灰鞋
灰鞋

簡約有型! 夏季必買8款 灰鞋 款式

時尚美容

廣告

每次想買波鞋,都會首先諗起黑鞋同白鞋,因為前者唔易污糟,後者又易襯。所以唔知幾時開始,波鞋界既潮流慢慢就淨返黑與白…搞到出親街都同人撞色又撞款!講個秘密大家知,原來…係黑與白之間,還有一種顏色叫灰色嫁!!!相比起黑鞋同白鞋, 灰鞋 有一種平實不造作嘅型格,講配搭嘅話絕對唔會輸蝕比白鞋。馬上睇下8款今季必入嘅灰鞋款式,齊齊做個灰鞋子!

型格 灰鞋 超易襯!潮人另一襯衫神物!

上次介紹了有不少明星都愛穿白鞋,但其實灰鞋都唔輸蝕嫁!繼白色NMD之後,周柏豪都於社交平台與大家分享他對灰鞋的熱愛,連碧咸大仔Brooklyn Beckham 都比人影到佢著灰色Yeezy Boost 350s。簡單一件淨色衫配灰鞋子真係無得輸。再者,灰鞋相對無咁顯出污積,真係穿配神物。

10款型格灰鞋款式

1. Adidas Originals NMD_R1 – Grey/White

NMD必定係今季嘅大熱鞋款,喺全球各大明星加持之下,真係一鞋難求啊!想買一啲特別啲嘅顏色就真係要每日mon住各大波鞋網站,好似以下呢款NMD_R1 – Grey/White咁,一上架就即刻比人掃哂,事關呢對灰色NMD側面嘅前後穩定板全為白色,比起開初推出嘅灰紅配色,更加簡約易襯!

2.“Grey Python”Air Jordan 1

Air Jordan絕對稱得上為波鞋界嘅經典款式之一,佢係每個年代都能夠成功帶起熱潮。係今個月,美國洛杉磯一間波鞋定製公司就將經典之中嘅經典-Air Jordan 1重新改造,利用極度奢華嘅物料為Air Jordan 1嘅經典設計添上劃時代嘅風格。有幾奢華?漆皮鞋頭、源自古著外套嘅3m反光鞋舌同埋佔滿鞋身後半嘅灰色蟒蛇紋皮革,構成咗一對既豪華又型格嘅灰鞋!

Custom made wearable art. Patent leather, python, 3m reflective, orthopedic cork foot bed Made in losangeles Shot by @losangeles

The Shoe Surgeon™(@theshoesurgeon)張貼的相片 於 張貼

3. Nike ACG Lupinek Flyknit Low SFB

NikeLab 嘅ACG系列波鞋以時尚、科技同功能性集於一身,成功令Nike喺波鞋市場劃出一塊新嘅版圖。上年率先推出高筒鞋款,而今年夏季就換左低筒。利用高級防水皮革同Flyknit 組成嘅 VAC-TECH 鞋面,再配合高超工藝以最少縫線製作,特意為夏季多雨嘅天氣設計。簡單啲嚟講,著咗佢就算遇上好似黑色咁大嘅黃雨都可以保持雙腳腳掌通爽透氣!Phylon 中底有緩震功能,加上特製抓地紋的 Special Field Boot 外底,真係上刀山落油獲都唔驚!

 

4. New Balance 574 Breathe

夏天已經殺到嚟啦,識揀一定揀返對極度透氣嘅波鞋。就算無落雨都好,出成日街對腳焗住焗住嘅感覺都唔舒服啦! New Balance 574 Breath故名思義,以「呼吸」為設計概念以現代化嘅設計將 574 注入新嘅靈魂,網面同透氣孔幾乎佈滿咗成對鞋,真係好似識呼吸一樣!鞋跟用上ENCAP 緩震系統,涼爽、舒適又不失夏日嘅輕快時尚感!

經典灰鞋款式

以下呢幾隻鞋款,簡直可以被形容為「超越季節性潮流嘅存在」,眼見每季新出嘅熱棒鞋款比人炒到天價嘅時候,不妨考慮下以下呢幾款鞋,易襯又長青!

5. Nike Air Huarache

曾經掀起一輪熱潮嘅Nike Air Huarache都有推出灰鞋子,其中呢對全灰鞋,鞋頭位有透氣物料,亦有灰色麂皮襯托,令鞋子在物料上有所層次,而且又有男女款式,有唔少人拎佢嚟做情侶鞋嫁!

網購網站:按我

6. Nike Roshe One Flyknit

女裝的Nike Roshe One Flyknit,包邊網布鞋面,舒適方便,簡單而又不失時尚感。

網購網站:按我

7. Vans Authentic Monument Grey

經典百搭鞋款之一,男女尺寸,鞋款設計自1966年以來源用至今,從未變改。

8. adidas Original SuperstarSuede

經典絨面鞋款,人人都認得出嘅「西瓜頭」,灰底白間撞出分明嘅型格對比。

網購網站:按我