戶外攝影天氣資訊網頁
戶外攝影天氣資訊網頁

天文台新服務!!! 攝影愛好者專用「戶外攝影天氣資訊網頁」

香港好去處

廣告

早前香港經歷咗59年以來最凍嘅冬天,大帽山多處結霜結冰令好多市民都紛紛上山影相,但亦因為部分市民忽視咗山上氣溫同情況,令到最後要消防員協助落山。香港天文台就喺今日(3/3)推出「戶外攝影天氣資訊網頁」試驗版,集合所有必知嘅資訊,方便鍾意走遍山水之間嘅攝影發燒友留意天氣變化。呢個網站有咩特別?

1 高空觀測資料!適合鍾意高山攝影愛好者

如果係想影雲、霜,霧或者煙霞就一定要留意啦!入面包括大氣低層空氣溫度、露點溫度、風速同堆風向變化,呢啲資料可以幫你識別大氣層內係唔係有有啲濕潤嘅空氣或者逆溫層,決定你有冇運氣影到雲海等靚相。

2 加入大帽山及大嶼山自動氣象站資料

大帽山同大嶼山都好高,嗰到嘅溫度同平時感受到嘅有一定嘅差距!所以喺「分區天氣」新增咗呢個資料最起碼可以令上山者知道山上情況,早啲預備,避免發生意外!

3 鼓勵了解更多天氣科學知識

喺網頁中間就有一張張風景相,原來全部都係市民影嘅!點入張相仲會見到一啲天氣現象嘅學名。今次真係長知識了!

 

4 戶外攝影天氣資訊網頁 (試驗版)集各資訊於一身

由頁面可見,所有同戶外有關係嘅資訊都集於一身,一目了然!

圖片來源:香港天文台網頁

 

外攝影天氣資訊網頁 (試驗版)
網頁:http://www.hko.gov.hk/out_photo/outdoor_photo_uc.htm

 

延伸閱讀:

哪一天我們看日出? 捕捉2016晨光教學

2015最壯觀雙子座流星雨 6大推介觀星地點!