台北
台北

年初蒲台北 必睇6個人氣動漫展!

旅遊

廣告

年尾台灣套票價錢激抵,千幾蚊已可玩3日,相信好多人已 book 定 新一年飛台灣!除了循例到夜市增磅,今年台北還有多個日本動漫卡通展,伴你成長的柯南和爆紅蛋黃哥都有現身,展覽有得玩有得食,舉辦地點就在捷運站附近,扮完偵探再去食蛋黃(哥)亦好方便!

重口味虛擬獵殺! (即日至 29/2)

60米高巨人跟足原著製作,舊年去完日本巡遊再進擊台北,憑嘔心鼻毛紅遍兩地,連電影版主角三浦春馬都專程到開幕禮撐場。睇完巨人未夠喉,可玩埋360° 立體劇場「哮」,戴上頭戴式熒幕進入虛擬動畫中,實地參與獵殺巨人攻防戰!

台北展

聽聞劇場體驗超刺激,巨人會在你頭殼頂上跨過,仲會試圖食咗你!
聽聞劇場體驗超刺激,巨人會在你頭殼頂上跨過,仲會試圖食咗你!

進擊之巨人展

•地點:松山文創園區1號倉庫
•時間:10am – 6pm
•交通:乘捷運於國父紀念館站下車

集齊食玩買!-即日至 6/3

早前《新假期》曾派員直擊蛋黃哥展,發現超多打卡位,包括黃金蛋黃大帝、蛋黃夜市和細路至愛小滑梯,仲捕獲到蛋黃哥在展區內無牌行醫!影完一輪肚餓,可到小食檔買雞蛋糕食,將蛋黃哥生吞活剝!臨走記得買蛋黃酥做手信呀! 台北動漫展

蛋黃哥造型雞蛋糕,得意到唔捨得食!
蛋黃哥造型雞蛋糕,得意到唔捨得食!

蛋黃哥懶得展

•地點:國立台灣科學教育館
•時間:9am-5pm
•交通:乘捷運於士林站下車

食腦解謎王!-即日至 13/3

柯南展最特別係有個「解謎區」,入場後會收到一本偵探手冊,要你拆解兇殺懸案,成功破案才准進入手稿區睇柯南原稿。謎題由經營密室逃脫的「笨蛋工作室」設計,聽聞難度頗高,最少花1小時才可解開。真相只有一個,自認聰明的你快去挑戰!

台北動漫展

 

將兇殺案現場「 毛利偵探 事務所」逼真重現,連血 跡都有!
將兇殺案現場「 毛利偵探 事務所」逼真重現,連血跡都有!

名偵探柯南20周年展

•地點:華山1914文創園區東二館
•時間:10am-6pm
•交通:乘捷運於忠孝新生站下車
繼續閱讀:唔好錯過鬆弛熊、海賊王同冰雪奇緣展!

熊粉必去!-即日至 20/3

唔講唔知,原來鬆弛熊出過72個主題造型,今次展出其中19個,多數係鬆弛熊狂食甜品如pancake和朱古力,令(港)女粉絲們好想食埋一份。場內還有一 本鬆弛熊電子書,用手掃熒幕即可睇晒熊熊繪本,又幾高科技!

台北動漫展

草莓造型小白熊蛋糕,好卡娃依呀 !

拉拉熊甜蜜時光展

•地點:松山文創園區5號倉庫
•時間:10am-6pm
•交通:乘捷運於國父紀念館站下車

千陽號起航!-即日至 29/3

海賊王15歲生日啦!今次周年展有4 個展區,全是影相打卡位,必影位包括巨型千陽號、1比1海賊團模型和「新世界」冒險場景!好興奮?證明你係超級海賊粉絲,咁記得玩埋問答遊戲喇!不過據講答中無獎。

台北動漫展

台北動漫展
新世界冒險場景中的《 魚人島 》。

-8°C 激凍體驗!-即日至 10/4

風靡萬千細路的Frozen仍未有續集,想止癮可先到中正紀念堂睇展覽!展區設計抄足冰雪王國,設有零下8°C 低溫區,去到可玩巨型冰滑梯兼堆雪人!聽聞冰區真心凍,去玩記得著多件衫!

台北動漫展

台北動漫展
零下8°C 雪地,著定厚褸玩冰沙啦!

繼續閱讀:高雄都有小丸子同海綿寶寶等緊你!

追加!玩到高雄!

行完台北,南下高雄仲有小丸子同海綿寶寶等緊你!兩個展覽都在駁二藝術特區舉辦,小丸子25周年展曾於去年暑假在台北舉辦,第二站移師高雄,上次無睇就記得去喇!隔壁還有海綿寶寶展覽,展區設計抄足動畫場景,在水底世界中可搵到海綿寶寶、章魚哥和蟹老闆等8位主角,一家大細必去!

櫻桃小丸子學園祭: 25周年特展-即日至 5/4

台北動漫展

海綿寶寶: 暢遊比奇堡特展-即日至 27/3

台北動漫展