙草種類、粗幼都有學問,仲要好大力壓。不過見我論論盡盡,要師傅出手幫忙,我想我比較適合買現貨。」

古巴 洪永城 21
當地旅行社亦有開辦雲尼斯山谷Day tour,參觀煙草田加捲煙,玩足一日一個人收US$250/HK$1,940。(查詢:havanatourcompany.com)
古巴 洪永城 23
Romeo Y Julieta Churchill 鋁管裝雪茄 HK$70/一支
古巴 洪永城 22
古巴的手製雪茄出晒名,在師傅純熟的手法之下,不需要5分鐘便捲好一支。
古巴 洪永城 24
行程最後當然唔少得,拎返住自製支雪茄扮型啦。
古巴 洪永城 29
唔好以為介紹香煙唔出得街,拍攝時唔點著雪茄就得㗎喇!

後記 恐懼本身
要代表古巴,數古董車和雪茄之餘,仲有佢哋嘅革命之父哲古華拉,在夏灣拿街頭通街都見到佢嘅嘜頭。仲以為今次Tony 會一貫貪玩作風扮下呢位革命英雄,結果只係著咗套當地傳統民族服。今次訪問前提議Tony以哲古華拉造型影相,不過Tony 耍手擰頭,回覆話想用一頂「無星」的帽代替喎。唔知係咪擔心呢個造型容易令人聯想起長毛,擔心曲線幫隔籬新台旅遊節目做宣傳呢?

古巴 洪永城 26
Tony穿上古巴傳統服,不過感覺跟普通軍裝分別不大。
古巴 洪永城 27
其實Tony去到古巴都有買返一份哲古華拉的畫做手信。

有到日本旅遊前要了解的實用資料嗎?

日本是香港人最愛的兩大旅遊地點,去旅行前必看5大旅遊保險保障新冠肺炎的比較,另外為你推介日本10大好用電話卡,亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話

日本已開放自由行,有最新的旅遊景點推介嗎?

想要行程推薦的可以參考以下資訊:大阪自由行攻略富士山28大景點福岡自由行懶人包東京自駕遊路線