芝士撻
芝士撻

【 芝士撻 】最平的 芝士撻 出現喇?$6.5 芝士撻 與BAKE工房大比拼

飲食

廣告

一個日本 芝士撻 ,令到SOGO地下長期瘋狂排隊,實力的確不可睇少!之前同大家試食比拼完日本BAKE同香港半熟工房,近日竟然比記者發現有網店做到芝士撻,而且價錢係意想不到的 $6.5($26/4件)!?唔係呱!既然佢咁誇張,記者就即時搵店主,試食比拉一下平民價 芝士撻 的味道!

發現芝士撻網店後,記者立即找到負責人問清詳情,原來店主是一位少女,現在是一位學徒廚師。她基於興趣下製作芝士撻,估唔到在網上大受歡迎,在剛剛去的星期就做了400多個,記者都好想試下有幾好食!

 

芝士撻 試食比拼!邊個好食D?

$6.5 芝士撻 試味開始!首先,記者聞到撻有強烈的芝士味,但看到餡料好像不多。試一下,食到酸甜的芝士味,但細細咀嚼下就慢慢被撻皮的曲奇味蓋過,餡料有點不足,如果有更多餡料,味道的確會更好。而口感方面,撻皮與芝士餡的混合一硬一軟,脆口之餘再帶軟熟芝士口感。

比拼之下,平民版 芝士撻 的價錢實在便宜太多,普通蛋撻都要$4個啦,所以價錢上絕對吸引;撻皮方面,平民版同樣有曲奇味重的撻皮,口感脆硬,正!至於味道方面,由於芝士餡較少,所以芝士味稍稍被撻皮曲奇味蓋過,而且食芝士撻最過癮係咩呀?就係咬開有流心的效果,這一點平民版就較為輸蝕。總括而言,平民版 芝士撻 性價比依然極高,但如果要食超濃芝士味,甚或追求終極的日本半熟芝士撻味道,那BAKE與半熟工房當然較優勝。但…$6.5同$22一個,你會點揀?

 

芝士撻 外另一選擇!黑朱古力濃味撻似欣欣杯?

原本記者只想試$6.5 芝士撻 ,但店主叫記者試埋朱古力撻。好啦,又睇下有幾特別。

正式試味!朱古力撻的最特別之處,就是味道。由於餡料充足,撻的朱古力味非常濃,而餡料的深色外表都反映到高濃度朱古力。記者覺得餡料的質感好像Nutella 榛子醬,更貼切的就是似小時候的小食欣欣杯,口感非常特別,朱古力迷可以一試!

 

Myroomroom
網址:instagram.com/myroomroom

訂撻:6749 2213

BAKE CHEESE TART
地址:銅鑼灣軒尼詩道555號崇光百貨地庫B2-16號舖 (顯示地圖)
電話:2831 3937

半熟工房
地址:尖沙咀金馬倫道6A (顯示地圖)
電話:6129 9293

伸延閱讀:
杜如風喪讚!日本流心 芝士撻 抵港!3大邪惡秘密!
最新! 半熟蛋糕 三大必試原因【試食報告】
新假期周刊 電子書:
ios:https://itunes.apple.com/hk/app/xin-jia-qi-zhou-kan/id722179449?mt=8

Android:https://play.google.com/store/apps/details?id=com.weekendhk.newsstand2&hl=zh_HK
新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按扭下揀選「搶先看」,搞掂!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..